𝐋𝐨𝐬𝐩𝐚𝐥𝐨𝐬, 𝐊𝐢𝐧𝐭𝐚-𝐟𝐞𝐢𝐫𝐚, 𝟏𝟖 𝐉𝐮𝐧𝐮 𝟐𝟎𝟐𝟕

𝐄𝐱𝐞𝐥é𝐧𝐬𝐢𝐚 Prezidente Autoridade Munisipál Lautém nu’udar Prezidente Konsellu Konsultivu Munisipál (KKM) konvoka sorumutu ho membru Konsellu Konsultivu Munisipál hodi fó apresiasaun ba Planu prioridade sira kona-ba Planu Asaun Annual (PAA) 2027, lista Planu Investimentu Munisipál (PIM) no Programa Nasionál Dezenvolvimentu Suku (PNDS) 2027, ne’ebé submete ona ba iha Ministériu Administrasaun Estatal (MAE), sorumutu ne’e hala’o iha salaun Administrasaun Autoridade Munisipál Lautém.

Antes tama ba diskusaun, 𝐄𝐱𝐞𝐥é𝐧𝐬𝐢𝐚 Prezidente Konsellu Konsultivu Munisipál fó tempu ba membru Konsellu Konsultivu Munisipál hodi hato’o proposta no rekomendasaun ho ajenda foun relasiona periode sesaun orden traballu ne’ebé iha KKM sira bele halo apresiasaun no votasaun nune’e bele submete ba iha sesaun orden traballu.

Iha intervensaun 𝐄𝐱𝐞𝐥é𝐧𝐬𝐢𝐚 Prezidente Autoridade Munisipal Lautem nu’udar Prezidente Konsellu Konsultivu Munisipál 𝐒𝐫. 𝐌é𝐥𝐢𝐨 𝐃𝐞 𝐉𝐞𝐬𝐮𝐬 𝐒𝐇 partilla informasaun relasiona Resultado reuniaun jornada orsamentál nian iha Ministériu Finansas ba membru Konsellu Konsultivu Munisipál sira, nune’e bele fokus liu kona-ba Planu Asaun Annual (PAA) 2027 no Planu Investimentu Munisipal (PIM) 2027 relasiona ho Orsamentu Jeral Estadu (OJE) 2027.

Prezidente Konsellu Konsultivu Munisipál mós relata atividade enkontru panorama Orsamentu ne’ebé iha mudansa enkuadramentu orsamentu, maski PAA submete ona iha Ministériu Administrasaun Estatal no atu kontinua submete ba iha Ministériu Finansas, ne’ebé iha mudansa enkuadramentu orsamentu ne’ebé aprezenta iha reuniaun Jornada Orsamentu, ho situasaun sira ne’e bainhira Autoridade Munisipál Lautém sei simu karta konvite husi Prezidente Komisaun Revisaun Politika (KRP) liu husi Ministériu Administrasaun Estatal (MAE) hodi hato’o fali Planu foun atu ajusta ba Planu ne’ebé mak Submete ona.

Ajenda segundu Diretor Servisu Munisipál Planu Investimentu Planeamentu (SMPID) aprezenta kona-ba relatóriu Verifikasaun Avaliasaun Proposta Planu Investimentu Munisipál (PIM) iha Autoridade Munisipál Lautém ba tinan fiskál 2027, nune’e mós Diretor Servisu Munisipál Programa Nasionál Dezenvolvimentu Suku (PNDS) aprezenta lista projetu hamutuk 34 ba tinan 2026 nian ba membru KKM sira.

Aleinde ne’e mós Prezidente Konsellu Konsultivu Munisipál orienta Sekretáriu Munisipál Planeamentu no Investimentu Dezenvolvimentu Integradu aprezenta lista fundus infraestrutura ba membru KKM sira.

Nu enkuantu iha sorumutu Konsellu Konsultivu Munisipál Lokal ne’e, reprezentante Partidu Fretilin no Khunto hatoo ninia apresiasaun ba Eselénsia Prezidente Autoridade Munisipál Lautém ho nia estrutura relasiona ho Planu Asaun Annual (2027) ne’ebe sei responde nesesidade Povu nian iha Munisípiu Lautém.

Enkuantu membru sira ne’ebé envolve iha Konsellu Konsultivu Munisipal (KKM) hamutuk 31 pesoas husi membru 51 pesoas iha Munisípiu Lautém, reprezentante Partidu Polítiku ne’ebé asentu iha Parlamentu Nasionál, reprezentante Juventude, Setor Privadu-CCI, reprezentante Veteranu-Rede Feto, reprezentante intelektuál Lautem oan, reprezentante Organizasaun sira.

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢