𝗟𝗮𝘂𝘁é𝗺, 𝗧𝗲𝗿𝘀𝗮-𝗳𝗲𝗶𝗿𝗮, 𝟯 𝗙𝗲𝘃𝗲𝗿𝗲𝗶𝗿𝘂 𝟮𝟬𝟮𝟲

Autoridade Munisipál Lautém, liu husi Diresaun Servisu Munisipál Agrikultura, ofisialmente distribui Fini Hare Nakroma hamutuk 5860 Kg ba Agrikultor sira iha Postu Administrativu Lautém, enkuantu Fini Nakroma hamutuk 5000 Kg sei responde ba natar área 250 Hektar, tanba kada Hektar hetan Fini Hare 20 Kg, nune’e mós Suku sira seluk iha Postu Lautém ne’ebé iha natar 860 Kg, serimónia entrega Fini Hare Nakroma ne’e iha Suku Ililai, Postu Administrativu Lautém, Munisípiu Lautém.

Iha intervista, Diretor Servisu Munisipal Agrikultura Munisipiu Lautem, 𝗦𝗿. 𝗔𝗹𝗯𝗲𝗿𝘁𝗶𝗻𝗼 𝗝𝗲𝗿𝗼𝗻𝗶𝗺𝗼 hateten, atividade ne’ebé Diresaun Servisu Munisipal Agrikultura hala’o ba simbolikamente distribui Fini ba Agrikultura sira iha Postu Administrativu Lautem.

Simbolikamente entrega Fini ne’e 5860 Kg ne’ebé entrega ona agrikultura sira iha Suku Ililai no Euquisi ba agrikultura sira iha Irigasaun modernu 500 Hektare ne’ebé Inaugura direta husi 𝗦𝘂𝗮.𝗘𝘀𝗲𝗹𝗲𝗻𝘀𝗶, Primeiru Ministru (PM-RDTL) 𝗞𝗮𝘆 𝗥𝗮𝗹𝗮 𝗫𝗮𝗻𝗮𝗻𝗮 𝗚𝘂𝘀𝗺ã𝗼.

Diretór Servisu Agrikultura ne’e garante Fini Hare Nakroma ne’ebé atu distribui ba Agrikultor sira ba kada Postu sei to’o inklui natar 500 Hektare ba irrigasaun modernu iha Laivai nian, nune’e mós variedade Fini ne’ebé Agrikultura sira distribui, Fini Hare ho variedade Nakroma ne’ebé ho kualidade.

𝙍𝙚𝙢𝙖𝙩𝙖

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢