𝐋𝐨𝐬𝐩𝐚𝐥𝐨𝐬, 𝐊𝐮𝐚𝐫𝐭𝐚-𝐟𝐞𝐢𝐫𝐚, 𝟑𝟎 𝐉𝐮𝐥𝐥𝐮 𝟐𝟎𝟐𝟓

𝐒𝐮𝐚. 𝐄𝐱𝐞𝐥é𝐧𝐬𝐢𝐚, Prezidente Autoridade Munisipál Lautém hamutuk ho 𝐒𝐮𝐚. 𝐄𝐱𝐞𝐥é𝐧𝐬𝐢𝐚, Secretário Estado Cooperativa, akompaña ho Komandante Polísia Nasionál Timor-Leste (PNTL) Munisípiu Lautém, Administrador Postu Lospalos hahú hala’o lansamentu markasaun ba sentru produsaun kooperativa, iha ne’ebé futuru bele hala’o produsaun kooperativa nian iha Munisípiu Lautém, atividade lansamentu ne’e hala’o iha Pato, Suku Fuiloro, Postu Lospalos.

Iha intervista, 𝐒𝐮𝐚. 𝐄𝐱𝐞𝐥é𝐧𝐬𝐢𝐚, Prezidente Autoridade Munisipál Lautém, 𝐒𝐫. 𝐌é𝐥𝐢𝐨 𝐝𝐞 𝐉𝐞𝐬𝐮𝐬, 𝐒𝐇, agradese ba SEKooP ne’ebé ho programa no planu atu harii Sentru Kooperativa iha Munisípiu Lautém, tanba ne’e fas parte husi planu dezenvolvimentu integradu no planu estratéjiku dezenvolvimentu Munisípiu Lautém nian, tanba tinan 2027 bele tama ona ba iha prosesu desentralizasaun no podér lokál. Nune’e kondisaun mínimu ne’ebé presiza tenke prienxe rekezitu ba iha setór hotu-hotu ne’ebé maka ita prepara inklui Kooperativa ne’ebé komesa harii ona ninia sentru kooperativa iha Munisípiu Lautém hodi fó benefísiu ba komunidade sira iha Munisípiu Lautém.

Responsavel másimu iha Munisípiu Lautém husu ba dirijenti no funsionáriu Kooperativa nian ne’ebé destakadu iha Munisípiu Lautém hamutuk ho Autoridade Munisípiu parte seguransa bele asegura nafatin ba fatin ne’ebé atribui ona ba SEKoop, ne’ebé hala’o ona markasaun, ne’ebé iha obrigasaun no responsabilidade atu asegura ba fatin ida ne’e, nune’e ba oin bele utiliza ba fatin sentru kooperativa. Autoridade Munisipál Munisipál Lautém mensiona, apoiu nafatin ho SEKoop no instituisaun estadu tomak, atu alkansa no aselera ba prosesu dezenvolvimentu iha Munisípiu Lautém tuir programa Nonu Governu Konstituisionál nian.

Iha fatin ne’ebé hanesan, 𝐒𝐮𝐚. 𝐄𝐱𝐞𝐥é𝐧𝐬𝐢𝐚, Secretário Estado Cooperativa (SECoop) 𝐀𝐫𝐬é𝐧𝐢𝐨 𝐏𝐞𝐫𝐞𝐢𝐫𝐚 𝐝𝐚 𝐒𝐢𝐥𝐯𝐚, agradese ba Prezidente Autoridade Munisipál Lautém ho ninia estrutura tomak, tanba bele asegura pedidu ne’ebé husi SEKoop ho lalais hodi bele realiza no hala’o markasaun fatin ida ne’e, tanba iha planu no programa husi SEKoop liuliu iha tinan ida ne’e iha Planu Asaun Anuál sei estabelese Sentru Kooperativa produsaun integradu iha Munisípiu rua hanesan Munisípiu Lautém no Covalima ne’ebé ho ninia orsamentu prevee.

SEKoop esplika, iha tinan ida ne’e, SEKoop fó ona orientasaun hafoin reuniaun Konsellu Konsultivu tama iha Q3 bele implementa ona primeiru atividade mak hale’u lutu ba rai ne’ebé marka ona hamutuk 15 Hektare hodi bele hala’o ona produsaun iha laran, tanba planu tur mai bele tau ona iha Planu Asaun Annual 2026 nian.

Ho nune’e SEKoop hakarak estabelese Sentru Produsaun Kooperativa, tanba SEKoop nia apoiu ba movimentu kooperativa sira ba iha grupu sira ida ne’e fas parte ida ba atu dudu ekonomia iha nivel família mai iha Munisípiu no kontinua ba iha nasionál hodi bele sukat, tanba bainhira tama iha ASEAN ita-nia kontribuisaun iha nivel ASEAN iha.

Enkuantu bazeia husi SECooP ne’ebé mak presiza rai hodi instala Sentru Kooperativa nian, ho ida ne’e Servisu Delegasaun Teritorial Terras Proprioridade Munisípiu Lautém indika ona rai hamutuk 15 hektar atribui ba SECoop, nune’e mós atribuisaun ida ne’e sei hein prosesu tuir mai, ne’ebé kompeténsia tomak husi Ministériu Justisa liu husi Sekretáriu Estadu Terras Propriedade mak sei hasai Sertifikadu ida.

𝙍𝙚𝙢𝙖𝙩𝙖

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢