𝐋𝐨𝐬𝐩𝐚𝐥𝐨𝐬, 𝐒𝐞𝐠𝐮𝐧𝐝𝐚-𝐟𝐞𝐢𝐫𝐚, 𝟒 𝐌𝐚𝐢𝐮 𝟐𝟎𝟐𝟔

Universidade da Paz (UNPAZ) liu husi Komisaun Organizadora akompaña ho dekanu kada fakuldade sira aprezenta estudante hamutuk 176 ba Autoridade Munisipál Lautém, ne’ebé komisaun organizadóra koloka ona estudante semestre V ba ida-idak nia Postu, Suku no Aldeia hodi hala’o atividade Pratika Aprendizajen Kampu (PAK) durante fulan ida, aprezenta estudante ne’e hala’o iha Salaun Administrasaun Autoridade Munisipál Lautém.

Iha intervensaun, Sua Eselénsia, Prezidente Autoridade Munisipál Lautém, 𝐒𝐫. 𝐌é𝐥𝐢𝐨 𝐝𝐞 𝐉𝐞𝐬𝐮𝐬 𝐒𝐇, fó Bem-Vindu ba estudante sira hamutuk 176 ne’ebé mai iha Knua “Kina Moco” hodi hala’o estájiu durante fulan ida.

Iha biban ne’e Prezidente Autoridade Munisipál salienta liu tan ba estudante sira ne’ebé sei halo estájiu iha Munisipiu Lautem, sei ba iha Suku, Aldeia no Knua, atu elabora no identifika problema sosiál ne’ebé komunidade sira enfrenta iha terenu.

Nune’e iha mensajen husi responsavel Munisípiu Lautém afirma tan katak, fila ba Suku, Aldeia no Knua hodi hala’o estájiu sai ezemplu ba sosiedade no joven sira ne’ebé dezempregu iha Postu, Suku no Aldeia, eduka ho liafuan ne’ebé motivasaun nian, nune’e bele ema ne’ebé di’ak hodi evita konflitu hatudu karakter di’ak kria unidade paz iha sosiedade sira nia leet.

Tanba ne’e, estudante sira labele ta’uk no moe tenke hakbesik an ba lider komunitária no Administrador Postu sira hodi halo koordenasaun no komunikasaun ne’ebé di’ak, nune’e bainhira halo atividade estájiu Pratika Aprendizajen Kampu (PAK) iha terenu mak infrenta problema ruma, hodi hato’o atu nune’e bele buka nia solusaun.

Iha fatin hanesan, Koordenador Munisípiu Lautém, Dr. Domingos CBB Gomes hatutan, prezensa iha fatin ida atu estabelese servisu estájiu nian, ne’ebé orientasaun husi Universidade da Paz (UNPAZ) mai iha Munisípiu Lautém, ba programa no estudu ne’ebé atinji durante tinan rua ho balun hodi identifika dezafiu no difikuldade sira ne’ebé akontese iha Suku no Aldeia.

Programa ida ne’e ba programa ida ne’ebé prioridade ba estudante sira, ne’ebé sai instrumentu ida atu dezenvolve Suku, Aldeia no Knua, atu identifika preokupasaun ruma no fenómena saida mak eziste, tanba estájiu ba PAK nian iha modalidade 6 ne’ebé prega iha instituisaun sira, destakamentu estudante sira ba iha ida-idak nia moris fatin, disputa rai, ne’ebé oras ne’e sei sai preokupasaun komunidade sira nian, problema eskola, saúde, ekonomia, asedu seksuál, no dezempregu ne’ebé eziste iha kada Suku, hodi hato’o nia relatóriu, infraestrutura Estrada no ponte, mudansa klimátika.

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢