𝐋𝐨𝐬𝐩𝐚𝐥𝐨𝐬, 𝐓𝐞𝐫𝐬𝐚-𝐟𝐞𝐢𝐫𝐚, 𝟐𝟗 𝐀𝐛𝐫𝐢𝐥 𝟐𝟎𝟐𝟓

Ministériu Saúde (MS) liu husi Direção Nasional Farmacia e Medicamentos (DNFM) hala’o enkontru ho Diretor no Xefe Departamentu sira husi Munisípiu 13 inklui RAEOA ho objetivu atu halo avaliasaun Anual 2024 ba Progresu Servisu Farmacia iha Fasilidade Saude no Preparasaun Planu Asaun tinan 2025 no 2026, ne’ebé hetan abertura husi Vise Ministru ba Operasionalizasaun Ospitál, 𝐒𝐫. 𝐅𝐥á𝐯𝐢𝐨 𝐁𝐫𝐚𝐧𝐝ã𝐨 𝐌𝐞𝐧𝐝𝐞𝐬 𝐝𝐞 𝐀𝐫𝐚ú𝐣𝐨, ne’ebé hala’o iha Salaun Parókia Lospalos.

Iha intervensaun, reprezentante Prezidente Autoridade Munisipál Lautém, Sekretáriu Munisipál Asuntu Sosiais no Organizasaun Komunitária, 𝗦𝗿. 𝗭𝗲𝗳𝗲𝗿𝗶𝗻𝗼 𝗱𝗼𝘀 𝗦𝗮𝗻𝘁𝗼𝘀 𝗦𝗲𝗾𝘂𝗲𝗶𝗿𝗮, sente orgullu, tanba Ministériu Súde hala’o avaliasaun mai iha Munisípiu Lautém.

Tanba ida ne’e, husu ba Dirijente sira aproveita oportunidade ida ne’e halo avaliasaun ho didi’ak durante loron rua nia laran, tanba avaliasaun ida ne’e importante tebes ba tinan ida ne’e no ba tinan oin nian.

Reprezentante Prezidente Autoridade Munisipál Lautém ne’e salienta, durante loron rua ne’e sufisiente hodi Dirijente sira bele halo avaliasaun didi’ak, nune’e avaliasaun ne’e nia rezultadu ne’ebé di’ak hodi bele atende ba Komunidade sira ho dignu.

𝙍𝙚𝙢𝙖𝙩𝙖

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢