INAP FO KURSU KOMPUTADOR PROGRAMA APLIKASAUN ESKRITÓRIU BA FUNSIONÁRIUS IHA ADMINISTRASAUN AUTORIDADE MUNISIPIU LAUTEM
Segunda Feira 21/07/2025. Institutu Nasional Administrasaun Públika (INAP) liu hosi Departamentu ITC hala’o Kursu Komputador Programa Aplikasaun Eskritóriu ba funsionárius sira iha Municipio Lautem. Koordenador ekipa INAP mak Livio da Costa, Formador Jose da Costa Graciano, Manuel Fernandes no Robinson. Kursu ne’e hala’o durante loron lima (5) hahu hosi loron 21-25 Jullu 2025 ho materia tolu mak hanesan Programa Microsoft Word, Microsoft Excel no Microsof Powerpoint.
Objetivu kursu ida ne’e atu hasa’e kuñesimentu no abilidade funsionárius sira nia iha area teknika oinsa mak uza programa 3 mensiona hodi hala’o servisu ho efisiente no efikasia iha servisu fatin.
iha abertura kursu nee reprezentante PrezIdente Autoridade Municipio Lautem, Zeferino dos Santos Sequeira husu ba partisipante sira atu aproveita didiak oportunidade ne’e hodi hasa’e kuñesimentu no abilidade para bele aplika fali iha ida-idak nia servisu fatin. Formasaun ka kursu ne’e hanesan direitu funsionárius sira nia iha tinan ida nia laran minimu oras hat nolu nia laran atu hetan formasaun, tanba ne’e tenke partisipa ho masimu durante loron lima ne’e.
Partisipante sira ne’ebe partisipa iha kursu ne’e hamutuk ema nain 27, feto nain 9 no mane nain 19 mai husi kargu diresaun xefia no mos asistente administrasaun sira, husi diresaun oi-oin no iha mos reprezentante funsionarius sira hosi administrasaun postu 6 iha Municipio Lautem. Formasaun ida ne’e hala’o iha salaun VIP Municipio Lautem
Media AML