𝗟𝗼𝘀𝗽𝗮𝗹𝗼𝘀, 𝗞𝗶𝗻𝘁𝗮-𝗳𝗲𝗶𝗿𝗮, 𝟭𝟱 𝗝𝗮𝗻𝗲𝗶𝗿𝘂 𝟮𝟬𝟮𝟱

𝗦𝘂𝗮.𝗘𝘀𝗲𝗹é𝗻𝘀𝗶𝗮, Prezidente Autoridade Munisipál Lautém hamutuk ho 𝗦𝘂𝗮.𝗘𝘀𝗲𝗹é𝗻𝘀𝗶𝗮, Sekretáriu Estadu Eletricidade Bee no Saneamentu, Segundu Komandante Polísia Nasionál Timor-Leste (PNTL) Munisípiu Lautém no Dirijente husi EDTL, E.P tomák hahu hala’o lansamentu Hatuur Fatuk Dahuluk ba Konstrusaun Edifísiu Eletrisidade De Timor-Leste, Empreza Públika (EDTL, E.P) nian iha Munisípiu Lautém, ne’ebé hala’o iha Aldeia 30 de Agostu, Suku Fuiloru, Postu Administrativu Lospalos, Munisípiu Lautém.

Iha intervensaun, 𝗦𝘂𝗮.𝗘𝘀𝗲𝗹é𝗻𝘀𝗶𝗮, Prezidente Autoridade Munisipál Lautém 𝗦𝗿. 𝗠é𝗹𝗶𝗼 𝗱𝗲 𝗝𝗲𝘀𝘂𝘀 𝗦𝗛 hateten, lansamentu fatuk dahuluk ba Konstrusaun Edifísiu EDTL ida ne’e hanesan marka historia foun ida mai iha Munisípiu Lautém, tamba tempu Nonu Governu Konstituisionál nia mak foin hala’o lansamentu ba Konstrusaun Edifísiu EDTL nian iha Munisípiu Lautém durante tinan 25 nia laran. Nune’e nu’udar Prezidente Autoridade Munisipál Lautém lori Povu Munisípiu Lautém nia naran hakarak agradese ba Nonu Governu Konstituisionál liu husi Ministériu Obras Públika (MOP) ho Sekretáriu Estadu Eletricidade Bee no Saneamentu nia esforsu tomak mak ohin bele hahu hala’o lansamentu ba Konstrusaun Edifísiu EDTL, E.P iha Munisípiu Lautém, atu nune’e funsionáriu sira bele utiliza hodi hala’o atendimentu públiku ba Komunidade sira.

Tamba ida ne’e tuir relatoriu ne’ebé Prezidente Autoridade Munisipál Lautém simu husi Xefe EDTL, E.P, Munisípiu Lautém katak, ba Eletrifikasaun iha Munisípiu Lautém atinje ona porsentu 97, iha Aldeia hamutuk 11 mak seida’uk hetan Eletrisidade, maibe Aldeia 2 mak hala’o ona Programa Eletrifikasaun Komunitária (PEK) no hela Aldeia 9 mak tama ba Eletrifikasaun Nasionál.

Iha fatin hanesan, 𝗦𝘂𝗮.𝗘𝘀𝗲𝗹é𝗻𝘀𝗶𝗮, Sekretáriu Estadu Eletricidade Bee no Saneamentu, 𝗦𝗿. 𝗦𝗮𝗻𝘁𝗼𝘀 𝗡𝗼𝗿𝗼𝗻𝗵𝗮 hatutan, setor Eletrisidade importante tebes ba iha Dezenvolvimentu infraestrutura nian, tamba infraestrutura hanesan setor Xavi ida ba setor sira seluk mak hanesan Estrada, Ponte, Eletrisidade, Bee Mos no sira seluk, nune’e iha Nonu Governu Konstituisionál kompremitidu hodi aselera uluk ba setor infraestrutura.

Governante ne’e husu mós Autoridade Munisipál, Postu no Suku iha dever tomak hodi bele tau matan ba Konstrusaun Edifísiu EDTL ida, nune’e bele garantia Konstrusaun nia kualidade iha futuru.

Enkuantu ba Konstrusaun Edifísiu EDTL, E.P Munisípiu Lautém responsavel husi Contractor KRD ENTERPRISE PTE, LTD JV ALGIS ENG. CONS. UNIP LDA ne’ebé ho montante Orsamentu hamutuk $ 789,29.99 mai husi Fundus Infraestrutura

Iha Serimónia lansamentu Partisipa másimu husi 𝗦𝘂𝗮.𝗘𝘀𝗲𝗹é𝗻𝘀𝗶𝗮, Prezidente Autoridade Munisipál Lautém, 𝗦𝘂𝗮.𝗘𝘀𝗲𝗹é𝗻𝘀𝗶𝗮 Sekretáriu Estadu Eletricidade Be no Saneamentu, Segundu Komandante Polísia Nasionál Timor-Leste (PNTL) Munisípiu Lautém, Administrdor Postu Tutuala, Xefe Gabinete Prezidente Autoridade Munisipál Lautém, Prezidente Konsellu Administrasaun ho Estrutura, Vise-Prezidente Komisaun Ezekutivu (KE) Bee Timor-Leste (BTL) ba Asuntu Tékniku ho nia ekipa, Komisáriu (EDTL, E.P) ho nia ekipa, Xefe Suku Fuiloro, reprezentante Amo Parokia São Paulo Lospalos, Kompaña responsavel ba Projetu refere no funsionáriu EDTL Munisípiu Lautém.

Remata

(Média PAM-Lautém)