𝐋𝐨𝐬𝐩𝐚𝐥𝐨𝐬, 𝐊𝐮𝐚𝐫𝐭𝐚-𝐟𝐞𝐢𝐫𝐚, 𝟏𝟐 𝐌𝐚𝐫𝐬𝐮 𝟐𝟎𝟐𝟓 Ekipa husi Instituisaun Estadu, hanesan Komisaun Funsaun Públika (KFP), Komisaun Anti Korupsaun (KAK), Institutu Gestaun Ekipamentus (IGE), no Patrimonia Estado (DJPPE) husi Ministériu Finansas (MF), hala’o vizita surpreza ida ba Instituisaun Estadu ne’ebé hala’o knaar iha Munisípiu Lautém.

Lider másimu iha Munisípiu Lautém, mensiona, mekanizmu ida ne’e mak tenke implementa iha Instituisaun Estadu sira hotu, atu nune’e bele avalia funsionáriu sira iha kada servisu fatin, oinsá sira atu fó atendimentu ba públiku ba iha komunidade sira.

Iha intevista, 𝐒𝐮𝐚.𝐄𝐬𝐞𝐥é𝐧𝐬𝐢𝐚 Prezidente Autoridade Munisipál Lautém, 𝐒𝐫. 𝐌é𝐥𝐢𝐨 𝐝𝐞 𝐉𝐞𝐬𝐮𝐬, 𝐒𝐇, hateten, nu’udar Prezidente Autoridade Munisipál Lautém, apresia ba vizita surpreza husi ekipa instituisaun estadu sira, Komisaun Funsaun Públika (KFP), Komisaun Anti Korupsaun (KAK), Institutu Gestaun Ekipamentus (IGE), no Patrimonia Estado (DJPPE) husi Ministériu Finansas (MF) sira ne’ebé Xefia husi Funsaun Públika nian mai iha Munisípiu Lautém. Nune’e mós Prezidente Autoridade Munisipál Lautém esplika, Autoridade Munisipiu Lautem iha Diresaun Servisu Munisipál hamutuk 19, maibé agora dadaun eziste hamutuk 18 inklui Servisu Delegasaun Teritorial ne’ebé eziste iha Munisípiu Lautém. Difikuldade ne’ebé Autoridade Munisipál Lautém enfrenta mak forsa traballu hanesan Rekursu Umanu”.

Iha fatin ne’ebé hanesan, Comisário Asunto Disiplinar husi 𝐂𝐨𝐦𝐢𝐬á𝐫𝐢𝐨 𝐀𝐬𝐮𝐧𝐭𝐨 𝐃𝐢𝐬𝐢𝐩𝐥𝐢𝐧𝐚𝐫 𝐡𝐮𝐬𝐢 𝐂𝐨𝐦𝐢𝐬𝐚𝐮𝐧 𝐅𝐮𝐧𝐬𝐚𝐮𝐧 𝐏ú𝐛𝐥𝐢𝐤𝐚 (𝐂𝐅𝐏), 𝐒𝐫. 𝐀𝐠𝐚𝐩𝐢𝐭𝐨 𝐝𝐚 𝐂𝐨𝐧𝐜𝐞𝐢çã𝐨, hatutan, objetivu husi vizita surpreza ba instituisaun Estadu sira ne’e orientasaun husi S.E. Primeiru Ministru atu halo monitorizasaun no kontrola funsionalizmu públiku sira iha Nasional no Munisipál atu haree lala’ok servisu ne’ebé funsionáriu sira iha Munisípiu Lautém.

Ekipa integradu haat ne’e iha responsavel ida-idak, KFP kontrola kona-ba funsionalizmu públiku iha administrasaun públika nian, iha fasilidade ka materiál ruma mak falta KFP sei rekomenda ba instituisaun relevante hodi instituisaun bele hala’o kontrolu interna ho adekuadu ba funsionáriu sira.

𝙍𝙚𝙢𝙖𝙩𝙖

(𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢)