𝗟𝗼𝘀𝗽𝗮𝗹𝗼𝘀, 𝗦𝗲𝘅𝘁𝗮-𝗳𝗲𝗶𝗿𝗮, 𝟮𝟰 𝗔𝗯𝗿𝗶𝗹 𝟮𝟬𝟮𝟲

𝗦𝘂𝗮.𝗘𝘀𝗲𝗹é𝗻𝘀𝗶𝗮, Prezidente Autoridade Munisipál Lautém hamutuk ho Diretór Servisu Munisipál Aprovizionamentu hahú fó selebra kontratu ba kompañia lokál sira hamutuk 4 hodi implementa ba projetu Planu Dezenvolvimentu Integradu Munisipál (PDIM) ba tinan 2026 nian, selebra akordu ne’e hala’o iha Sala Gabinete Prezidente Autoridade Munisipál Lautém.

Antes atu selebra kontratu ba kompañia lokál sira, Prezidente Autoridade Munisipál Lautém Le sai uluk klauzula ne’ebé iha kontratu laran hanesan kriteria ida ba projetu PDIM nian, nune’e kompañia sira bele servisu tuir kontratu ne’ebé iha.

𝗦𝘂𝗮.𝗘𝘀𝗲𝗹é𝗻𝘀𝗶𝗮, Prezidente Autoridade Munisipál Lautém 𝗦𝗿. 𝗠é𝗹𝗶𝗼 𝗱𝗲 𝗝𝗲𝘀𝘂𝘀 𝗦𝗛 enkoraja ba kompañia lokál sira ne’ebé hetan ona konfiansa husi Governu lokál, implementa projetu ida ne’e ho responsabilidade tomak hodi hala’o, nune’e bele garantia kualidade ba konstrusaun nian.

Responsavel Munisípiu Lautém ne’e afirma ba Diretor kompañia sira, bainhira projetu hahú, tau uluk papan ba naran projetu no total Orsamentu atu nune’e komunidade sira bele hatene.

Entretantu Kompañia lokál hamutuk 4 ne’ebé Governu lokál fó konfiansa tomak hodi hala’o projetu PDIM 2026, mak hanesan, kompañia Diroma Construction Unip. Lda sei responsavel ba projetu konstrusaun edifísiu foun Postu Administrativu Lautém ho Orsamentu hamutuk $201, 035.05.

Kompañia Feni Alfanyo Unip Lda

sei responsavel ba reabilitasaun edifísiu Unidade 2 + Moru haleu EBF. no. 1 de Lospalos ho valor Orsamentu hamutuk $, 129, 822.82.

Kompañia Novebri Unip.Lda sei responsavel ba konstrusaun moru foun haleu EBC Raça ho Orsamentu hamutuk $72,665.00.

Kompañia Rikfrem Construction Unip. Lda. sei responsavel ba projetu konstrusaun foun Moru haleu EBF. Leuro ho Orsamentu hamutuk $,73,129.18.

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢