𝗟𝗼𝘀𝗽𝗮𝗹𝗼𝘀, 𝗞𝘂𝗮𝗿𝘁𝗮-𝗳𝗲𝗶𝗿𝗮, 𝟮𝟴 𝗝𝗮𝗻𝗲𝗶𝗿𝘂 𝟮𝟬𝟮𝟲

𝗦𝘂𝗮.𝗘𝘀𝗲𝗹é𝗻𝘀𝗶𝗮, Prezidente Autoridade Munisipál Lautém nu’udar Prezidente Konsellu Koordenasaun Munisipál lidera sorumutu reuniaun Konsellu Koordenasaun Munisipál ho membru sira, iha sorumutu ne’e ko’alia kona-ba rezultadu Avalisaun Kondisaun Mínimu ne’ebé ekipa Independente husi MAE mai hala’o Avalia Kondisaun Mínimu iha tinan kotuk, no diskute mos kona-ba preparasaun bainhira Munisípiu Lautém bele hakat ba iha Desentralizasaun Poder Lokál, sorumutu KKM ne’e hetan apoiu husi Ajensia PARTISIPA ne’ebé hala’o iha Salaun Administrasaun Autoridade Munisipál Lautém.

Orden Traballu ne’ebé diskute iha sorumutu ne’e hamutuk ajenda 5 mak hanesan, Aprezentasaun Planu Programa, Sub-Programa no Atividade 2026, Aprezentasaun Planu Exekusaun Orsamentu Primeiru Trimestre 2026 husi kada Servisu Munisipál, Aprezentasaun Forsa Traballu no Salarial ne’ebé Ajusta iha Planeamentu (Permanente, AP no Kazuais), Aprezentasaun Forsa Exekusaun Orsamentu em Jeral ba Primeiru Trimestre no Tabela Salarial Funsionariu Antiguidade no Polítika Jerál Orientasaun Sua.Eselénsia. Primeiru Ministru.

Iha intervensaun, 𝗦𝘂𝗮.𝗘𝘀𝗲𝗹é𝗻𝘀𝗶𝗮, Prezidente Autoridade Munisipál Lautém nu’udar Prezidente Konsellu Koordenasaun Munisipál, 𝗦𝗿. 𝗠é𝗹𝗶𝗼 𝗱𝗲 𝗝𝗲𝘀𝘂𝘀 𝗦𝗛 hatete, Autoridade Munisipál Lautém kria sorumutu Konsellu Koordenasaun Munisipál iha fin fulan Janeiru, hodi haree servisu balun ne’ebé atu aseleira hodi hadia servisu ba atendimentu públiku iha Administrasaun Autoridade Munisipál Lautém no diskute kona-ba preparasaun oinsa Munisípiu Lautém bele hakat ba iha Desentralizasaun Poder Lokal.

Tamba ida ne’e, lider másimu iha Munisípiu Lautém esplika, Ajenda ne’ebé Sekretariadu meza fo sai ne’e pertinente tebes, oinsa bele halo planu no jestaun, tamba Orsamentu Jerál Estadu ne’ebé kada Servisu Munisipál sira tau ona iha Planu Programa, Sub-Programa no Atividade ba tinan 2026 nian.

Nia dehan, Depois aprovasaun OGE 2026 nian, Autoridade Munisipál Lautém distribui ona narativa Orsamentu ba kada Diresaun Servisu Munisipál no Administrasaun Postu sira, tamba ida ne’e Prezidente Autoridade Munisipál Lautém nu’udar Prezidente Konsellu Koordenasaun Munisipál observa asuntu barak iha kada servisu Munisipál sira tau iha ninia Planu Programa, Sub-Programa no Atividade sira ne’ebé sei hare fila-fali, tamba ida ne’e mak sei fo tempu ba kada Servisu Munisipál sira atu aprezenta orsamentu ne’ebé tau iha Planu Asaun Annual 2026.

Enkuantu, Primeiru Diskusaun ba Ajenda Orden Traballu kona-ba Aprezentasaun Planu Programa, Sub-Programa no Atividade 2026 nian, ne’ebé aprezenta husi Diretor Ajensia Planeamentu, depois remata membru Konsellu Koordenasaun Munisipál aprova no pasa liu husi votus A-favor (49) Kontra (0) no Abstensaun (0).

Entretantu, diskusaun ba Segundu ajenda Orden Traballu kona-ba Aprezentasaun Planu Ezekusaun Orsamentu ba Primeiru (Trimestre I) 2026 ba kada Servisu Munisipál sira, maibe Prezidente Konsellu Koordenasaun Munisipál foti desizaun hodi altera muda fali ba iha diskusaun iha reuniaun Konsellu Koordenasaun Estra Ordianáriu iha tempu tuir mai, tamba kada Servisu Munisipál sira seida’uk iha preparasaun másimu hodi halo aprezentasaun, nune’e kontinua ba ajenda Orden Traballu kona-ba Polítika Jerál ne’ebé orientasaun mai husi Sua.Eselensia Primeiru Ministru (PM), kona-ba Avaliasaun Kondisaun Mínimu, ne’ebé aprezenta husi Diretor Nasional Promosaun da Efisiensia Administrasaun Lokal (DNPEAL) Sr. Agostinho da Costa, ne’ebé aprezenta sumariu jeral rezultadu preliminariu Avaliasaun Kondisaun Mínimu ba servisu Autoridade Munisipál Lautém.

Atu ensera Sorumutu Konsellu Koordenasaun Munisipál, ekipa Nasionál husi MAE lideradu husi Diretor Jerál Dezenvolvimentu Lokál (DJ-DL) Sr. Virgilio da Costa ofisialmente entrega ekipamentu eletróniku aipet tolu, ne’ebé simu diretamente husi Sua.Eselensia Prezidente Autoridade Munisipal Lautem kontinua entrega ba Diretor Servisu Munisipál Apoiu ONG no Ofisial Portal Munisipál nian, atu fasilita ba atualizasaun baze dadus husi sistema integradu jestaun Suku no Aldeia hodi alina ba iha Portal Munisipál.

𝙍𝙚𝙢𝙖𝙩𝙖

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢