𝐋𝐨𝐬𝐩𝐚𝐥𝐨𝐬, 𝐒𝐞𝐠𝐮𝐧𝐝𝐚-𝐟𝐞𝐢𝐫𝐚, 𝟖 𝐉𝐮ñ𝐮 𝟐𝟎𝟐𝟔

Reprezentante Prezidente Autoridade Munisipál Lautém, Sekretáriu Munisipál Assuntu Sosiais no Organizasaun Komunitária 𝐒𝐫. 𝐅𝐫𝐚𝐧𝐬𝐢𝐬𝐜𝐨 𝐝𝐨𝐬 𝐒𝐚𝐧𝐭𝐨𝐬 hamutuk ho Grupu Rotary Internasionál Australia ofisialmente inaugura Bee Moos liu husi makina Filtrazen ba Suku, Com, Tutuala, Ensinu Pre-Eskolar, Ensinu Báziku Lulira, Eskola Sekundária Jerál Nino Conis Santana Lospalos no Ensinu Sekundária Tékniku Vocasional No.2 Lospalos, ne’ebé apoiu husi Grupu Rotary Internasionál Australia.

Iha intervensaun, Sekretáriu Munisipál Assuntu Sosiais no Organizasaun Komunitária 𝐒𝐫. 𝐅𝐫𝐚𝐧𝐬𝐢𝐬𝐜𝐨 𝐝𝐨𝐬 𝐒𝐚𝐧𝐭𝐨𝐬 hato’o agradesimentu wain ba Grupu Rotary Internasionál Australia ne’ebé apoiu Bee Moos liu husi Filtru ba Eskola sira no Suku rua iha Munisípiu Lautém.

Reprezentante ne’e esplika, Grupu Rotary Internasionál Australia ida ne’e apoiu ona programa makina Bee Filtrazen ba Eskola sira, atu nune’e estudante sira bele utiliza diretamente konsumu, agora ninia manutensaun presiza kontribui osan atu nune’e futuru makina Filtrazen ne’e failla ruma presiza halo nia manutensaun, atu nune’e estudante sira bele konsumu ba tempu naruk.

Tanba ida ne’e Sekretáriu Munisipál Assuntu Sosiais no Organizasaun Komunitária husu ba Professor/a sira no Suku rua ne’ebé hetan tenke kuidadu nafatin ba apoiu hira ne’ebé Grupu Rotary Internasionál Australia oferese.

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢