𝐋𝐨𝐬𝐩𝐚𝐥𝐨𝐬, 𝐊𝐢𝐧𝐭𝐚-𝐟𝐞𝐢𝐫𝐚, 𝟑𝟎 𝐉𝐮𝐥𝐥𝐮 𝟐𝟎𝟐𝟔

Asian Development Bank (ADB) ne’ebé lidera husi Project Team Leader, 𝐀𝐫𝐮𝐧 𝐑𝐚𝐦𝐚𝐦𝐮𝐫𝐭𝐲, Diretora Salvaguarda Ambiente no Sosial Sudoeaste Asiatico ADB, 𝐉𝐨𝐜𝐞𝐥𝐲𝐧 𝐄𝐫𝐥𝐢𝐧𝐝𝐚 𝐒. 𝐌𝐮𝐧𝐬𝐲𝐚𝐜 ho ekipa hamutuk ho Sekretariádu dos Grandes Projetu Fundus das Infraestrutura vizita mai iha Administrasaun Autoridade Munisípiu Lautém hodi hala’o audiénsia no diskusaun ba 𝐄𝐱𝐞𝐥é𝐧𝐬𝐢𝐚 Prezidente Autoridade Munisípiu Lautém ne’ebé akompaña ho Sekretáriu Munisípiu Planeamentu Investimentu Dezenvolvimentu Integradu (PIDI), Diretor/a Servisu Munisipál no Diretor/a Delegasaun Teriorial no Administrador Postu Lospalos, kona-ba konstrusaun projetu terminál intercange iha Munisípiu Lautém, audiénsia ne’e hala’o iha Sala VIP Administrasaun Autoridade Munisipál Lautém.

Iha intervensaun 𝐄𝐱𝐞𝐥é𝐧𝐬𝐢𝐚 Prezidente Autoridade Munisípiu Lautém 𝐒𝐫. 𝐌é𝐥𝐢𝐨 𝐝𝐞 𝐉𝐞𝐬𝐮𝐬 𝐒𝐇 apresia tebes ba ADB nu’udar parseiru dezenvolvimentu Governu Timor-Leste nian, ne’ebé iha planeia no planu ba implementasaun ba projetu Terminal Intercange iha Munisípiu Lautém, ne’ebé atu halo konstrusaun iha Merkadu.

Tanba ida ne’e 𝐄𝐱𝐞𝐥é𝐧𝐬𝐢𝐚 Prezidente Autoridade Munisípiu Lautém sujere ba Asian Development Bank (ADB) presiza halo koordenasaun ho Ministériu Transporte no Komunikasaun (MTK) no Ministériu Komérsiu no Indústria (MKI) nune’e bainhira konstrusaun Merkadu Modernu no konstrusaun Terminal Intercange fó espasu ba malu, nune’e projetu rua refere labele iha fallansu, tanba konstrusaun Merkadu Munisipál ho estasionamentu ba transporte públiku sira.

Iha fatin hanesan Project Tem Leader ADB 𝐀𝐫𝐮𝐧 𝐑𝐚𝐦𝐚𝐦𝐮𝐫𝐭𝐲 esplika ba sorumutu ida ne’e ho objetivu kona-ba projetu Timor-Leste Public Transport Project Projetu ba Transporte públiku nian iha Timor-Leste ida ne’e projetu dahuluk husi sub- setór transporte nian.

Nia dehan, Transporte Publiku ne’e sub- setór ida ne’ebé implementa iha Timor-Leste inklui iha Munisípiu Lautém, servisu transporte públiku iha Munisípiu Lautém ne’e komplementa ADB nia apoiu iha setór infraestrutura sira no Bee no Saneamentu.

Project Tem Leader ADB 𝐀𝐫𝐮𝐧 𝐑𝐚𝐦𝐚𝐦𝐮𝐫𝐭𝐲 salienta Transporte Públiku ne’e ninia komponente área ne’ebé apoiu mak iha komponente ida ba konstrusaun terminál no Terminal Intercange.

Antes projetu realiza ADB apoiu Ministériu Transporte no Komunikasaun ne’ebé dezenvolve planu mestre identifika área hamutuk 40 atu halo Terminal Intercange ne’ebé faze dahuluk ADB hahú uluk hamutuk 10. Aleinde iha konstrusaun ne’e ko’alia mós kona-ba apoiu ba komponente hodi hadi’a sistema transporte públiku nian, hanesan hadi’a kona-ba jestaun tempu, transporte públiku halai tuir oráriu no haree mós nia kustu, nune’e bele ajusta tuir merkadu nian.

Hafoin remata diskusaun, 𝐄𝐱𝐞𝐥é𝐧𝐬𝐢𝐚 Prezidente Autoridade Munisípiu Lautém orienta Sekretáriu Munisípiu Planeamentu Investimentu Dezenvolvimentu Integradu (PIDI) akompana Diretor/a Servisu Munisipál no Diretor/a Delegasaun Teriorial no Administrador Postu Lospalos hodi akompaña ekipa Asian Development Bank (ADB) observa fatin konstrusaun ba projetu Terminal Intercange iha Merkadu.

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢