𝐋𝐚𝐮𝐭é𝐦, 𝐊𝐢𝐧𝐭𝐚-𝐟𝐞𝐢𝐫𝐚, 𝟏𝟑 𝐅𝐞𝐯𝐞𝐫𝐞𝐢𝐫𝐮 𝟐𝟎𝟐𝟓

Secretáriu Munisipál Administrasaun no Finansas, reprezenta Prezidente Autoridade Munisipál Lautém, 𝐒𝐫. 𝐅𝐫𝐚𝐧𝐜𝐢𝐬𝐜𝐨 𝐝𝐨𝐬 𝐒𝐚𝐧𝐭𝐨𝐬, ne’ebé akompaña ho Diretor Servisu Munisipál Obras Públika Munisípiu Lautém, Diretora Servisu Munisipál Rejistu Notariadu no Servisu Cadastrais, Diretor Servisu Munisipál Jestaun Merkadu no Turísmu, partisipa sosializasaun kona-ba atividade Prospesaun no Peskiza ba Fatuk Kalkáriu, atividade ne’e organiza husi Autoridade Nasionál Minerais (ANM), ne’ebé hala’o resintu Suku Parlamento, Postu Administrativu Lautém, Munisípiu Lautém.

Reprezenta Prezidente Autoridade Munisipál Lautém, 𝐒𝐫. 𝐅𝐫𝐚𝐧𝐜𝐢𝐬𝐜𝐨 𝐝𝐨𝐬 𝐒𝐚𝐧𝐭𝐨𝐬, husu Komunidade Suku iha Parlamentu bainhira kompañia ne’e mai halo ninia atividade tenke koopera, tanba peskiza ne’e afeta mós ba plantasaun komunidade sira nian, tanba ida ne’e presiza koopera atu nune’e Kompañia SIIC bele hala’o ninia servisu peskiza ba Fatuk Kalkáriu.

Prezidente Autortoridade Nasionál Mineirus, 𝐒𝐫. 𝐑𝐚𝐟𝐚𝐞𝐥 𝐝𝐞 𝐀𝐫𝐚𝐮𝐣𝐨, argumenta, iha Munisípiu Lautém maioria Fatuk Kalkáriu nia leten, maibé interese husi investimentu mak investidór eskolla no hili Suku Parlamento sai hanesan fatin prospesaun no peskiza Fatin Kalkáriu nune’e bainhira iha rezultadu hatudu di’ak, empreza refere sei investe fatuk Kalkáriu ba prodús sementi.

Enkuantu, iha fulan ida ne’e, Governu sei emite lisensa Prospesaun no Peskiza, nune’e kompañia refere sei hahú atividade iha fulan Marsu nia laran, investór sira komesa halo atividade Prospesaun no Peskiza durasaun tinan 2 no 3.

𝙍𝙚𝙢𝙖𝙩𝙖

(𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢)