Lagoa Com

Umunira ne’e hanesan lagoa kiik ida ne’ebe lokaliza iha Postu Administrativu Lautém, área Suco COM, Aldeia Vailo-vaia, ne’ebe sei subar hela husi vizitantes sira. Lagoa ne’e pertense ba uma lisan Katiratu nian. Bandu ba vizitantes ou turista sira hariis iha fatin ne’e, tamba konsidera lulik desde husi avo sira nia tempu kedas. Husi Estrada nasional ba lagoa kuaze ±500 metros. Dalan atu asesu ne’e seidauk hadia, tan ne’e xefi suco COM husu estadu atu hadia dalan ba lagoa ne’e para vizitantes ou turista sira bele ba asesu livremente.

Nia koor matak no nia altura nivelado ho tasi, nune’e wainhira tasi sa’e nia mos sa’e, tasi tun nia mos tun. Balun asesu tiha ona, maibe barak mak seidauk hatene, tamba nia subar-an iha raiklean ida.

© 2020 Autoridade Municipiu Lautem