𝐋𝐨𝐬𝐩𝐚𝐥𝐨𝐬, 𝐊𝐢𝐧𝐭𝐚-𝐟𝐞𝐢𝐫𝐚, 𝟐𝟗 𝐉𝐚𝐧𝐞𝐢𝐫𝐮 𝟐𝟎𝟐𝟔

Responsavel projetu reabilitasaun Estrada Lautém-Com no Lautém-Lospalos dader ne’e hala’o audiensia ho Autoridade Munisipál Lautém ne’ebé lidera husi 𝗦𝘂𝗮.𝗘𝘀𝗲𝗹𝗲𝗻𝘀𝗶𝗮, Prezidente Autoridade Munisipál Lautém hodi ko’alia kona-ba implementasaun projetu nian, oinsa bele koordena entre Autoridade Munisipál no Kompana, atu nune’e bele aseleira servisu ho di’ak iha futuru, audiensia ne’e hala’o iha Sala VIP, Autoridade Munisipál Lautém.

Iha intervista, 𝗦𝘂𝗮.𝗘𝘀𝗲𝗹𝗲𝗻𝘀𝗶𝗮, Prezidente Autoridade Munisipál Lautém 𝗦𝗿. 𝗠𝗲𝗹𝗶𝗼 𝗱𝗲 𝗝𝗲𝘀𝘂𝘀 𝗦𝗛 hateten, Kompana rua ne’ebé kaer obra rua husi Diresaun Lautém-Com no Lautém-Lospalos mai iha Administrasaun Autoridade Munisipál Lautém hodi halo audiensia ho Prezidente Autoridade Munisipál Lautém, atu ku’alia kona-ba implementasaun projetu nian.

Responsavel Munisípiu Lautém afirma, iha ona faze implementasaun nian, tamba ida ne’e kompana sira sei hala’o instala akapamentu no fatin enjineiru sira nian ne’ebé destakadu hodi halo supervizaun no monitorizasaun ba projetu rua refere.

Prezidente Autoridade ne’e dehan, nune’e Kompana rua mai halo koordenasaun ligadu ba instalasaun akapamentu no fatin enjineiru sira nian, nune’e ohin mai koordena filafali Autoridade Munisipál Lautém, tamba pozisaun Autoridade nian mak obra no projetu ida ne’e aseleira sedu, tamba projetu rua refere hetan ona orden traballu.

Tamba ida ne’e Autoridade Munisipál Lautém sujere ba kompana Shaannxi Construction Engineering Grup Coporation Limited no Chongqing International Construction Corporation depois remata audiensia ho Ministru Obras Públiku hahu fulan Fevereiru komesa ona servisu ba reabilitasaun Estrada Diresaun Lautém-Lospalos no Lautém-Com.

𝙍𝙚𝙢𝙖𝙩𝙖

(𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢)