𝗟𝗼𝘀𝗽𝗮𝗹𝗼𝘀, 𝗞𝗶𝗻𝘁𝗮-𝗳𝗲𝗶𝗿𝗮, 𝟮𝟱 𝗦𝗲𝘁𝗲𝗺𝗯𝗿𝘂 𝟮𝟬𝟮𝟱

𝗦𝘂𝗮.𝗘𝘀𝗲𝗹é𝗻𝘀𝗶𝗮 Embaissadór, United Kingdom (UK) ba Timor-Leste no Indonesia, 𝗗𝗼𝗺𝗶𝗻𝗶𝗰 𝗝𝗲𝗿𝗺𝗲𝘆 ne’ebé akompaña ho ekipa Political Counsellor, 𝗜𝘀𝗵𝘁𝗶𝗮𝗾 𝗚𝗵𝗮𝗳𝗼𝗼𝗿 no Political Officer for Timor-Leste, 𝗞𝗲𝗻𝘇𝗶𝗲 𝗥𝘆𝘃𝗮𝗻𝘁𝘆𝗮, hala’o audiensia ho Autoridade Munisipíu Lautém ne’ebé lideradu husi Sua.Eselénsia, Prezidente Autoridade Munisípiu Lautém akompaña ho Diretor Servisu Munisípiu no Administrador Postu Administrador Lospalos, hala’o iha Sala VIP Administrasaun Autoridade Munisipál Lautém.

Iha Oportunidade audiensia ne’e 𝗦𝘂𝗮.𝗘𝘀𝗲𝗹é𝗻𝘀𝗶𝗮, Prezidente Autoridade Munisípiu Lautém no 𝗦𝘂𝗮.𝗘𝘀𝗲𝗹é𝗻𝘀𝗶𝗮, Embaissador United Kingdom (UK), ko’alia kona-ba área prioridade sira hanesan Munisípiu Lautém nia oan sira ne’ebé daudaun ne’e hala’o hela servisu iha United Kingdom (UK), no diskute mós iha área Agrikultura, Turísmu, Peska no Pekuária nune’e mós Edukasaun, Saúde no Infraestrutura iha Munisípiu Lautém.

Iha intervensaun, 𝗦𝘂𝗮.𝗘𝘀𝗲𝗹é𝗻𝘀𝗶𝗮, Prezidente Autoridade Munisípiu Lautém, 𝗦𝗿. 𝗠é𝗹𝗶𝗼 𝗱𝗲 𝗝𝗲𝘀𝘂𝘀, 𝗦𝗛, lori Autoridade Munisípiu Lautém hamutuk ho Povu Munisípiu Lautém hato’o Bem-Vindu 𝗦𝘂𝗮.𝗘𝘀𝗲𝗹é𝗻𝘀𝗶𝗮, Embaissadór, United Kingdom (UK) ba Timor-Leste no Indonesia, 𝗗𝗼𝗺𝗶𝗻𝗶𝗰 𝗝𝗲𝗿𝗺𝗲𝘆 ho nia ekipa mai iha Munisípiu Lautém.

Tanba ida ne’e lori Povu Munisípiu Lautém nia naran agradese ba rai nasaun Reinu Unidu nian ne’ebé simu Timor oan sira liuliu sidadaun Munisípiu Lautém nian ba servisu iha Reinu Unidu. ne’ebé maioria husi sidadaun Munisípiu Lautém kuaze 9 míl resin mak hela iha Inglatera hodi servisu, durante servisu iha rai liur bele osan hodi suporta ekonomia família, tanba ida ne’e Prezidente Autoridade Munisípiu Lautém husu ba Embaixador United Kingdom (UK) ba Timor-Leste no Indonesia bele tau matan ba sidadaun Timor oan sira liuliu ba sidadaun Munisípiu Lautém nian.

Iha sorumutu ne’e, Prezidente Autoridade Munisípiu Lautém mós husu apoiu ba Embaixadór United Kingdom (UK) ba Timor-Leste no Indonesia relasiona ho setór Investimentu iha área Turísmu no Agrikultura nian iha Munisípiu Lautém, oinsa atu dezenvolve iha futuru, tanba Munisípiu Lautém prinsipál liu mak potensiál Agrikultura no Turízmu. No fó formasaun hodi kapasita Rekursu Umanu sira iha área Administrasaun Públiku nian.

Iha fatin hanesan 𝗦𝘂𝗮.𝗘𝘀𝗲𝗹é𝗻𝘀𝗶𝗮, Embaissadór, United Kingdom (UK) ba Timor-Leste no Indonesia, 𝗗𝗼𝗺𝗶𝗻𝗶𝗰 𝗝𝗲𝗿𝗺𝗲𝘆, agradese ba Autoridade Munisípiu Lautém ne’ebé bele husik sidadaun Munisípiu Lautém nian kuaze 9 Mil resin ba servisu iha Reinu Unidu, hodi haruka mai familia iha Timor hodi sustenta familia ekonomia no suporta familia nia estudu.

Enkuantu Sidadaun Timor oan ne’ebé servisu iha Reinu Unidu hamutuk 33 Mil resin, husi ne’e maioria husi sidadaun Munisípiu Lautém nian, ne’ebé haruka osan mak hodi apoiu ekonomia familiár nune’e mós bele esperiénsia iha servisu fatin.

Embaixadór Reinu Unidu salienta Reinu Unidu mós oferese programa Bolsu Estudu ba Timor oan sira atu ba kontinua estudu iha Reinu Unidu. tanba ida ne’e Embaixadór Reinu Unidu komprometidu sei servisu hamutuk ho Autoridade Munisípiu Lautém kona-ba área Agrikultura nian iha área Turísmu.

𝙍𝙚𝙢𝙖𝙩𝙖

(𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢)