𝐋𝐨𝐬𝐩𝐚𝐥𝐨𝐬. 𝐊𝐮𝐚𝐫𝐭𝐚-𝐟𝐞𝐢𝐫𝐚, 𝟏𝟐 𝐅𝐞𝐯𝐞𝐫𝐞𝐢𝐫𝐮 𝟐𝟎𝟐𝟓

Ministériu Administrasaun Estatal, (MAE) hamutuk ho Autoridade Munisipál Lautém, distribui  ekipamentus eletróniku Komputador hamutuk unidade 34 ba Xefe Suku sira, nune’e bele atende servisu Estadu nian liuliu ba relatóriu kada Suku, atividade distribuisaun ne’e iha Salaun Administrasaun Autoridade Munisipál Lautém.

Iha intervensaun, Sekretáriu Munisipál Asuntus Sosiais no Organizasaun Komunitária, reprezenta Prezidente Autoridade Munisipál Lautém, 𝐒𝐫. 𝐙𝐞𝐟𝐞𝐫𝐢𝐧𝐨 𝐝𝐨𝐬 𝐒𝐚𝐧𝐭𝐨𝐬 𝐒𝐞𝐪𝐮𝐞𝐢𝐫𝐚, hateten, durante ne’e lakunas ne’ebé Suku sira enfrenta mak kestaun relatóriu tarde no Dados ba Portal Municipal ne’ebe sempre submete tarde ba Munisipiu ho  nune’e Nonu Governu Konstituisioál liu husi MAE fasilita komputadór ba Xefe Suku sira hodi bele aselera Servisu iha Suku sira. Informa mos ba Xefe Suku sira atu utiliza ekipamentu sira ne’e ho kuidadu no responsabilidade, hodi kontrola no responsabilidade, tanba ekipamentu sira ne’e patrimóniu Estadu nian, hodi serví fila-fali Povu nia nesesidade, bainhira husu apoiu.

Iha fatin ne’ebé hanesan, Exselensia Diretor Jerál Desentralizasaun no Governu Lokál, 𝐒𝐫. 𝐀𝐧𝐭𝐨𝐧𝐢𝐨 𝐀𝐮𝐠𝐮𝐬𝐭𝐮 𝐆𝐮𝐭𝐞𝐫𝐞𝐬, hatutan, Xefe Suku sira merese atu hetan Komputador, tanba Xefe Suku sira mak kada loron iha baze foti dadus ba komunidade sira nian, atu bele submete mai iha Postu to’o mai iha Munisípiu atu tau iha Portal Munisipál, tanba ida ne’e Nonu Governu Konstituisional liu husi Ministériu Administrasaun Estatal, sosa ho orsamentu Jerál Estadu 2024 nian, ba komputadór sira hodi fasilita Xefe Suku sira, tanba tinan ida ne’e atu implementa sistema dijitál to’o iha nivel Suku.

𝙍𝙚𝙢𝙖𝙩𝙖

𝙈é𝙙𝙞𝙖 𝘼𝙈-𝙇𝙖𝙪𝙩é𝙢