𝐋𝐨𝐬𝐩𝐚𝐥𝐨𝐬, 𝐒𝐞𝐠𝐮𝐧𝐝𝐚-𝐟𝐞𝐢𝐫𝐚, 𝟒 𝐀𝐠𝐨𝐬𝐭𝐨 𝟐𝟎𝟐𝟓

Organizasaun Naun Governamental liu husi (ONG) Forum ONG Timor-Leste (FONGTIL) hala’o treinamentu no kapasita ba membru ONG sira iha Munisípiu 4 hanesan Munisípiu Lautém, Baucau, Viqueque, no Manatuto, oinsa atu hasae kapasidade instituisinál ba membru sira nian, hodi nune’e membru sira bele hatene hala’o planu estratéjia sira hanesan, hakerek, proposta no hatene halo relatoriu iha servisu fatin, ne’ebé hili metodu Project Cycle Management (PCM) atividade treinamentu ne’e hetan apoiu fundus subvensaun publiku tinan 2025 husi Gabinete Apoiu Sosiedade Sivil, ne’ebé durante semana ida hahu iha loron, Segunda-feira 4 Agosto sei remata iha loron Sexta-feira, 8 Agosto 2025, ne’ebé hala’o iha Salaun NGO Fraterna, iha Aldeia Nakroman, Suku Fuiloro, Postu Lospalos, Munisípiu Lautém.

Iha diskursu, Sua.Exçelénsia, Prezidente Autoridade Munisipál Lautém, Sr. Mélio de Jesus, SH, lori Autoridade Munisipál Lautém nia naran hakarak fó agradesimentu ba FONGTIL ne’ebé konvida mai iha fatin ida ne’e hodi hala’o abertura ofisial ba treinamentu kona-ba planu estratéjiku ho metodojia Project Cycle Manajament (PCM). Nune’e iha okaziaun ida ne’e hato’o mensajen ba partisipante sira, tanba formasaun ida ne’e importante tebes hodi bele reforsa kapasidade instituisaun no Organizasaun sira, atu bele planifika no implementa programa dezenvolvimentu iha forma ida ne’ebé planeada ba efisiente no sustentavel.

Entretantu, membru ONG sira ne’ebé partisipa Treinamentu ida ne’e hanesan Munisípiu Baucau ONG hamutuk 13, Munisípiu Viqueque ONG hamutuk 3 Munisípiu Manatuto, ONG hamutuk 4 no Munisípiu Lautém ONG hamutuk 9 total NGO hamutuk 31 mak partisipa Treinamentu ida ne’e.

Remata

Média PAM-Lautém