𝐋𝐨𝐬𝐩𝐚𝐥𝐨𝐬, 𝐓𝐞𝐫𝐬𝐚-𝐟𝐞𝐢𝐫𝐚, 𝟏 𝐀𝐛𝐫𝐢𝐥 𝟐𝟎𝟐𝟓

𝐒𝐮𝐚.𝐄𝐬𝐞𝐥é𝐧𝐬𝐢𝐚, Prezidente Autoridade Munisipál Lautém nu’udar Prezidente Konsellu Koordenasaun Munisipál, 𝐒𝐫. 𝐌é𝐥𝐢𝐨 𝐝𝐞 𝐉𝐞𝐬𝐮𝐬, 𝐒𝐇, konvoka sorumutu Konsellu Koordenasaun Munisipál hodi fó apresiasaun no aprovasaun ba lista Planu Investimentu Munisipál (PIM) 2026 nian, durante diskusaun ne’e la’o membru Konsellu Koordenasaun Munisipál aprova ona Planu Investimentu Munisipál 2026 ba projetu hamutuk 19 ho votus A-Favor (33) Kontra (1) no Abstensaun (1) ne’ebé atu submete ba iha Ministériu Finansas liu husi Ministériu Administrasaun Estatal, enkontru refere hala’o iha Salaun Administrasaun Autoridade Munisipál Lautém.

Ajenda ne’ebé membru sira hala’o iha ámbitu diskusaun KKM mak, “ Aprovasaun ba Lista PIM 2026,  Partisipasaun Autoridade Munisípiu iha Ámbitu Realizasaun Feira iha Nasionál no Komemorasaun Loron Munidál Ekonómia Azul iha Munisípiu Lautém ”, ne’ebé hetan Votasaun ba ajenda tolu ho votus, A-Favor (34) Kontra (0) Abstensaun (1).

Iha intervista, Sua.Eselénsia, Prezidente Autoridade Munisipál Lautém, 𝐒𝐫. 𝐌é𝐥𝐢𝐨 𝐝𝐞 𝐉𝐞𝐬𝐮𝐬, 𝐒𝐇, hateten, Autoridade Munisipál Lautém, konvoka sorumutu Konsellu Koordenasaun Munisipál ho membru sira, atu halo aprovasaun ba Planu Investimentu Munisipál (PIM) tinan 2026 nian, ne’ebé sei enkaixa ba iha Planu Asaun Annual (PAA) 2026 nian, antes submete ba iha Ministériu Finansas, liu husi Ministériu Administrasaun Estatal (MAE).

Prezidente KKM ne’e haktuir, lista inisiál projetu hamutuk 38, projetu 32 mai husi Postu Administrativu sira no rojetu 6 husi servisu Munisipál no delegasaun territorial sira, maibé iha sorumu nee membru Konsellu Koordenasaun Munisipál, konsidera projetu prioridade hamutuk 19 mak hetan ona aprovasaun. Projetu 19 nee mai husi área, Edukasaun, Saude, Agrikultura no projetu sira seluk, ne’ebé sei fó benefísiu direta ba Povu no bele fó retornu fila-fali mai iha Estadu.

Presidente Autoridade Munisipiu Lautem informa mos ba membru Konsellu Koordenasaun Munisipal kona-ba Partisipasaun Autoridade Munisípiu iha Ámbitu Realizasaun Feira iha Nasionál atu hetan apresiasaun husi membru asembleia munisipal nunee Autoridade Munisipál Lautém hato’o ba komisaun Organizadora ba loron nasionál, tanba komisaun ida ne’e sei responsabiliza feira nasionál reprezenta Munisípiu Lautém, ho ida ne’e husu ba Diretór Servisu Munisipál no Servisu Delegasaun Teritorial sira, prepara dokumentasaun ba atividade kada Servisu Munisipál nian nune’e iha feira atu aprezenta iha nivel nasionál.

Presidente informa mos kona ba, “ Komemorasaun Loron Mundiál Ekonómia Azul no Tasi mós Oseania nian iha Munisípiu Lautém ”, ne’ebe sei realiza iha Munisipiu Lautem.  Kampana Nasional Oseania ne’e, 𝐒𝐮𝐚.𝐄𝐬𝐞𝐥é𝐧𝐬𝐢𝐚, 𝐏𝐫𝐢𝐦𝐞𝐢𝐫𝐮 𝐌𝐢𝐧𝐢𝐬𝐭𝐫𝐮 (𝐏𝐌-𝐑𝐃𝐓𝐋) 𝐊𝐚𝐲 𝐑𝐚𝐥𝐚 𝐗𝐚𝐧𝐚𝐧𝐚 𝐆𝐮𝐬𝐦ã𝐨, mak nu’udar Prezidente ba Kampaña Nasionál Oseania nian no atividade kompañia ba loron nasionál Oseania sei hala’o iha loron 1 to’o loron 8 Junu 2025, ho nune’e, orientasaun husi 𝐒𝐮𝐚.𝐄𝐬𝐞𝐥é𝐧𝐬𝐢𝐚, 𝐏𝐫𝐢𝐦𝐞𝐢𝐫𝐮 𝐌𝐢𝐧𝐢𝐬𝐭𝐫𝐮 (𝐏𝐌) nian katak atividade Kampaña loron nasionál Oseania nian ne’e tenki hetan partisipasaun másimu husi komunidade sira, tanba membru Governu lubuk ida mak envolve direta ba atividade ida ne’e.

Ba atividade Kampaña loron nasionál Oseania, Prezidente Autoridade Munisipál Lautém delega kedas Sekretáriu Munisipál Lautém sai Koordenador jerál ba atividade refere hodi organiza atividade sira, hanesan hamoos tasi ibun, pintura, kuda Ai Oan, karnivál, Turismu Marina, hodi hale’u Illa Jaco nune’e mós loke pameran iha tasi ibun Valu-Sere.

𝙍𝙚𝙢𝙖𝙩𝙖

(𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢)