𝐋𝐨𝐬𝐩𝐚𝐥𝐨𝐬, 𝐒𝐞𝐠𝐮𝐧𝐝𝐚-𝐟𝐞𝐢𝐫𝐚, 𝟏𝟖 𝐀𝐠𝐨𝐬𝐭𝐨 𝟐𝟎𝟐𝟓

Autoridade Munisipál Lautém hamutuk ho reprezentante Komandu Falintil Forsa Defesa Timor-Leste (F-FDTL), Major Jenerál 𝗝𝗼ã𝗼 𝗠𝗶𝗿𝗮𝗻𝗱𝗮 “𝗔𝗟𝗨𝗖 𝗗𝗘𝗦𝗞𝗔𝗥𝗧𝗘𝗦” no Ministru Petroleu no Rekursu Minerais, 𝐒𝐫. 𝐅𝐫𝐚𝐧𝐜𝐢𝐬𝐜𝐨 𝐝𝐚 𝐂𝐨𝐬𝐭𝐚 𝐌𝐨𝐧𝐭𝐞𝐢𝐫𝐨, ne’ebé destakadu mai iha Munisípiu Lautém, ho Povu Munisípiu Lautém hala’o selebrasaun loron nasionál 20 Agostu 1975 no 20 Agostu 2025 ba dala 50 Ezistensia FALINTIL nian, atividade serimónia ne’e hala’o iha Kampu 28 Novembru Lospalos Vila.

Serimónia refere, inspetór husi Ministru Petroleu Rekursu no Minerais (MPRM) 𝐒𝐫. 𝐅𝐫𝐚𝐧𝐜𝐢𝐬𝐜𝐨 𝐝𝐚 𝐂𝐨𝐬𝐭𝐚 𝐌𝐨𝐧𝐭𝐞𝐢𝐫𝐨, to’o remata, aleinde ne’e mós Sua.Exçelénsia, Ministru Petroleu no Rekursu Minerais (MPRM) 𝐒𝐫. 𝐅𝐫𝐚𝐧𝐜𝐢𝐬𝐜𝐨 𝐝𝐚 𝐂𝐨𝐬𝐭𝐚 𝐌𝐨𝐧𝐭𝐞𝐢𝐫𝐨, ofisiál le ninia diskursu no Komandu Jerál Forsa Armada reprezentante husi Major Jenerál 𝗝𝗼ã𝗼 𝗠𝗶𝗿𝗮𝗻𝗱𝗮 “𝗔𝗟𝗨𝗖 𝗗𝗘𝗦𝗞𝗔𝗥𝗧𝗘𝗦” mós le ninia diskursu.

Enkuantu iha serimónia ne’e iha mós Desfile Popular no Marsa Popular la’o ain ne’ebé partisipa husi, Prezidente Autoridade Munisipál Lautém, reprezentante Komandu Falintil Forsa Defesa Timor-Leste (F-FDTL), Major Jenerál João Miranda “ALUC ” Deskartes no Ministru Petroleu no Rekursu Minerais, Sr. Francisco da Costa Monteiro, 𝐊𝐨𝐫𝐨𝐧𝐞𝐥 𝐁𝐞𝐧𝐞𝐝𝐢𝐭𝐨 𝐃𝐢𝐚𝐬 𝐐𝐮𝐢𝐧𝐭𝐚𝐬 “𝐏𝐔𝐍𝐔 𝐅𝐀𝐍𝐔” Coronel 𝐍𝐮𝐧𝐞𝐬, Partidu Polítiku sira ne’ebé eziste iha tinan 1975 no Organizasaun Rezisténsia sira hanesan, Obzelatil, Ozetil, Fitun, Sagrada Família, Dewan Soliedaridade, Renetil no Falintil Forsa Defesa Timor-Leste (F-FDTL), Polísia Nasionál Timor-Leste (PNTL) Munisípiu Lautém, Veterano/a, Família Mártires da Patria, Seguransa Sivil, Bombeirus, Funsionáriu sira, Estudante sira husi Eskola Sekundária Jeral Nino Conis Santan, Komunidade Sosiedade ne’ebé hale’u Kampu 28 Novembru Lospalos Vila, nune’e mós iha atividade Karavan.

Iha entrevista, 𝐒𝐮𝐚. 𝐄𝐱ç𝐞𝐥é𝐧𝐬𝐢𝐚, Prezidente Autoridade Munisipál Lautém, 𝐒𝐫. 𝐌é𝐥𝐢𝐨 𝐝𝐞 𝐉𝐞𝐬𝐮𝐬, 𝐒𝐇, lori povu Munisípiu Lautém agradese no parabeniza ba FALINTIL ne’ebé selebra tinan 50 Ezisténsia FALINTIL nian, parabeniza mós As-Wain sira, ne’ebé dedika sakrifísiu sira nia an tomak ba rai ida ne’e ikus bele hetan nia Independensia.

Nu’udar Autoridade Munisipál Lautém agradese tomak ba apoiu husi Ministériu Defeza liu husi Komandu F-FDTL ba tinan ida ne’e hodi bele selebrasaun tinan 50 Ezisténsia FALINTIL nian iha Munisípiu Lautém, tanba Munisípiu Lautém nu’udar Rejiaun Um Ponta-Leste. Kona-ba Preparasaun ba atividade 20 Agostu tinan 50 Ezisténsia FALINTIL, responsavel iha Munisípiu Lautém salienta, atividade ne’e enkaixa ba Komemorasaun mak hanesan, Desfile Popular, Karavana, Sertame, Kuis, Poezia, Dansa Kultural, Muzika Rezisténsia no atividade sira seluk inklui reflesaun kalan relasiona Historia Falintil 1975 to’o 1999. Tanba Munisípiu Lautém Selebrasaun 20 Agosto tinan 50 Ezisténsia FALINTIL, iha loron 18 Agostu 2025 no 20 de Agostu mak sei hala’o iha nasionál, tanba ida ne’e Munisípiu Lautém nu’udar rejiaun Um Ponta-Leste.

𝙍𝙚𝙢𝙖𝙩𝙖

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢