๐๐จ๐ฌ๐ฉ๐๐ฅ๐จ๐ฌ, ๐๐๐ฑ๐ญ๐-๐๐๐ข๐ซ๐, ๐๐ ๐๐๐ข๐ฎ ๐๐๐๐
๐๐ฑ๐๐ฅรฉ๐ง๐ฌ๐ข๐ Prezidente Autoridade Munisipรกl Lautรฉm, Komandante Polรญsia Nasionรกl Timor-Leste (PNTL) Munisรญpiu Lautรฉm, Sekretรกriu Munisipรกl Planeamentu Investimentu no Dezenvolvimentu Integradu (PIDI) Sekretรกriu Munisipรกl Assuntu Sosiais no Organizasaun Komunitรกria, Segundu Komandante Polรญsia Nasionรกl Timor-Leste (PNTL) Munisรญpiu Lautรฉm akompaรฑa ho Diretor/a Servisu Munisipรกl hamutuk ho Kompaรฑia hahรบ harii ona Ai Rin Boot hamutuk 4 (Hat) ba Uma Adat Lรช Jiawal nian iha Munisรญpiu Lautรฉm.
Antes atu hahรบ harii Ai Rin Boot 4 (Hat) Uma Adat Lรช Ziawal nian, primeiru iha serimรณnia rituรกl neโebรฉ lidera husi Lia naโin Suku Fuiloro, ๐๐ซ. ๐ ๐ซ๐๐ง๐๐ข๐ฌ๐๐จ ๐๐ข๐๐ฌ ๐๐ฎ๐ข๐ง๐ญ๐๐ฌ, husi rituรกl neโe hanesan hameno, tesi hudi kain no haree fahi nia aten, neโebรฉ hatudu Ai Rin 4 (Hat) ba Uma Adat ida neโe metin ba tempu naruk nuneโe mรณs Tekniku sira husi Kompana neโe servisu sei la hetan asidente ruma to’o Konstrusaun Uma Adat neโe remata.
Iha intervista ๐๐ฑ๐๐ฅรฉ๐ง๐ฌ๐ข๐, Prezidente Autoridade Munisipal Lautem ๐๐ซ. ๐รฉ๐ฅ๐ข๐จ ๐๐ ๐๐๐ฌ๐ฎ๐ฌ ๐๐ hateten, Autoridade Munisipรกl Lautรฉm ohin hamutuk ho tรฉkniku sira husi Kompaรฑia ISMEโS LIBEROSIS Unip Lda harii fali Ai Rin Bot ka โTutu Kakaโ hamutuk 4 (Hat), hodi konstrui fali Uma Adat Lรช Ziawal iha Munisรญpiu Lautรฉm nian.
Tanba Uma Adat Munisรญpiu Lautรฉm nian nuโudar sรญmbolu no identidade nasionรกl Timor-Leste nian neโebรฉ ema hotu hatene, nuneโe Governu lokรกl nia polรญtika no Planu liu husi Programa Planu Dezenvolvimentu Integradu Munisipรกl (PIDI) atu konstrui filafali Uma Adat Lรช Ziawal.
Enkuantu, Projetu Uma Adat ida neโe husi Planu Dezenvolvimentu Integradu Munisipal (PDIM) 2024 nian ne’ebรฉ kompaรฑia ISMEโS LIBEROSIS Unip Lda mak kona, maibรฉ prosesu kleur tanba difikulta husi Ai Riin 4 (Hat) ho ida neโe esforsu husi kompaรฑia bele konsege hetan Ai Riin hanesan Ai Besi no Ai Bubur no materiรกl sira seluk hodi konstrui Uma Adat.
Serimรณnia kulturรกl โAi Rin Bootโ ka lian materna Fatalutuk โLutu Kakaโ tanba Ai Rin haat ne’ebรฉ apoia Uma leten neโe nuโudar pilรกr ka fundasaun prinsipรกl ba Uma Adat. Prosesu to’o hamriik Ai-Rin boot neโe laโos servisu fรญziku deโit, maibรฉ akompaรฑa ho rituรกl ruma, hanesan fรณ han bei’ala sira no rituรกl fakar raan animรกl nian nuโudar sasin ba sagradu no husu lisensa.
Projetu Uma Adat responsavel husi kompaรฑia lokรกl ISMEโS LIBEROSIS Unip Lda ho valรณr Orsamentu hamutuk $91,592.48.
๐รฉ๐๐๐ ๐๐ผ๐-๐๐๐ช๐ฉรฉ๐ข