Lospalos, Tersa-feira, 29 Jullu 2025

Autoridade Munisipal Lautem, realiza reuniaun ho Grupu Traballu Jéneru (GTJ) iha Ambitu Konsultasaun PEDM 2025-2030, ne’ebe lidera hosi Prezidente Prezidente Autoridade Munisipál Lautém, nu’udar Prezidente Grupu Traballu Jéneru, iha Salaun Administrasaun Autoridade Munisipál Lautém.

Objetivu primeiru enkontru tékniku ida ne’e atu membru Grupu Traballu Jéneru (GTJ) sira hamutuk atu hala’o análiza ba proposta Planu Estratéjiku Dezenvolvementu Munisipal (PEDM) hodi integra asuntu Jeneru no Inkluzasaun Sosial iha ámbitu formulasaun planu dezenvolvimentu Munisipál nian. Nune’e iha enkontru ida ne’e sei iha aprezentasaun rezolusaun Governu, No: 35/2017 kona-ba estabelesimentu Grupu Traballu Jéneru nivel Nasional no Munisipál no iha artigu 13, ne’ebé hatu’ur ba Prezidente Autoridade Munisipál nu’udar Prezidente Grupu Traballu Jéneru ho membru sira husi Diretor/a Servisu Munisipál sira no Sekretária Estadu Igualidade (SEI) no PARTISIPA sei iha aprezentasaun husi Ajensia Planeamentu Munisipál relsiona ho Esbosu Planu Estratéjiku Dezenvolvimentu Munisipál 2025 – 2030, husi Asesor Governasaun Lokal – PARTISIPA Munisípiu Lautém no aprezentasaun rezultadu husi diskusaun.

Iha intervensaun, 𝐒𝐮𝐚. 𝐄𝐱𝐞𝐥é𝐧𝐬𝐢𝐚, Prezidente Autoridade Munisipál Lautém, nu’udar Prezidente Grupu Traballu Jéneru, 𝐒𝐫. 𝐌é𝐥𝐢𝐨 𝐝𝐞 𝐉𝐞𝐬𝐮𝐬, 𝐒𝐇, agradese ba SEI Munisípiu Lautém ne’ebé bele organiza primeiru enkontru konsultasaun tékniku ba membru Grupu Traballu Jéneru iha Munisípiu Lautém, atu bele diskute relasiona ho Dekretu Lei no.35/2017, nune’e mós artigu 13 ne’ebé fo importánsia ba Jéneru nian.  

Tanba iha tinan 2027 tama ona ba desentralizasaun no Poder Lokal, nune’e bele promove Feto iha papel importante ba iha prosesu konstrusaun estadu iha Timor-Leste, Munisípiu Lautém iha potensialidade bot ba ninia rekursu liu-liu ba Feto sira, tenke fó oportunidade ba sira, maibe tenke iha responsabilidade ba knar ne’ebé assume.

Prezidente Autoridade Munisipál Lautém husu Grupu Traballu Jéneru (GTJ) sira ne’ebé partisipa atividade enkontru ida ne’e maximu hodi halo diskusaun ne’ebé klean, Diretor/a Servisu Munisipál sira bele hatene asuntu refere, tanba Diretor/a Servisu Munisipál sira nia servisu ne’ebé nakaet ba malu atu bele servisu hamutuk ho SEI ho Grupu Tékniku Traballu Jéneru sira iha Munisípiu Lautém bele hetan objetivu final atu bele aprezenta iha nasionál.

Remata

Média PAM-Lautém