𝐋𝐨𝐬𝐩𝐚𝐥𝐨𝐬, 𝐓𝐞𝐫𝐬𝐚-𝐟𝐞𝐢𝐫𝐚, 𝟐𝟖 𝐉𝐮𝐥𝐥𝐮 𝟐𝟎𝟐𝟔

Institutu Nasionál ba Siénsia no Teknolojia (INCT, sigla iha portugés), hamutuk ho Investigador Prinsipal Nasional no Internasionál, hala’o enkontru ho reprezentante Prezidente Autoridade Munisípiu Lautém, Sekretáriu Munisípiu Administrasaun no Finansas 𝐒𝐫. 𝐙𝐞𝐟𝐞𝐫𝐢𝐧𝐨 𝐃𝐨𝐬 𝐒𝐚𝐧𝐭𝐨𝐬 𝐒𝐞𝐪𝐮𝐞𝐢𝐫𝐚, hodi dikute kona-ba rekolla dadus liu husi projetu Peskiza Sientifika Ekonómia Azul iha Illa Jaco, Praia Valu-Sere no Praia Com, enkontru ne’e hala’o iha Sala VIP Administrasaun Autoridade Munisipál Lautém.

Institutu Nasionál ba Siénsia no Teknolojia (INCT, sigla iha portugés), ho Universidade Udayana Bali, foku liu ba Ekonomia Azul, kona-ba rute turizmu, ne’ebé identifika Munisípiu Lautém, Díli, Oe-Cussi no Atauro, tanba peskiza ida ne’e husi Governu ne’ebé kolabora ho INCT no Universidade Udayana Bali, ne’ebé ho nia peritu sira husi Prof. Dr. Drs. I Nyoman Sunarta, Ir. Moh. Saifulloh.

Munisípiu Lautém sei foku ba Illa Jaco, Valu-Sere no Com, tanba define ona Munisípiu Lautém sai alvu ba peskiza ba Economia Azúl liuliu ba Tursimu Marina nian.

Atividade peskiza ida-ne’e, hala’o nu’udar parte husi peskiza ho tema “International Study on ASEAN Maritime Tourism Route Development in Timor-Leste”, ho objetivu atu rekolla dadus no informasaun relevante, hodi identifika no mapea potensiál turístiku sira, ne’ebé liga ho setór marítimu iha Timor-Leste. Peskiza ne’e inklui área mariña, no eventu sira ne’ebé iha poténsia atu kontribui ba promosaun no dezenvolvimentu destinasaun turístiku marítima iha Timor-Leste.

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢