𝗟𝗼𝘀𝗽𝗮𝗹𝗼𝘀, 𝗞𝗶𝗻𝘁𝗮-𝗳𝗲𝗶𝗿𝗮, 𝟭𝟴 𝗗𝗲𝘇𝗲𝗺𝗯𝗿𝘂 𝟮𝟬𝟮𝟱

Autoridade Munisipál Lautém, liu husi Diresaun Servisu Munisipál Seguransa Alimentar, hala’o atividade Komemorasaun Loron Ai-Han Mundial atu reforsa inportansia hodi hametin produsaun Ai-Han Lokál sira husi Agrikultura Kooperativa Grupu Joven no Empreza Kiik sira hodi hatudu potensia husi sistema Ai-Han lokal nian, ne’ebé hala’o iha areadores Postu Administrativu Lospalos Vila.

Iha intervensaun, reprezentante Prezidente Autoridade Munisipál Lautém, Sekretáriu Munisipál Planeamentu Investimentu no Dezenvolvimentu Integradu 𝗦𝗿. 𝗧𝗶𝗯𝘂𝗿𝘀𝗶𝗼 𝗱𝗼𝘀 𝗦𝗮𝗻𝘁𝗼𝘀 hateten, ohin loron importante ba ita hotu atu komemora loron Ai-Han Mundial nian iha Munisípiu Lautém espesial iha Postu Administrativu Lospalos.

Tamba ida ne’e reprezentante Prezidente Autoridade Munisipál Lautém afirma katak, liu husi atividade Komemorasaun Ai-Han Mundial ida ne’e, Diresaun Servisu Munisipál Seguransa Alimentar, komunidade sira no grupu sira ne’ebé pertense iha Postu Lospalos no hala’o kompetisaun ligadu ba Ai-Han Lokál nian.

Iha fatin hanesan reprezentante Vise-Primeiru Ministru, Ministru Koordenador Assuntu Sociais, atual Diretor Ezekutivu Konsellu Nasionál Seguransa Ai-Han no Nutrisaun Timor-Leste (KONSANTIL) 𝗦𝗿. 𝗞𝗼𝗺𝗮𝗿 𝗠𝗲𝗻𝗱𝗼𝗰𝗮 haktuir tan, komemorasaun Loron Ai-Han Mundial ida ne’e hodi reforsa importansia atu hametin produsaun Aihan Lokál, hadia diversidade Ai-Han no promove konsumu ne’ebé saudavel no sustentavel, nune’e husu ita hotu atu komprimisiu foun hodi servisu hamutuk atu garante ba kada sidadaun sira hodi asesu ba Ai-Han ne’ebé seguru no nutritivu.

Komemorasaun ne’e parte Diresaun Servisu Munisipál Seguransa Alimentar oganiza komunidade sira ne’ebé pertense iha Postu Administrativu Lospalos, Grupu Juventude no Gurupu Saos Tomate, hodi hala’o kompetisaun tein produtu lokál nian.

Komemorasaun Loron Aihan Mundial ho tema mundial “Fo Liman Ba Malu Servisu Ba Aihan Ne’ebé Mak Di’ak Liu” no tema Nasionál ba tinan 2025 “𝙃𝙖𝙢𝙚𝙩𝙞𝙣 𝙎𝙞𝙨𝙩𝙚𝙢𝙖 𝘼𝙞 𝙃𝙖𝙣 𝙇𝙤𝙠á𝙡 𝙗𝙖 𝙏𝙞𝙢𝙤𝙧-𝙇𝙚𝙨𝙩𝙚 𝙣𝙤 𝙁𝙪𝙩𝙪𝙧𝙪 𝙉𝙚’𝙚𝙗é 𝙎𝙖𝙪𝙙𝙖𝙫𝙚𝙡”.

Iha Kompetisaun tein Produtu Lokál ne’e, Primeiru Klasifikasaun Suku Kakavein, Segundu Klasifikasaun Suku Bauro, Treseiru Klasifikasaun Grupu Saos Tomate, Kuatru Klasifikasaun Suku Raca, Kintu Klasifikasaun Suku Muapitine, Sestu Klasifikasaun Suku Souro, Setimu Klasifikasaun Suku Fuiloru no Oitavu Klasifikasaun Grupu Juventude.

Remata

Média PAM-Lautém