𝐋𝐚𝐮𝐭é𝐦, 𝐓𝐞𝐫𝐬𝐚-𝐟𝐞𝐢𝐫𝐚, 𝟏𝟏 𝐌𝐚𝐫𝐬𝐮 𝟐𝟎𝟐𝟓.

Sua.Eselénsia, Prezidente Autoridade Munisipál Lautém (PAM-Lautem), 𝐒𝐫. 𝐌é𝐥𝐢𝐨 𝐝𝐞 𝐉𝐞𝐬𝐮𝐬, 𝐒𝐇, akompaña ho Diretor/a Servisu Munisipál no Xefe Departamentu sira partisipa serimónia atribuisaun ba lisensiamentu prospesaun no Peskiza Minerais non Metaliku ba Kompaña Internasional Singapure Infrastructure Investiment and Construction (SIIC), Unipessoal, Lda, hodi hala’o peskiza iha Suku 5 ne’ebé pretense iha Postu Administrativu Lautém, atribuisaun lisensiamentu ne’e ofisialmente husi Vise-Primeiro Ministro, Ministro Koordenador dos Assuntu Sosiais no Ministru Dezenvolvimentu Rural no Habitasaun Komunitária, atividade ne’e organiza husi Ministro Petroleo Rekursu Minerais (MPRM) liu husi Autoridade Nasionál Minerais, Institutu Públiku (ANM,I.P) ne’ebé hala’o iha area dores Suku Parlamentu, Postu Lautém, Munisípiu Lautém.

Iha intervensaun, Prezidente Autoridade Munisipál Lautém, 𝐒𝐫. 𝐌é𝐥𝐢𝐨 𝐝𝐞 𝐉𝐞𝐬𝐮𝐬, 𝐒𝐇, hateten, Munisípiu Lautém, marka dala ida tan ba historia foun, tanba Ministériu Petroleo Rekursus Minerais, liu husi Autoridade Nasionál Minerais, hala’o atividade serimónia atribuisaun ba lisensiamentu prospesaun no Peskiza Minerais non Metaliku ba Kompaña Internasional Singapure Infrastructure Investiment and Construction (SIIC), Unipessoal, Lda, hodi hala’o peskiza iha Suku 5 ne’ebé pretense iha Postu Administrativu Lautém.

Iha biban ne’e, Prezidente Autoridade Munisipál Lautém, konvida Povu Munisípiu Lautém tomak espesiál ba komunidade sira husi Postu Administrativu Lautém no Lospalos, atu koordena nafatin ho Governu liu husi Ministériu Petroleo Rekursu no Minerais (MPRM, hodi hala’o dezenvolvimentu kopna-ba peskiza iha postu refere, nune’e bele kria dezenvolvimentu ida ne’ebé halo konstrusaun estadu no konstrusaun nasaun iha Munisípiu Lautém.

Lider másimu iha Munisípiu Lautém mós hateten iha ambitu serimónia atribuisaun ba lisensiamentu katak, durante mandatu nu’udar Prezidente Autoridade Munisipál Lautém, sei la konkorda ba kualker komunidade sira atu impede dezenvolvimentu ne’ebé sei mai iha Munisípiu Lautém, tanba 𝐏𝐫𝐢𝐦𝐞𝐢𝐫𝐨 𝐌𝐢𝐧𝐢𝐬𝐭𝐫𝐨 (𝐏𝐌-𝐑𝐃𝐓𝐋) 𝐊𝐚𝐲 𝐑𝐚𝐥𝐚 𝐗𝐚𝐧𝐚𝐧𝐚 𝐆𝐮𝐬𝐦ã𝐨 ko’alia ona iha primeiro lansamentu iha loron 26 Marsu 2024 katak, dezenvolvimentu hahú husi Munisípiu Lautém.

Tanba ida ne’e, husu komunidade sira atu koopera ho Governu, tanba Governu iha planu no programa kona-ba dezenvolvimentu nian ba tinan ida ne’e ba oin, nune’e bainhira Governu halo dezenvolvimentu ne’e di’ak ba Povu tomak, atu nune’e bele atinje mehi ne’ebé martir sira iha durante luta tinan 24 nia laran mak atu liberta povu husi ki’ak no mukit.

Iha fatin ne’ebé hanesan 𝐒𝐮𝐚 𝐄𝐬𝐞𝐥é𝐧𝐬𝐢𝐚, 𝐌𝐢𝐧𝐢𝐬𝐭𝐫𝐮 𝐏𝐞𝐭𝐫𝐨𝐥𝐞𝐮 𝐑𝐞𝐜𝐮𝐬𝐮𝐬 𝐌𝐢𝐧𝐞𝐫𝐚𝐢𝐬 (𝐌𝐏𝐑𝐌), 𝐅𝐫𝐚𝐧𝐜𝐢𝐬𝐜𝐨 𝐝𝐚 𝐂𝐨𝐬𝐭𝐚 𝐌𝐨𝐧𝐭𝐞𝐢𝐫𝐨, agradese no apresia ba Kompaña Internasionál Singapure Infrastructure Investiment and Construction (SIIC), Unipessoal, Lda, tanba kompaña refere hetan ona lisensa ida, nune’e mós agradese tanba kompaña ne’e hili Timor-Leste espesial iha Munisípiu Lautém Postu Lautém Suku Parlamentu hodi halo investimentu.

Programa ida ne’e Nonu Governu Konstituisionál ne’ebé lideradu husi 𝐏𝐫𝐢𝐦𝐞𝐢𝐫𝐨 𝐌𝐢𝐧𝐢𝐬𝐭𝐫𝐨 (𝐏𝐌-𝐑𝐃𝐓𝐋) 𝐊𝐚𝐲 𝐑𝐚𝐥𝐚 𝐗𝐚𝐧𝐚𝐧𝐚 𝐆𝐮𝐬𝐦ã𝐨, akresenta durante tinan 5 nia laran tau importansia liu ba dezenvolvimentu ekonomia.

Objetivu esplorasaun ida ne’e iha futuru Dezenvolvimentu sira ne’e la’o nia bele kontribui ba ita nia kriasaun ba kampu traballu ba jerasaun foun sira.

𝙍𝙚𝙢𝙖𝙩𝙖

(𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢)