𝐕𝐚𝐥𝐮-𝐒𝐞𝐫𝐞, 𝐒á𝐛𝐚𝐝𝐮, 𝟔 𝐉𝐮ñ𝐮 𝟐𝟎𝟐𝟔

𝐄𝐱𝐞𝐥é𝐧𝐬𝐢𝐚 Prezidente Autoridade Munisipál Lautém, Distintu Deputadu 𝐀𝐥𝐛𝐢𝐧𝐨 𝐝𝐚 𝐒𝐢𝐥𝐯𝐚, reprezentante Diretor Jerál Ministériu Petróleo no Rekursu Minerais, Komandante Polísia Nasionál Timor-Leste (PNTL), Diretor Nasionál SEATOU, Sekretáriu Munisipál sira, Xefe Gabinete Prezidente, Diretor/a Servisu Munisipál, Diretor/a Delegasaun Territorial, Xefe Departamentu, Administrador Postu Tutuala, Xefe Suku Tutuala, Xefe Aldeia, Veteranu/a, estudante no komunidade sira kontinua nafatin hala’o atividade limpeza iha tasi-ibun Valu-Sere, hodi prezerva no koserva habitante sira ne’ebé moris iha tasi laran.

Iha intervensaun distintu Deputadu 𝐀𝐥𝐛𝐢𝐧𝐨 𝐝𝐚 𝐒𝐢𝐥𝐯𝐚 hateten, mai iha fatin ida ne’e hodi hala’o atividade limpeza tasi-ibun Valu-Sere hodi komemora loron nasionál tasi no loron mundiál Tasi, tanba ida ne’e membru Parlamentu Nasionál husu ba komunidade sira, tenke tau konsiensia iha kada uma kain, nune’e bele abitua konsiensia oinsá bele aplika iha fatin públiku sira.

Iha fatin hanesan 𝐄𝐱𝐞𝐥é𝐧𝐬𝐢𝐚 Prezidente Autoridade Munisipál Lautém 𝐒𝐫 𝐌é𝐥𝐢𝐨 𝐝𝐞 𝐉𝐞𝐬𝐮𝐬 𝐒𝐇 hatutan, Munisípiu Lautém selebra ona loron nasional Tasi no kontinua hala’o atividade limpeza iha Tasi-ibun Valu-Sere hodi selebra loron nasionál Tasi, limpeza ida ne’e hodi hamos foer sira iha tasi-ibun sira nune’e bele konserva no prezerva Tasi ne’ebé mós nafatin, tamba tema Governu tau mak “𝙃𝘼’𝙐 𝙉𝙄𝘼 𝙏𝘼𝙎𝙄, 𝙃𝘼’𝙐 𝙉𝙄𝘼 𝙏𝙄𝙈𝙊𝙍” ba sustentabilidade ekonomia familia nian.

Tanba ida ne’e mak Governu foku liu atu hala’o kampana sensibiliza no sosializa ba komunidade sira hotu, oinsá tau importansia atividade limpeza ba lixu sira ne’ebé naklekar iha tasi ninin sira hanesan Botir mamuk, plastiku no masa mamuk sira.

Tanba ida ne’e mak Exelénsia Prezidente Autoridade Munisipál Lautém husu ba Administrador Postu no Xefe Suku sira ne’ebé hamutuk ho komunidade hodi hala’o sosializasaun kona-ba limpeza atu nune’e tasi nafatin mos hodi prezerva Biodiversidade sira iha tasi laran, nune’e mós professsor/a sira organiza nafatin estudante sira hodi halo limpeza nafatin, tamba rai henek mutin husi Valu-Sere no Illa Jaco bele atrai turista sira mai iha ne’e.

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢