𝐋𝐨𝐬𝐩𝐚𝐥𝐨𝐬, 𝐊𝐢𝐧𝐭𝐚-𝐟𝐞𝐢𝐫𝐚, 𝟑𝟏 𝐉𝐮𝐥𝐥𝐮 𝟐𝟎𝟐𝟓

𝐒𝐮𝐚. 𝐄𝐱𝐞𝐥é𝐧𝐬𝐢𝐚, Prezidente Autoridade Munisipál Lautém nu’udar Prezidente Konsellu Koordenasaun Munisipál (CCM) 𝐒𝐫. 𝐌é𝐥𝐢𝐨 𝐝𝐞 𝐉𝐞𝐬𝐮𝐬, 𝐒𝐇, realiza sorumutu Konsellu Koordenasaun Munisipál ho membru CCM sira hodi fó Apresiasaun orden traballu rua kona-ba tetu orsamentu no Planu Asaun Annual (PAA) 2026 no Relatoriu Trimestre Segundu, iha ne’ebé antes tama diskusaun iha Ajenda Orden traballu rua iha mós Proposta husi Presidente Konsellu Koordenasaun Munisipál hodi ajusta ba iha ajenda mak tau naran ba Kampu Multi Funsaun ne’ebé konstrui husi PDIM no Proposta seluk husi Membro Koncellu Koordenasaun ne’ebé propoin ajenda ba aprezentasaun Forsa Traballu iha Autoridade Munisipal Lautém, enkontru CCM ne’e hala’o iha Salaun Administrasaun Autoridade Munisipál Lautém.

Iha Intervensaun, 𝐒𝐮𝐚. 𝐄𝐱𝐞𝐥é𝐧𝐬𝐢𝐚, Prezidente Autoridade Munisipál Lautém, 𝐒𝐫. 𝐌é𝐥𝐢𝐨 𝐝𝐞 𝐉𝐞𝐬𝐮𝐬, 𝐒𝐇, husu ba Servisu Munisipál sira tama ona ba trimestre tolu maibé Ezekusaun seidauk atinji 50% tenke aprezenta nia lakunas no dezafiu ne’ebé hasoru nune’e bele fó pareser mai iha Autoridade hodi hatene, konteúdu seidauk atinji Metas.

Iha diskusaun Orden Traballu, Prezidente Konsellu Koordenasaun Munisipál orienta membru Konsellu Koordenasaun Munisipál sira hodi fahe ba grupu 4 hodi halo diskusaun atu identifika naran ba Kampu Multifunsaun, nune’e hafoin aprezenta ba meza hodi halo votasaun, iha diskusaun Grupu kada Grupu aprezenta naran haat (4) Proponente Grupu primeiru ho naran “𝗞𝗮𝗺𝗽𝘂 𝗨𝗻𝗶ã𝗼 𝗗𝗲𝘀𝗽𝗼𝗿𝘁𝗶𝘃𝗮 𝗠𝘂𝗻𝗶𝘀í𝗽𝗶𝘂 𝗟𝗮𝘂𝘁é𝗺”, Proponente Grupu Segundu ho naran “𝗞𝗮𝗺𝗽𝘂 𝗟𝗼𝗿𝗶𝗸𝗼 𝗔𝘀𝘄𝗮𝗶𝗻” Proponente Grupu Treseiru ho naran “𝗞𝗮𝗺𝗽𝘂 𝗨𝗻𝗶𝗱𝗮𝗱𝗲 𝗠𝘂𝗻𝗶𝘀𝗶𝗽á𝗹 𝗟𝗮𝘂𝘁é𝗺” no Proponente Grupu dahaat ho naran “𝗞𝗮𝗺𝗽𝘂 𝗧𝗼𝗻𝘀𝘂𝘀 𝟵𝟳”.

Husi naran proposta 4 ne’e mak prosede ba votasaun liu husi mekanizmu votasaun sekretu, husi rezultadu eleisaun naran rua ne’ebé votus tuir malu maka “𝗞𝗮𝗺𝗽𝘂 𝗟𝗼𝗿𝗶𝗸𝗼 𝗔𝘀𝘄𝗮𝗶𝗻” ho totál votus hamutuk (11) “𝗞𝗮𝗺𝗽𝘂 𝗨𝗻𝗶ã𝗼 𝗗𝗲𝘀𝗽𝗼𝗿𝘁𝗶𝘃𝗮 𝗠𝘂𝗻𝗶𝘀í𝗽𝗶𝘂 𝗟𝗮𝘂𝘁é𝗺”, ho totál votus (10), “𝗞𝗮𝗺𝗽𝘂 𝗨𝗻𝗶𝗱𝗮𝗱𝗲 𝗠𝘂𝗻𝗶𝘀𝗶𝗽á𝗹 𝗟𝗮𝘂𝘁é𝗺” ho totál votus hamutuk (9) “𝗞𝗮𝗺𝗽𝘂 𝗧𝗼𝗻𝘀𝘂𝘀 𝟵𝟳” ho votus hamutuk 7 hare ba Membru Koncellu Koordenasaun Munisipal ne’ebé mak Prezensa hamutuk 37 Pesaoas. husi totál votu ne’ebé mak iha la Grupo ida mak sai vensedór ba naran Kampu ida ne’e Meza deside hodi halo votasaun daruak hodi Prosede naran rua ba Segundu Votasaun mak Hanesan, “𝗞𝗮𝗺𝗽𝘂 𝗟𝗼𝗿𝗶𝗸𝗼 𝗔𝘀𝘄𝗮𝗶𝗻” no “𝗞𝗮𝗺𝗽𝘂 𝗨𝗻𝗶ã𝗼 𝗗𝗲𝘀𝗽𝗼𝗿𝘁𝗶𝘃𝗮 𝗠𝘂𝗻𝗶𝘀í𝗽𝗶𝘂 𝗟𝗮𝘂𝘁é𝗺”.

Rezultadu votasaun ba naran kampu “𝗞𝗮𝗺𝗽𝘂 𝗨𝗻𝗶ã𝗼 𝗗𝗲𝘀𝗽𝗼𝗿𝘁𝗶𝘃𝗮 𝗠𝘂𝗻𝗶𝘀í𝗽𝗶𝘂 𝗟𝗮𝘂𝘁é𝗺” ho votus hamutuk (18) no Segundu “𝗞𝗮𝗺𝗽𝘂 𝗟𝗼𝗿𝗶𝗸𝗼 𝗔𝘀𝘄𝗮𝗶𝗻” ho votus hamutuk (17), Votus nulu hamutuk (2) no Abstensaun (0), ho nune’e “𝗞𝗮𝗺𝗽𝘂 𝗨𝗻𝗶ã𝗼 𝗗𝗲𝘀𝗽𝗼𝗿𝘁𝗶𝘃𝗮 𝗠𝘂𝗻𝗶𝘀í𝗽𝗶𝘂 𝗟𝗮𝘂𝘁é𝗺” mak sai vensedór iha votasaun, nune’e Prezidente Konsellu Koordenasaun Munisipál hamutuk ho membru sira sei lori naran ida ne’e ba iha Konsellu Konsultivu hodi hetan aprovasaun, bainhira hetan apresiasaun no aprovasaun mak sei lori ba iha Ministériu hodi dekreta tuir diploma Ministériu.

𝙍𝙚𝙢𝙖𝙩𝙖

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢