𝗜𝗿𝗮𝗯𝗲𝗿𝗲, 𝗦á𝗯𝗮𝗱𝘂, 𝟮𝟬 𝗦𝗲𝘁𝗲𝗺𝗯𝗿𝘂 𝟮𝟬𝟮𝟱

Autoridade Munisípiu Lautém, liu husi Sekretáriu Planeamentu Investimentu no Dezenvolvimentu Integradu, 𝗦𝗿. 𝗧𝗶𝗯𝘂𝗿𝘀𝗶𝗼 𝗱𝗼𝘀 𝗦𝗮𝗻𝘁𝗼𝘀, reprezenta Prezidente Autoridade Munisipál Lautém hamutuk ho Ministru Planeamentu no Investimentu Estratejiku reprezenta Primeiru Ministru, Ministru Agrikultura, Vise Ministru Asuntu Parlamentar, Sekretáriu Estadu Pekuária no Sekretáriu Estadu Floresta hahú hala’o Lansamentu Fatuk Dahuluk ba Konstrusaun Eskema Irrigasaun Irabere ba Munisípiu Lautém no Viqueque, Lansamentu ne’e bénsaun husi Pe. Parókia Nossa Senhora de Fatima Iliomar, Serimónia Lansamentu ne’e hala’o iha fatin Konstrusaun Mota Irabere Postu Administrativu Iliomar Munisípiu Lautém.

Objetivu husi Lansamentu Konstrusaun Eskema Irrigasaun Irabere, atu responde preokupasaun ba komunidade Agrikultura sira nian iha área Natar iha Munisípiu rua hanesan Munisípiu Lautém ba Postu Administrativu Iliomar no Munisípiu Viqueque ba Postu Administrativu Uatukarabau, tanba Komunidade sira Postu rua refere durante ne’e utiliza de’it ho Irrigasaun manual hodi difikulta Be fornese hotu ba natar sira, tanba ida ne’e Nonu Governu Konstituisionál lideradu husi Sua.Eselénsia Primeiru Ministru (PM) Kay Rala Xanana Gusmão ninia polítiku no orientasaun mai iha Ministru Agrikultura hodi buka kria kondisaun ba Konstrusaun Eskema Irrigasaun Irabere, atu nune’e Komunidade sira bele hasa’e produsaun Haree hodi garantia sustentabilidade Ekonomia iha Timor-Leste liuliu iha Munisípiu Lautém no Viqueque.

Aleinde Projetu ida ne’e, tuir planu Contractor Chongqing International Construction Corporation (CICO) no Consultant Supervision, sei halo Barrajen taka mota tuir planu ba dezeñu no BOQ ne’ebé iha 270 Metru, naruk Barrajen ba Intake Gate sei halo bukadura rua (2), ida ba parte Natar ba Postu Iliomar nian no Bukdura ida ba natar Postu Uatukarabau nian.

Enkuantu, Intake iha tuir planu sei iha fatin ne’ebé atu hamoos Be ne’ebé sei halo rua (2), nune’e mós sei halo Basia ne’ebé atu tabung sedimentasaun mós iha rua (2), tuir mai sei halo mós Konstrusaun ba Protesaun ba fatin rua (2), parte Lorosa’e nian 319 Metru no parte Loromonu nian 415 Metrus.

Tuir kanál ba Contractor Chongqing International Construction Corporation (CICO) no Consultant Supervision sei konstrui fatin rua (2), parte Lorosa’e nian kanál 6350 metrus no parte Loromonu kanál 2850 metrus, nune’e totál kanál ba fatin rua hamutuk 9200 metrus no kanál ba drainajen ne’ebé sei soe Be fo’er sira ba mota 4900 metrus, hadi’a natar ba fatin rua (2) ne’e hotu hamutuk 765 Hektare, husi natar parte Irabere Postu Iliomar nian 415 Hektare no husi natar Uatukarabau nian 350 Hektare, enkuantu tuir dezeñu no BOQ ne’ebé iha sei hala’o iha tinan 2015 no mota Irabere nia luan kuaze 270 metrus tuir dezeñu ne’ebé halo iha tinan 2015.

Enkuantu Projetu Eskema Irrigasaun Irabere ho Total Orsamentu ba Contractor Chongqing International Construction Corporation (CICO) hamutuk kuaze Milioens 10 resin no Kompañia refere husi nasaun Cina no Consultant Supervision ho Orsamentu hamutuk 700 Mil resin husi nasaun Indonesia nian, enkuantu Konstrusaun Eskema Irrigasaun Irabere tuir Kontratu tinan 2.

𝙍𝙚𝙢𝙖𝙩𝙖

(𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢