𝗟𝗼𝘀𝗽𝗮𝗹𝗼𝘀, 𝗞𝗶𝗻𝘁𝗮-𝗳𝗲𝗶𝗿𝗮, 𝟭𝟲 𝗢𝘂𝘁𝗼𝗯𝗿𝘂 𝟮𝟬𝟮𝟱

Ministériu Administrasaun Estatal (MAE), realiza Semináriu Munisipál kona-ba Desentralizasaun Progresu Dezafiu no Oportunidade ba Desentralizasaun iha Timor-Leste “𝑫𝒂𝒍𝒂𝒏 𝒃𝒂 𝑷𝒐𝒅𝒆𝒓 𝒍𝒐𝒌𝒂́𝒍” ho tema “Hametin Governasaun Lokál ba Desenvolvimentu Inklusivu no Sustentável iha Ambitu Desentralizasaun Administrativa Hodi Hakbesik Governasaun ba Povu” Semináriu ne’e abertura husi Prezidente Autoridade Munisípiu Lautém, ne’ebé hala’o durante loron rua 16-17 Outubru iha Salaun Administrasaun Autoridade Munisípiu Lautém.

Objetivu husi Semináriu Munisipál ne’e mak atu halo refleksaun kona-ba Progresu, Dezafios no Oportunidade husi implementasaun polítika desentralizasaun durante ne’e. Programa Desentralizasaun Administrativa no Poder Lokál Identifika prioridade estratéjiku hodi reforsa kapasidade Munisípiu sira nian ba preparasaun avaliasaun kondisaun mínimu hodi haka’at ba instalasaun Poder Lokál no Desentralizasaun Administrativa.

Iha intervensaun, 𝗦𝘂𝗮.𝗘𝘀𝗲𝗹é𝗻𝘀𝗶𝗮, Prezidente Autoridade Munisípiu Lautém, 𝗦𝗿. 𝗠é𝗹𝗶𝗼 𝗱𝗲 𝗝𝗲𝘀𝘂𝘀, 𝗦𝗛 hateten, mai iha fatin ida ne’e atu partisipa atividade Semináriu Munisipál Desentralizasaun Dalan ba Poder Lokál iha Munisípiu Lautém. Tanba nee, husu ba Membru Konsellu Konsultivu ne’ebé envolve husi Xefe Suku sira hotu mai partisipa iha Semináriu ida ne’e, nune’e mós Korpu Reliziosa, Sosiedade Sivil, Delegasaun Teritorial sira ne’ebé ejiste iha Munisípiu Lautém no Membru Konsellu Koordenasaun Munisipál sira hotu, atu mai partisipa Semináriu Munisipál ida ne’e hodi bele rona aprezentasaun husi Servisu Munisipál sira ne’ebé tutela iha Sekretáriu Munisipál iha Autoridade Muinisípiu Lautém nian, nune’e iha aprezentasaun ida ne’e ita bele nota problema dezafiu no sa situasaun maka Autoridade Munisípiu Lautém enfrenta durante ne’e, nune’e mós iha rekomensaun ne’ebr aprezenta atu bele nu’udar relatóriu ida ba iha nasionál, antes iha loron 30 Outobru 2025, ne’ebé Ministru Administrasaun Estatal sei lori ba iha Primeiru Ministru (PM), hodi nune’e tinan oin 20 de Maiu 2026 Governu anunsia Munisípiu ne’ebé maka prepara ona no tama ona rekezitu atu tama ba iha eleisaun direta desentralizasaun Poder Lokál iha tinan 2027.

Tanba ida ne’e, Autoridade Munisípiu konvida Diretor/a Servisu Munisipál, Xefe Departamentu, Diretor/a Delegasaun Teritorial, Administrador Postu Administrativu, Xefe Servisu Lokal, Xefe Suku, reprezentante Partidu Polítiku sira ne’ebe asentu iha Parlamentu Nasionál, Sosiedade Sivil, Relijiozu/a no entidade sira seluk mai partisipa Semináriu Munisipál ida ne’e atu nune’e bele rona Dezafiu sira durante ne’e ita enfrenta, progresu saida maka hala’o ona no Solusaun Saida maka ita rekomenda atu nune’e bele sai relatoriu ida.

Ba Semináriu Munisipál loron primeiru, aprezentasaun matéria dahuluk mak, Sekretáriu Munisipál Administrasaun no Finansas, Sr. Fransisco dos Santos, aprezenta kona-ba Progresu Servisu Planeamentu, Finansas, Lojistiku no Mapeamentu.

Aprezentasaun tuir mai Sekretáriu Munisipál Planeamentu Investimentu no Dezenvolvimentu Integradu, 𝗦𝗿. 𝗧𝗶𝗯𝘂𝗿𝘀𝗶𝗼 𝗱𝗼𝘀 𝗦𝗮𝗻𝘁𝗼𝘀, aprezenta ho materia kona-ba Prosesu Planeamentu Implementasaun PNDS, PDIM ne’ebé destaka liu ba kualidade Implementasaun Projetu Munisipál no Planeamentu ho ninia Mapamentu.

Nune’e mós Sekretáriu Munisipál Assuntu Sosiais no Organizasaun Komunitária, 𝗦𝗿. 𝗭𝗲𝗳𝗲𝗿𝗶𝗻𝗼 𝗱𝗼𝘀 𝗦𝗮𝗻𝘁𝗼𝘀 𝗦𝗲𝗾𝘂𝗲𝗶𝗿𝗮 mós aprezenta materia kona-ba Asuntu Implementasaun Servisu Protesaun Sosial, Kondisaun Sosial iha Munisípiu Lautém dadús kona-ba Ema ho Vulneravel no Defisiensia ho nia Mapamentu.

Enkuantu Diretor Servisu Servisu Munisipál Edukasaun, Munisípiu Lautém, aprezentasaun kona-ba matéria implementasaun programa Diretor Servisu Edukasaun ho ninia Mapamentu, Implementasaun Munisipál Programa Merenda Eskolar (PME), Suvensaun Edukasaun Eskolar, Numeru Benefisiáriu, Kualidade Ensinu no Total Professor/a.

Nune’e mós Ministériu Administrasaun Estatal (MAE) liu husi ekipa Gaspar Hunu Gusmão Diretor Nasionál MAE, aprezenta materia kona-ba Estratéjia Desentralizasaun Administrativa no Harii Orgaun Representativa Poder Lokál iha Timor-Leste.

Diretor Servisus Munisipál, Programa Nasionál Dezenvolvimentu Suku (PNDS) Munisípiu Lautém aprezenta matéria kona-ba Progresu Fisiku PNDS Regular 2025 nian iha Munisípiu Lautém.

Nune’e iha Semináriu Munisipál ne’e ekipa MAE mós distribui Livru kona-ba Tékniku Interministerial Desentralizasaun Administrativa, Grupu Tékniku Permanente, Konsellu Koordenasaun Munisipál, Konsellu Konsultivu Munisipál, Asembleia Postu Administrativu, Orgaun Suku, Estratéjia Desentralizasaun Administrativa no harii Orgaun Representativa Poder Lokál iha Timor-Leste, Identifika Planeamentu no Prosedimentu Selesaun Projetu PNDS, Portal Munisipál Plata Forma Dadus ba Desenvolvimentu Timor-Leste nian.

Seminariu ne’e marka prezensa husi Membru Konsellu Konsultivu Munisipál, Konsellu Koordenasaun Munisipál, Diretor/a Servisus Munisipais, Administradór Postu Administrativu sira, Diretor/a Delegasaun Territorial, Partidus Polítiku, Parseiru Dezenvolvimentu no kargu Xefia sira inklui funsionariu ajente no Administrasaun Munisipál.

𝙍𝙚𝙢𝙖𝙩𝙖

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢