𝗟𝗼𝗿𝗲, 𝗧𝗲𝗿𝘀𝗮-𝗳𝗲𝗶𝗿𝗮, 𝟮𝟯 𝗦𝗲𝘁𝗲𝗺𝗯𝗿𝘂 𝟮𝟬𝟮𝟱

Autoridade Munisípiu Lautém, liu husi Sekretáriu Munisípiu Assuntu Sosiais no Organizasaun Komunitária, ne’ebe reprezenta Prezidente Autoridade Munisípiu Lautém, 𝐒𝐫. 𝐙𝐞𝐟𝐞𝐫𝐢𝐧𝐨 𝐝𝐨𝐬 𝐒𝐚𝐧𝐭𝐨𝐬 𝐒𝐞𝐪𝐮𝐞𝐢𝐫𝐚, hamutuk ho Diretor/a Servisu Munisipál no Diretor/a Servisu Delegasaun Teritorial sira hodi halo Abertura ba Konsultasaun Públiku loron ikus nian ba Planu Estratejiku Dezenvolvimentu Munisípiu Lautém tinan 2025-2030 ba Komunidade sira iha Postu Administrativu Lore, ne’ebé hala’o iha áreadores Administrasaun Postu Lore, Munisípiu Lautém.

Objetivu husi Konsultasaun ne’e, oinsá Autoridade Munisipál Lautém no ekipa tékniku elaborador sira hodi bele rona hanoin no ideia sira hotu husi Sosiedade, Komunidade no Entidade sira hotu, atu nune’e bele rejistu no konsidera prioridade bele tau iha Planu Munisípiu nian antes hetan elaborasaun finál ba dokumentus ofisiál ba PDIM nian, tanba planu ne’e Autoridade Munisípiu trasa ba iha tinan 5 nia laran.

Iha intervensaun, Sekretáriu Munisípiu Assuntu Sosiais no Organizasaun Komunitária, reprezenta Prezidente Autoridade Munisípiu Lautém, 𝐒𝐫. 𝐙𝐞𝐟𝐞𝐫𝐢𝐧𝐨 𝐝𝐨𝐬 𝐒𝐚𝐧𝐭𝐨𝐬 𝐒𝐞𝐪𝐮𝐞𝐢𝐫𝐚, hateten, ohin ita hotu mai iha fatin ida ne’e, atu hala’o Konsultasaun Publiku ba Planu Estratéjiku Dezenvolvimentu Munisípiu Lautém nian ba tinan 5 hahú 2025-2030, tanba ida ne’e partisipante sira labele limita, liuliu ba Estrutura ba Kargu Diresaun Xefia sira partisipa másimu, tanba Konsultasaun Públiku ida ne’e akumula komunidade, sosiedade sira no entidade sira tenke barak, atu nune’e bele hato’o ninia preokupasaun no sujestaun ruma.

Reprezentante ne’e esplika, Konsultasaun Públiku ida ne’e ko’alia kona-ba planu tinan 5 nia laran, nune’e halo Konsultasaun Públiku ba Komunidade sira, tanba futuru Estadu halo dezenvolvimentu mai iha Munisípiu, Postu no Suku labele iha impedimentu ruma, tanba uluk iha Konsultasaun Públiku Komunidade sira maka hato’o ninia hanoin no ideia. Nia mensiona, iha Munisípiu Lautém iha Orgaun rua hanesan Konsellu Konsultivu Munisipál no Konsellu Koordenasaun Munisipál, ne’ebé envolve direta husi Administrador Postu no Xefe Suku sira, tanba ida ne’e Autoridade Munisípiu Lautém hala’o atividade Konsultasaun Publiku ida ne’e ba kada Postu Administrativu sira inklui Postu Administrativu Lore atu ko’alia direta ho Komunidade sira, atu nune’e bele rona no ideia, bainhira ekipa tékniku sira bele rejistu hodi tetu no konsidera prioridade bele tau iha Planu Estratéjiku Dezenvolvimentu Munisípiu Lautém ba tinan 5 nia laran.

Tanba ida ne’e husu ba inan aman sira tenke ativu ba Konsultasaun Publiku ida ne’e, atu nune’e bele husu, tanba ita hamutuk iha ne’e atu kompleta ba malu, nune’e ami sei simu informasaun no ideia husi Komunidade, Sosiedade, Veteranu, Korpu reliziosu no entidade sira sira hotu iha Postu Lore nian.

Hafoin abertura husi Reprezentante Prezidente Autoridade Munisipál Lautém, Diretor Ajensia Planeamentu aprezenta kedas Elaborasaun ba PLanu Estratejiku Dezenvolvimentu Munisipál PEDIM 2025-2030, Kapitulu Introdusaun, Kultura Organizasaun, Potensia Rekursu Lokál. Pilár Dezenvolvimentu.

Aleinde ne’e mós Asesor PARTISIPA, aprezenta kona-ba Konsultasaun Publiku PEDM 2025-2030, iha ne’ebé aprezenta kona-ba Sub-Pilar Dezenvolvimentu Sosial ba kapítulu Pilar Dezenvolvimentu Sosial, Dezenvolvimentu Infra-Estrutura Baziku, Dezenvolvimentu Ekonomia, Dezenvolvimentu Instituisional.

Iha biban ne’e Autoridade Munisipál Lautém aproveita Konsultasaun Planu Estratejiku Dezenvolvimentu Munisipiu Lautém iha Postu Administrativu Lore, fahe Fos 25Kg no Supermie apoiu Umanitaria ba Suku 2 hanesan Suku Lore I no Suku Lore II iha Postu Lore, enkuantu kada Suku rejistu benefisiáriu hamutuk 14 ne’ebé identifika husi Xefe Suku sira. Apoiu sira ne’e, Autoridade Munisípiu Lautém halo proposta ba iha Autoridade Protesaun Sivil (APC) hodi oferese Fos 25Kg hamutuk 500 saka mai iha Munisípiu Lautém hodi fahe ba Komunidade Vulneravel sira ne’ebé identifika husi Xefe Suku sira.

𝙍𝙚𝙢𝙖𝙩𝙖

(𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢)