𝐋𝐨𝐬𝐩𝐚𝐥𝐨𝐬, 𝐓𝐞𝐫𝐬𝐚-𝐟𝐞𝐢𝐫𝐚, 𝟒 𝐀𝐠𝐨𝐬𝐭𝐨 𝟐𝟎𝟐𝟔

𝐄𝐱𝐞𝐥é𝐧𝐬𝐢𝐚 Prezidente Autoridade Munisipál Lautém hamutuk ho Diretora Nasionál DNMCVR Ministério das Obras Pública ne’ebe akompana ho Komandante PNTL Munisípiu Lautém, Komandante Eskuadra Postu Lospalos, Veteranu, Sekretáriu Munisipál Planeamentu Investimentu no Dezenvolvimentu Integradu (PIDI), Administrador Postu Lospalos, Xefe Suku Bauro, Xefe Aldeia Iralafai, Luarai, Bauro no Sepelata, Asesor PARTISIPA, ekipa tekniku destakadu MOP no Komunidade sira ofisialmente lansa no hatur fatuk dahuluk ba Projetu Rehabilitasaun Estrada Rural Fibre Reinforeed Concrete (FRC) Sepelata – Nanafoe Sta.0+000 – 3+275 (3.275 km) iha Suku Bauro, Postu Administrativu Lospalos, Munisípiu Lautém.

Ba Projetu Reabilitasaun Estrada rural husi Sepelata – Nanafoe 3+275, ho Númeru Kontratu: MOP-EO-26079 durasaun servisu tinan 1, 08-06-2026, ATE 16-06-2027, montante kontratu hamutuk $634,511 .26 Kompania ezekutór ba projetu ne’e maka LOSANRO UNIP LDA Enkuantu supervizaun ba projetu ne’e direta husi Ministériu Obras Públikas.

Iha intervensaun 𝐄𝐱𝐞𝐥é𝐧𝐬𝐢𝐚 Prezidente Autoridade Munisipál Lautém 𝐒𝐫. 𝐌é𝐥𝐢𝐨 𝐝𝐞 𝐉𝐞𝐬𝐮𝐬 𝐒𝐇 hateten objetivu husi lansamentu Estrada rural ida ne’e benefisiu komunidade sira oinsa hala’o movimentasaun transporte iha Aldeia Sepelata – Nanafoe bele utiliza hodi produtu Agrikola atu asesu ba iha Merkadu Munisípiu.

𝐄𝐱𝐞𝐥é𝐧𝐬𝐢𝐚 Prezidente Autoridade Munisípiu Lautém agradese ba Nonu Governu Konstituisionál, ne’ebé lidera husi 𝐒𝐮𝐚 𝐄𝐱𝐞𝐥é𝐧𝐬𝐢𝐚 Primeiru Ministru (PM-RDTL) 𝐑𝐚𝐥𝐚 𝐗𝐚𝐧𝐚𝐧𝐚 𝐆𝐮𝐬𝐦ã𝐨 iha planu no programa hahú dezenvvolve Munisípiu Lautém iha área infraestrutura báziku sira hanesan Estrada, Ponte no sira seluk, tanba infraestrutura iha Munisípiu Lautém 75% ho kondisaun at.

Iha fatin hanesan, Direcção Nacional de Manutenção e Conservação de Vias Rodoviárias (DNMCVR) 𝐄𝐧𝐠𝐚. 𝐋𝐞𝐭𝐢𝐠𝐢𝐚 𝐝𝐨𝐬 𝐑𝐞𝐢𝐬 𝐇𝐚𝐧𝐣𝐚𝐧 𝐂𝐨𝐫𝐛𝐚𝐟𝐨 hatutan ohin mai iha fatin ida ne’e atu hala’o atividade lansamentu projetu reabilitasaun estrada rurál ba FRC SCALA-UP RURAL ROAD REHABILITATION SEPELATA-NANAFOE.

Nia dehan, reabilitasaun obras Estrada hanesan sinal ida ba ita hotu nia komprimisiu hodi kotinua hadia estraga koneksaun bot no ki’ik ho objetivu ba moris diak komunidade sira iha área rurál. Tanba projetu ida ne’e ho kategoria Estrada rurál ho nia naruk 3.275 ne’ebé sei fó benefísiu direta ba komunidade sira iha Suku Bauro. Estrada ida ne’e mós importante tebes, atu bele fasilita transporte ba komunidade sira nia produtu lokál hodi asesu ba iha Merkadu Munisípiu.

Obras ba konstrusaun ida ne’e sei utiliza teknolojia Fiber Reinforced Concrete ( FRC) ho lian tetun katak : Betaun Reforsa ho Fiber, hodi aumenta nia kualidade ne’ebé durante ne’e aplika ona. Tanba teknolojia ida ne’e hatudu ona iha implementasaun pilotu iha Munisípiu Ermera no Ainaro.

Diresaun Nasionál Servisu agradese ba Governu Australia liu husi programa PARTISIPA ne’ebé kontinua fó apoiu tékniku hodi implementa projetu ida ne’e, parseiru ida ne’e importante tebes mak dezenvolvimentu iha setór infraestrutura iha Timor-Leste.

Tanba ida ne’e husu ba komunidade sira apoiu durante prosesu obra konstrusaun hodi proteje no hamutuk tau matan ba kualidade no seguransa, tanba Estrada ida ne’e kategoria patrimónia Povu nian, manutensaun no konservasaun sai hanesan responsabilidade bai ta hotu nian.

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢