𝐋𝐨𝐬𝐩𝐚𝐥𝐨𝐬, 𝐒𝐞𝐠𝐮𝐧𝐝𝐚-𝐟𝐞𝐢𝐫𝐚, 𝟑 𝐅𝐞𝐯𝐞𝐫𝐞𝐢𝐫𝐮 𝟐𝟎𝟐𝟓

Secretáriu Munisipál Administrasaun no Finansa, 𝐒𝐫. 𝐅𝐫𝐚𝐧𝐜𝐢𝐬𝐜𝐨 𝐝𝐨𝐬 𝐒𝐚𝐧𝐭𝐨𝐬, reprezenta Prezidente Autoridade Munisipál Lautém, sai inspetór ba Serimónia Içar Bandeira Nasionál ba Semana dahuluk fulan Fevereiru nian, ne’ebe responsavel husi MInistério Interior liu husi Autoridade Protesaun Civil (APC) Munisípiu Lautém no Corpo Bombeiros Munisípiu Lautém, ne’ebé hala’o iha resintu Administrasaun Autoridade Munisipál Lautém.

Iha intervensaun, Secretáriu Munisipál Administrasaun no Finansas, 𝐒𝐫. 𝐅𝐫𝐚𝐧𝐜𝐢𝐬𝐜𝐨 𝐝𝐨𝐬 𝐒𝐚𝐧𝐭𝐨𝐬, iha ambitu serimónia Içar bandeira Nasionál, informa ba  Diretor Servisu Munisipál no Delegasaun Teritorial sira hotu, fulan Marsu tinan ida ne’e, ita iha atividade importante rua, mak hanesan vizitasaun husi 𝗦𝘂𝗮.𝗘𝘀𝗲𝗹é𝗻𝘀𝗶𝗮, 𝗣𝗿𝗶𝗺𝗲𝗶𝗿𝗼 𝗠𝗶𝗻𝗶𝘀𝘁𝗿𝗼 (𝗣𝗠-𝗥𝗗𝗧𝗟) 𝗞𝗮𝘆 𝗥𝗮𝗹𝗮 𝗫𝗮𝗻𝗮𝗻𝗮 𝗚𝘂𝘀𝗺ã𝗼, nune’e mós husi Ministério Negósiu Estranjéiru no Kooperasaun, sei mai iha Munisípiu Lautém hodi halo sosializasaun ba iha kada eskola sira, tanba ne’e husu ba Diretor Servisu Munisipál no Delegasaun Teritorial sira prepara dadus ba atividade sira ne’ebé durante ne’e hala’o.

Kona-ba Vestuariu, Secretáriu Munisipál Administrasaun no Finansas husu ba Funsionáriu sira presiza hatene Lei Funsaun Publika nian, tanba durante observasaun funsionáriu maioria mak la halo tuir regra funsionáriu nian, hahú iha loron Segunda-feira to’o Kinta-feira, tanba ida ne’e hahú husi Diretor to’o funsionáriu kazuais sira, tenke respeita Lei funsaun Publika nian.

𝙍𝙚𝙢𝙖𝙩𝙖

𝙈é𝙙𝙞𝙖 𝘼𝙈-𝙇𝙖𝙪𝙩é𝙢