Lospalos, Kinta-Feira, 24 Jullu 2025

Komandu Falintil Forsa Defesa Timor-Leste (F-FDTL) liu husi Xefe Divizaun Operasaun (D3) Koronel 𝐉𝐨ã𝐨 𝐝𝐚 𝐂𝐨𝐬𝐭𝐚 𝐄𝐬𝐭𝐞𝐯𝐞𝐬 ho nia membru sira hamutuk ho Ekipa husi Ministériu Defeza (MD) realiza enkontru ho Autoridade Munisipál Lautém liu husi Sekretáriu Munisipál Administrasaun Finansas nu’udar Prezidente Komisaun Organizadora, 𝐒𝐫. 𝐅𝐫𝐚𝐧𝐜𝐢𝐬𝐜𝐨 𝐝𝐨𝐬 𝐒𝐚𝐧𝐭𝐨𝐬, Komandu Polísia Nasionál Timor-Leste (PNTL) Munisípiu Lautém, reprezentante Prezidente Kosellu Munisipál Kombatente Libertasaun Nasionál (CMCLN) Munisípiu Lautém, Diretor/a Servisu Munisipál no Diretor/a Delegasaun Teritorial sira relasiona ho preparasaun ba loron ezisténsia FALINTIL 20 de Agosto ba dala 50, enkontru ne’e hala’o iha Salaun Administrasaun Autoridade Munisipál Lautém.

Objetivu enkontru ne’e halo koordenasaun ho Autoridade Munisipál Lautém, ba preparasaun  selebrasaun Ezisténsia Loron Aniversáriu FALINTIL nian bá Dala-50 iha Autoridade Munisípiu Lautém. Iha enkontru ne’e mos deside data realizasaun tuir orariu ne’ebe iha sei hahu iha loron 15 Agostu tinan ne’e, enkuantu tinan ida ne’e selebrasaun loron Aniversáriu FALINTIL nian realiza iha Munisípiu 5 mak, Munisípiu Lautém, Baucau, Ainaro, Bobonaro, Aileu no konsentrasaun sei hala’o iha loron 20 de Agostu sei selebra iha Tasi Tolu Díli.

“ Tuir planu atividade ba Selebrasaun loron FALINTIL 20 Agostu bá dala-50, sei hala’o atividade sira maka hanesan, Dansa Kultural, Poezia, Feira Produtu Lokal no Misa Agradesimentu ”

Partisipa iha Enkontru koordenasaun ne’e, Xefe Divizaun Operasaun (D3) Koronel 𝐉𝐨ã𝐨 𝐝𝐚 𝐂𝐨𝐬𝐭𝐚 𝐄𝐬𝐭𝐞𝐯𝐞𝐬 ho nia membru sira hamutuk ho Ekipa husi Ministériu Defeza (MD) Autoridade Munisipál Lautém liu husi Sekretáriu Munisipál Administrasaun Finansas nu’udar Prezidente Komisaun Organizadora, Komandante Polísia Nasionál Timor-Leste (PNTL) Munisípiu Lautém, reprezentante Prezidente Consellu Munisipál Combantente Libertasaun Nasionál (CMLN) Munisípiu Lautém, Diretor/a Servisu Munisipál no Diretor/a Delegasaun Teritorial.

𝙍𝙚𝙢𝙖𝙩𝙖

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢