𝐋𝐨𝐬𝐩𝐚𝐥𝐨𝐬, 𝐒𝐞𝐠𝐮𝐧𝐝𝐚-𝐟𝐞𝐢𝐫𝐚, 𝟕 𝐀𝐛𝐫𝐢𝐥 𝟐𝟎𝟐𝟓

𝐒𝐮𝐚.𝐄𝐬𝐞𝐥é𝐧𝐬𝐢𝐚,, Prezidente Autoridade Munisipál Lautém nu’udar Prezidente Konsellu Konsultivu Munisipál (KKM) 𝐒𝐫. 𝐌é𝐥𝐢𝐨 𝐝𝐞 𝐉𝐞𝐬𝐮𝐬, 𝐒𝐇, konvoka reuniaun sorumutu Konsellu Konsultivu Munisipál ho membru KKM sira, hodi deside no fó apresiasaun ba Planu Investimentu Munisipál (PIM) 2026 nian, tanba tuir kalendáriu ne’ebé mai husi Ministériu Finansas atu submete Planu Asaun Anual iha loron 21 Abril 2025, liu husi Ministériu Administrasaun Estatal, enkontru ne’e hala’o iha Salaun Administrasaun Autoridade Munisipál Lautém.

Durante iha diskusaun reuniaun sorumutu Konsellu Konsultivu Munisipál (KKM) membru KKM fó apresiasaun ba Planu Investimentu Munisipál (PIM) 2026 ho Votus A-Favor (31) Abstensaun (0) no Kontra (0) ne’ebé projetu PIM 2026 pasa ho Unanimidade.

Proposta primeiru ne’ebé aprezenta husi Xefe Suku Mehara kona-ba aprezentasaun projetu PNDS nian ba 2026 ne’ebé hetan aprovasaun husi membru KKM ho votus A-Favor (31) Kontra (0) Abstensaun (1). hodi delibera ba ajenda traballu atu halo apresiasaun no diskusaun.

Segundu proposta ne’ebé aprezenta husi Prezidente Autoridade Munisipál Lautém nu’udar Prezidente Konsellu Konsultivu kona-ba lista fundus infraestrutura, ne’ebé hetan aprovasaun husi membru KKM ho votus A-Favor (31) Abstensaun (0) Kontra (0) hodi delibera ba iha sesaun ordem traballu, nune’e proposta refere tama ba ajenda Ordem Traballu hodi halo diskusaun antes fó apresiasaun.

Proposta nafatin husi Xefe Suku Mehara kona-ba aprezentasaun no aprovasaun ba arolamentu lista 62 iha Postu Administrativu Tutuala, ne’ebé hetan aprovasaun husi membru KKM ho Votus A-Favor (31) Kontra (0) no Abstensaun (1) ajenda no proposta refere delibera ba iha orden sesaun traballu nian hodi bele hetan diskusaun no apresiasaun.

Nune’e antes atu tama ba diskusaun ba ajenda, Prezidente Autoridade Munisipál Lautém husu Diretor Servisu Munisipál Finansas (MF) Munisípiu Lautém aprezenta Ezekusaun Orsamentu tinan 2025, Diretor Servisu Munisipál Planu Dezenvolvimentu Integradu Munisipál (PDIM) aprezenta PIM 2026 no Diretor Servisu Munisipál Programa Nasionál Dezenvolvimentu Suku (PNDS) aprezenta ba projetu ho nia orsamentu ba iha Suku 34 iha Munisípiu Lautém membru KKM.

Iha intervensaun, abertura reuniaun sorumutu Konsellu Konsultivu Munisipál, Prezidente Autoridade Munisipál Lautém nu’udar Prezidente Konsellu Konsultivu Munisipál, 𝐒𝐫. 𝐌é𝐥𝐢𝐨 𝐝𝐞 𝐉𝐞𝐬𝐮𝐬, 𝐒𝐇, hateten, iha loron 7 Abril 2025, atu hahú reuniaun Konsellu Konsultivu Munisipál (KKM), iha tinan ida ne’e nia laran, tanba tuir Lei reuniaun Konsellu Konsultivu Munisipál ne’e Autoridade Munisipál bele hala’o kada fulan 6 nia laran.

Tanba ida ne’e, marka prezensa hotu iha ne’e, atu fó apresiasaun ba ita-nia Planu Investimentu Munisipál (PIM) 2026, tanba tuir kalendáriu ne’ebé mai husi Ministériu Finansas (MF) sei submete iha loron 21 Abril 2025, ho ida ne’e mak, Prezidente Autoridade Munisipál Lautém nu’udar Prezidente Konsellu Konsultivu Munisipál konvoka reuniaun sorumutu Konsellu Konsultivu Munisipál (KKM) atu nune’e membru Konsellu Konsultivu Munisipál (KKM), hodi fó apresiasaun ba PIM 2026.

Tanba ida ne’e, Prezidente Autoridade Munisipál Lautém husu ba membru KKM sira nia marka prezensa iha enkontru sorumutu KKM ida ne’e importante tebes, tanba Servisu Munisipál sira no membru Konsellu Koordenasaun Munisipál ne’ebé hatama ona proposta no halo ona aprovasaun no membru Konsellu Konsultivu Munisipál mai hodi fó apresiasaun.

rezidente Autoridade Munisipál Lautém nu’udar Prezidente Konsellu Konsultivu Munisipál apresia ba membru KKM ne’ebé marka prezensa iha reuniaun sorumutu ida ne’e, hodi deside destinu Munisípiu Lautém nian, nune’e Prezidente Autoridade Munisipál Lautém bele defende iha reuniaun Komisaun Revizaun Orsamentu (KRO) 2026 nian.

𝙍𝙚𝙢𝙖𝙩𝙖

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢