𝐋𝐨𝐬𝐩𝐚𝐥𝐨𝐬, 𝐒𝐞𝐠𝐮𝐧𝐝𝐚-𝐟𝐞𝐢𝐫𝐚, 𝟑 𝐅𝐞𝐯𝐞𝐫𝐞𝐢𝐫𝐮 𝟐𝟎𝟐𝟓

Autoridade Munisipál Lautém ofisialmente Asina akordu ho Ekipa Jestaun Programa Merenda Eskolar, objetivu estabelese akordu ida ne’e, atu implementa Merenda Eskolar iha tinan 2025, ba Eskola Bázika Central (EBC) hamutuk 17, Eskola Báziku Filial hamutuk 65 no Pre-Eskolar hamutuk 48 iha Munisípiu Lautém, asina akordu hala’o iha Salaun Administrasaun Autoridade Munisipál Lautém.

Iha intervensaun, Secretáriu Munisipál Administrasaun no Finansas, reprezenta Prezidente Autoridade Munisipál Lautém, 𝐒𝐫. 𝐅𝐫𝐚𝐧𝐜𝐢𝐬𝐜𝐨 𝐝𝐨𝐬 𝐒𝐚𝐧𝐭𝐨𝐬, hateten, Autoridade Munisipál Lautém hahú halo asina akordu ho Ekipa Jestaun Programa Merenda Eskolar iha Munisípiu Lautém atu nune’e bele implementa ona Merenda Eskolar iha Kada Eskola sira iha Munisípiu Lautém.

Nia esplika, Programa Merenda Eskolar ida ne’e jere husi Autoridade Munisipál Lautém liu husi Servisu Munisipál Edukasaun to’o Ekipa Jestaun Programa (EJP), ne’ebé envolve husi Xefe Suku no Administrador Postu sira, atu nune’e iha hotu responsabilidade hodi bele tau matan ba programa ida ne’e.

Informa ba Administrador Postu sira no Xefe Suku sira, atu bele kontrola ba menu sira ne’ebé Ekipa Jestaun Programa sira prepara ba estudante sira, liuliu ba hahán husi produtu lokál sira nebe iha munisipiu, ho ida ne’e Ministériu Edukasaun introdús programa ida ne’e fó ba Autoridade Munisipál hodi bele kontrola didi’ak.

Programa Merenda Eskolar ne’ebé tutela mai iha Prezidente Autoridade Munisipál Lautém, hanesan programa ne’ebé importante, mai husi Ministériu Edukasaun, programa ida ne’e instala iha Munisípiu atu sai responsabilidade, husi Xefe Suku, Diretor Eskola, Ekpa Jestaun Programa Merenda Eskolar, husi Autoridade Munisipál bele tau matan ba programa ida ne’e.

Enkuantu iha tinan 2025, Ministériu Edukasaun Aloka Orsamentu hamutuk Miliaun $. 1.681.534.00 ba Merenda Eskolar iha Munisípiu Lautém.

𝙍𝙚𝙢𝙖𝙩𝙖

(𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢)