𝐋𝐨𝐬𝐩𝐚𝐥𝐨𝐬, 𝐊𝐢𝐧𝐭𝐚-𝐟𝐞𝐢𝐫𝐚, 𝟑𝟎 𝐉𝐮𝐥𝐥𝐮 𝟐𝟎𝟐𝟔

𝐄𝐱𝐞𝐥é𝐧𝐬𝐢𝐚 Prezidente Autoridade Munisipál Lautém nu’udar Prezidente Konsellu Koordenasaun Munisipál (KKM) 𝐒𝐫. 𝐌é𝐥𝐢𝐨 𝐝𝐞 𝐉𝐞𝐬𝐮𝐬 𝐒𝐇 konvoka sorumutu ida ho membru Konsellu Koordenasaun Munisipál sira hodi diskute, nune’e atu fó aprovasaun ba ajenda orden traballu no halo Apresiasaun ba Distribuisaun Tetu Orsamentu Geral Estadu (OGE) 2027 no halo identifikasaun Planu Asaun Annual (PAA) 2027 ne’ebé aliña iha Programa Polítika Governu nian, sorumutu KKM ne’e hala’o iha Salaun Administrasaun Autoridade Munisipál Lautém.

Antes tama diskusaun Ajenda orden traballu, 𝐄𝐱𝐞𝐥é𝐧𝐬𝐢𝐚 Prezidente Konsellu Koordenasaun Munisipál fó tempu ba membru Konsellu Koordenasaun Munisipál sira atu hato’o proposta, rekomendasaun no ajenda relasiona ho periode sesaun orden traballu nune’e bele diskute iha KKM, maibé iha de’it Diretor Servisu Munisipál Agrikultura hato’o rekomendasaun oinsá atu halo diskusaun uluk ba ajenda tetu OGE antes distribui ba kada Diresaun, maibé Prezidente Konsellu Koordenasaun Munisipál konsidera ba rekomendasaun no sei la tama ba iha ajenda orden traballu.

Saudasaun no Abertura konvoka sorumutu Konsellu Koordenasaun Munisipál iha intervensaun 𝐄𝐱𝐞𝐥é𝐧𝐬𝐢𝐚 Prezidente Autoridade Munisipál Lautém nu’udar Prezidente Konsellu Koordenasaun Munisipál 𝐒𝐫. 𝐌é𝐥𝐢𝐨 𝐝𝐞 𝐉𝐞𝐬𝐮𝐬 𝐒𝐇 hateten Autoridade Munisipál Lautém hala’o reuniaun Konsellu Koordenasaun Munisipál (KKM) ne’ebé iha ajenda sesaun orden traballu rua ne’ebé importante atu halo diskute, tanba Nonu Governu hala’o ona mudansa ba Orsamentu Jeral Estadu (OGE) 2027 nian.

Lider másimu iha Munisípiu informa ba rezultadu reuniaun Jornada Orsamentu iha Ministériu Finansas ne’ebé lidera husi Sua Exelénsia Primeiru Ministru (PM-RDTL) 𝐊𝐚𝐲 𝐑𝐚𝐥𝐚 𝐗𝐚𝐧𝐚𝐧𝐚 𝐆𝐮𝐬𝐦ã𝐨 katak Governo halo aprezentasaun ba mudansa ba sistema finanseiru relasiona ho OGE 2026 hodi tau prioridade durante tinan 2 nia laran, tanba Komisaun Revizaun Orsamentu (KRO) muda fali ona ba Komisaun Revizaun Polítika (KRP), hodi tau prioridade ba OGE ne’ebé tuir nesesidade ne’ebé importante, nune’e Autoridade Munisípiu Lautém simu dokumentu rua husi Ministériu das Finansas no Prezidente KRP mak ohin loron Autoridade Munisípiu halo reuniaun KKM hodi bele hetan apresiasaun husi membru KKM tomak antes Autoridade Munisipál submete ba iha MAE no MF.

Aleinde ne’e 𝐄𝐱𝐞𝐥é𝐧𝐬𝐢𝐚 Prezidente Autoridade Munisipál Lautém salienta hodi introdús kona-ba reuniaun Konsellu Ministru (KM) ne’ebé deside liu husi dekretu Governu ba instituisaun estadu sira sei laiha tan rekrutamentu funsionáriu permanente, ajente públiku no kontratasaun ka kazuais ba tinan oin.

Enkontru Konsellu Koordenasaun Munisipál hanesan órgaun apoiu 𝐄𝐱𝐞𝐥é𝐧𝐬𝐢𝐚 Prezidente Autoridade Munisipál hodi koordena, delibera, analiza no aprova atividade Administrasaun lokál estadu nian, nune’e ajenda orden traballu nian iha KKM mak hanesan Apresiasaun ba Distribuisaun Tetu Orsamentu Geral Estadu (OGE) 2027 no Programa Polítika Governu nian.

Enkuantu membru sira ne’ebé envolve iha Konsellu Koordenasaun Munisipál mak mai husi Diretor/a Servisu Munisipál, Diretora/a Delegasaun Teritorial, Administrador Postu Administrativu 6 iha Munisípiu Lautém no Xefe Suku Suku reprezenta kada Postu Administrativu 6 iha Munisípiu Lautém.

Média PAM-Lautém