𝐋𝐨𝐬𝐩𝐚𝐥𝐨𝐬, 𝐒𝐞𝐠𝐮𝐧𝐝𝐚-𝐟𝐞𝐢𝐫𝐚, 𝟗 𝐌𝐚𝐫𝐬𝐮 𝟐𝟎𝟐𝟔

𝐒𝐮𝐚 𝐄𝐱𝐞𝐥é𝐧𝐬𝐢𝐚, Prezidente Autoridade Munisipál Lautém lidera enkontru atu forma ekipa Komisaun kona-ba preparasaun vizita ofisiál husi 𝐒𝐮𝐚 𝐄𝐱𝐞𝐥é𝐧𝐬𝐢𝐚, Primeiru Ministru (PM-RDTL) nian, nune’e mós ajusta programa ba dadus Dezempeñu Servisu ne’ebé aprezenta husi Diretor Ajensia Planeamentu no Ajensia PARTISIPA ba Kada Diresaun Servisu Munisipál no Delegasaun Territorial sira, ne’ebé hala’o iha Salaun Administrasaun Autoridade Munisipál Lautém.

Iha intervensaun, 𝐒𝐮𝐚 𝐄𝐱𝐞𝐥é𝐧𝐬𝐢𝐚, Prezidente Autoridade Munisipál Lautém 𝐒𝐫. 𝐌é𝐥𝐢𝐨 𝐝𝐞 𝐉𝐞𝐬𝐮𝐬 𝐒𝐇 hateten, enkontru ida ne’e atu estabelese ba Komisaun hodi hala’o preparasaun Vizita Ofisial husi Sua Exelénsia, Primeiru Ministru 𝐊𝐚𝐲 𝐑𝐚𝐥𝐚 𝐗𝐚𝐧𝐚𝐧𝐚 𝐆𝐮𝐬𝐦ã𝐨 nian ne’ebé sei mai iha Munisípiu Lautém.

Prezidente Autoridade afirma katak, enkontru ida ne’e hodi forma ekipa ida ba preparasaun 𝐒𝐮𝐚 𝐄𝐱𝐞𝐥é𝐧𝐬𝐢𝐚 Primeiru Ministru nian, no Diresaun Servisu Ajensia Planeamentu no Ajensia PARTISIPA atu aprezenta kona-ba Dezempeñu Servisu husi Autoridade Munisipál Lautém ba Planu Dezenvolvimentu Munisipál 2026-2030.

Tanba ida ne’e, konvida hotu Diretor/a Servisu Delegasaun Teritorial sira, atu partisipa másimu ho aprezentasaun dadús sira, maibé la’os de’it ba Diresaun Servisu Munisipál hamutuk 19, maibé ba mós Delegasaun Territorial sira ne’ebé hala’o knar iha Munisípiu Lautém, nune’e presiza partisipa ho másimu karik sei presiza tan dadus ruma bele submete hodi aumenta.

Enkuantu 𝐒𝐮𝐚 𝐄𝐱𝐞𝐥é𝐧𝐬𝐢𝐚 Primeiru Ministru (PM-RDTL) sei mai Munisípiu Lautém iha loron 15 Marsu ne’ebé sei akompania ho ekipa Nasional sei deskansa iha rezidensia Prezidente Autoridade no iha loron 16 Marsu sei hala’o diálogu kona-ba Avaliasaun Kondisaun Mínimu ba Desentralizasaun Poder Lokál.

𝐒𝐮𝐚 𝐄𝐱𝐞𝐥é𝐧𝐬𝐢𝐚, Primeiru Ministru (PM-RDTL) 𝐊𝐚𝐲 𝐑𝐚𝐥𝐚 𝐗𝐚𝐧𝐚𝐧𝐚 𝐆𝐮𝐬𝐦ã𝐨 sei vizita traballu ba edifisiu sira mak hanesan Edifisiu Diresaun Nasionál Transporte no Terrstre (DNTT) Munisípiu Lautém, Edifisiu futuru Balkaun Uniku (BU), Fatin Karau Susuben iha Pato no Fahi Luan iha Areadores Edifisiu Administrasaun Autoridade Munisipál Lautém.

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢