𝐋𝐨𝐬𝐩𝐚𝐥𝐨𝐬, 𝐒𝐞𝐠𝐮𝐧𝐝𝐚-𝐟𝐞𝐢𝐫𝐚, 𝟕 𝐀𝐛𝐫𝐢𝐥 𝟐𝟎𝟐𝟓

𝐒𝐮𝐚.𝐄𝐬𝐞𝐥é𝐧𝐬𝐢𝐚, Prezidente Autoridade Munisipál Lautém, 𝐒𝐫. 𝐌é𝐥𝐢𝐨 𝐝𝐞 𝐉𝐞𝐬𝐮𝐬, 𝐒𝐇, prezide Serimónia Içar Bandeira Nasionál Repúblika Demokrátika de Timor-Leste (RDTL), ba semana dahuluk fulan Abril nian, serimónia Içar Bandeira Nasionál responsabiliza husi Diresaun Servisu Munisipál Agrikultura no Diresaun Servisu Munisipál Seguransa Alimentar, ne’ebé hala’o iha resintu Administrasaun Autoridade Munisipál Lautém.

Durante iha ámbitu serimónia Içar Bandeira Nasionál, Prezidente Autoridade Munisipál Lautém enkoraja no husu funsionáriu sira hotu, kontinua hatudu prestasaun servisu ne’ebé di’ak no responsabilidade, Disiplina, Honestu, Loial no  Obidensia, tanba papél funsionáriu públiku atu serví Estadu no Povu, nune’e mós presiza iha lina koordenasaun servisu ne’ebé di’ak, atu nune’e bele hadi’a servisu balun ne’ebé sei iha no kontinua servisu ne’ebé iha, hodi mellora serví Povu espesiál rai Munisípiu Lautém.

Iha diskursu, Sua.Eselénsia, Prezidente Autoridade Munisipál Lautém, 𝐒𝐫. 𝐌é𝐥𝐢𝐨 𝐝𝐞 𝐉𝐞𝐬𝐮𝐬, 𝐒𝐇, enkoraja ba Funsionáriu sira hotu, nafatin hatudu prestasaun servisu ne’ebé di’ak, tenke servisu ho Disiplina, Honestu, Loial, Obidensia no responsabilidade, tanba papél funsionáriu Publiku nian mak atu serví liu ita nia atendimentu públiku.

Prezidente Autoridade Munisipál Lautém, hateten, Autoridade Munisipál Lautém nafatin hafanu funsionáriu sira atu serví ita-nia povu iha koletivu no kolejial, atu labele hodi interese ida-idak nian hodi kahur ho servidor estadu nian, atu nune’e ita serví ita-nia povu no nasaun espesiál iha Munisípiu Lautém.

Tanba ida ne’e Administrasaun Autoridade Munisipál Lautém, hala’o serimónia Içar bandeira Nasionál, tanba tuir dekretu Governu nian kada fulan ba semana dahulukk ita hala’o Serimonia Icar Bandeira hodi fó presta no homeanajen ba asuwa’in sira ne’ebé mate ba rai ida ne’e, hodi rai ne’e sai Liberdade no Independente.

Nu’udar Prezidente Autoridade Munisipál Lautém, hahú husi Prezidente Autoridade Munisipál Lautém no Secretáriu Munisipál to’o Diretor Servisu Munisipál hamutuk na’in 16, kompleta ona tinan ida fulan ida, hodi asumi papél no responsabilidade nu’udar servidór estadu no Povu espesiál iha Munisípiu Lautém, servisu balun komesa hala’o ona no servisu balun ita presiza atu hadi’a no buat balun ita tenke kontinua.

Iha oportunidade ida ne’e mós, Prezidente Autoridade Munisipál Lautém husu Sekretáriu Munisipál Administrasaun no Finansas no Diretor Servisu Munisipál Administrasaun Rekursus Umanu, atu hato’o ba iha Diresaun Servisu Munisipál sira hotu, hodi hato’o sira nia atividade no planu kada fulan nian, nune’e Prezidente Autoridade Munisipál Lautém bele kontrola durante iha fulan ida nia laran, ida ne’e hanesan sasukat ida ba dezempeñu servisu, atu nune’e bele orienta Diretor Servisu Munisipál Fiskalizasaun kumpre nia papél hodi bele halo fiskaliza ba kada servisu Munisipál.

Tinan ida ne’e ita tama ona ba tinan 50 ba Independénsia Nasionál nian, nune’e iha loron boot ida ne’e instrusaun husi Sua.Eselénsia Primeiru Ministru (PM-RDTL) Kay Rala Xanana Gusmão, ne’ebé iha tenke selebra loron boot ida ne’e tenke di’ak.

𝙍𝙚𝙢𝙖𝙩a

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢