𝗠𝗲𝗵𝗮𝗿𝗮, 𝗞𝘂𝗮𝗿𝘁𝗮-𝗳𝗲𝗶𝗿𝗮, 𝟭𝟱 𝗔𝗯𝗿𝗶𝗹 𝟮𝟬𝟮𝟲

Ajensia Dezenvolvimentu Nasionál (ADN) hamutuk ho ekipa husi Ministériu Administrasaun Estatal (MAE) ho Autoridade Munisipál Lautém hala’o observasaun direta ba fatin atu hala’o konstrusaun Monumentu 𝗗𝗼𝗺 𝗠𝗮𝗿𝘁𝗶𝗻𝗼 𝗱𝗮 𝗖𝗼𝘀𝘁𝗮 𝗟𝗼𝗽𝗲𝘀, ne’ebé haktuir historia luta nian iha Suku Mehara, Postu Administrativu Tutuala, Munisípiu Lautém.

Observasaun ne’e orientasaun husi 𝗦𝘂𝗮 𝗘𝘀𝗲𝗹é𝗻𝘀𝗶𝗮 Primeiru Ministru (PM-RDTL) 𝗞𝗮𝘆 𝗥𝗮𝗹𝗮 𝗫𝗮𝗻𝗮𝗻𝗮 𝗚𝘂𝘀𝗺ã𝗼 ba Ministériu Administrasaun Estatal (MAE) ho Ajensia Dezenvolvimentu Nasionál (ADN) hodi koordena ho Autoridade Munisipál Lautém atu observa fatin ba konstrusaun Monumentu 𝗗𝗼𝗺 𝗠𝗮𝗿𝘁𝗶𝗻𝗼 𝗱𝗮 𝗖𝗼𝘀𝘁𝗮 𝗟𝗼𝗽𝗲𝘀 nian iha Suku Mehara.

Iha momentu ida ne’e, 𝗦𝘂𝗮 𝗘𝘀𝗲𝗹é𝗻𝘀𝗶𝗮 Ministru Administrasaun Estatal ho Ajensia Dezenvolvimentu Nasionál ADN atu halo konseitu ba Monumentu Mehara hodi fó Homenagem ba matebian 𝗗𝗼𝗺 𝗠𝗮𝗿𝘁𝗶𝗻𝗼 𝗱𝗮 𝗖𝗼𝘀𝘁𝗮 𝗟𝗼𝗽𝗲𝘀, ne’ebé momentu funu hasoru malu ho Komandante Em Xefe das FALINTIL atual Primeiru Ministru hodi entrega dokumentus re-organizasaun funu nian.

Aleinde ne’e 𝗦𝘂𝗮 𝗘𝘀𝗲𝗹é𝗻𝘀𝗶𝗮 Primeiru Ministru mos tau planu hodi fo mós Homenagem ba 𝗗𝗼𝗺 𝗠𝗮𝗿𝘁𝗶𝗻𝗼 𝗱𝗮 𝗖𝗼𝘀𝘁𝗮 𝗟𝗼𝗽𝗲𝘀, ne’ebé sei tau naran Ponte Manatuto hanesan fo Homenagem, nune’e mós hala’o konstrusaun Monumentu ida iha Suku Mehara.

Durante iha terenu ekipa Ajensia Dezenvolvimentu Nasionál (ADN) no Project Manajer ne’ebé responsavel projetu refere tau kedas markasaun ho nia medidas, ne’ebé akompaña ho 𝗦𝘂𝗮 𝗘𝘀𝗲𝗹é𝗻𝘀𝗶𝗮, Prezidente Autoridade Munisipál Lautém.

𝙈𝙚𝙙𝙞𝙖 𝙋𝘼𝙈-𝙇𝙖𝙪𝙩é𝙢