𝐋𝐚𝐮𝐭é𝐦, 𝐒𝐞𝐠𝐮𝐧𝐝𝐚-𝐟𝐞𝐢𝐫𝐚, 𝟏𝟐 𝐌𝐚𝐢𝐨 𝟐𝟎𝟐𝟓

𝐒𝐮𝐚.𝐄𝐬𝐞𝐥é𝐧𝐬𝐢𝐚, Prezidente Autoridade Munisipál Lautém, 𝐒𝐫. 𝐌é𝐥𝐢𝐨 𝐝𝐞 𝐉𝐞𝐬𝐮𝐬, 𝐒𝐇, hamutuk ho Prezidente Konsellu Munisipál Kombantentes Libertasaun Nasionál (CMCLN) Munisípiu Lautém, Reprezentante Komandante Polísia Nasionál Timor-Leste (PNTL) Munisípiu Lautém no Administrador Postu Administrativu Lautém, abertura feira produtu lokál no non produtu lokál, hodi komemora loron Aniversáriu Restaurasaun Indepedénsia, 20 de Maio ba dala XXIII 2002-2025, ne’ebé hala’o iha Postu Administrativu Lautém.

Durante iha ámbitu abertura Feira, 𝐒𝐮𝐚.𝐄𝐬𝐞𝐥é𝐧𝐬𝐢𝐚, Prezidente Autoridade Munisipál Lautém, 𝐌é𝐥𝐢𝐨 𝐝𝐞 𝐉𝐞𝐬𝐮𝐬, 𝐒𝐇, hateten, abertura Feira Produtu lokál no la produtu lokál ba iha ámbitu komemorasaun loron nasionais 20 Maio 2025 ba dala XXIII. Tanba ida ne’e, nu’udar Prezidente Autoridade Munisipál Lautém, apresia ba Komisaun Organizadora nivel Munisipál no Komisaun Organizadora Lokal, ne’ebé organiza atividade ida ne’e, durante iha observasaun partisipasaun Povu sosiedade no komunidade lokál iha Postu Administrativu Lautém antuziasmu tebes hodi partisipa loron nasionais Restaurasaun Indepedénsia.

Lider másimu iha Munisípiu Lautém, husu komisaun lokál, tenke asegura loron nasionais ba Restaurasaun Indepedensia iha tinan ida ne’e hodi kria Páz dame no trankilidade nia laran, hodi fó susesu ba loron ida ne’e iha Munisípiu Lautém. Nia husu Komisaun Lokál tenke nakloke nafatin simu komunidade sira, nune’e bele mai loke stan iha feira, hodi promove produtu sira ne’ebé maka komunidade sira prodús iha toos laran. Iha biban ne’e mós Prezidente Autoridade Munisipál Lautém, mensiona kona-ba eventu komemorasaun loron mundiál Oseaniku nian, ne’ebé sei hala’o kampaña nasionál ba Tasi Mos ligadu ekonomia Azúl, sei hahú iha loron 1 Junu to’o loron 8 2025, tanba atividade ida ne’e sei hala’o uluk iha loron 1 no 2 Junu Postu Iliomar Tasi Ibun Iradarat, iha loron 3 no 4 iha Postu Lore, iha loron 5 no 6 iha Postu Lautem no ikus iha loron 7 no 8 iha Postu Tutuala, atividade loron mundiál Oseaniku ne’e, sei iha limpeza Jeral Tasi ibun no Estudante sira halo pintura dezeñu ligadu ba tasi nian. Aleinde ne’e mós, Administrador Postu Administrativu Lautém bele koordena ho Administrador Postu Tutuala, bele organiza komunidade sira ne’ebé iha interese atu tuir karavana bele ba rejistu iha Postu Tutuala, tanba sei iha atividade Turismu Maritima, Peska no Bero iha mós Kompetisaun Kail Ikan, Halai Bero, Kompetisaun Luku Tasi ne’ebé sei hala’o hotu iha festivál Jaco Island.

Enkuantu, Prezidente Autoridade Munisipal Lautem mós subliña, kona-ba Estrada husi Postu Lautém ba Postu Lospalos Vila no Postu Lautém ba Com, ne’ebé iha ona informasaun husi Ministru Obras Públiku (MOP) katak, iha ona progresu Komisaun Nasionál Aprovizionamentu, karik laiha impaktu ruma findu Maio iha ona kompañia vensedór hodi asina kontratu, nune’e iha fulan Junu bele halo ona fatuk dahuluk, nune’e mós Estrada husi Lospalos Vila ba Postu Lore no Trisula ba Postu Tutuala iha prosesu aprovizionamentu.

𝙍𝙚𝙢𝙖𝙩𝙖

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢