𝐋𝐚𝐮𝐭é𝐦, 𝐒á𝐛𝐚𝐝𝐮, 𝟏𝟔 𝐀𝐠𝐨𝐬𝐭𝐮 𝟐𝟎𝟐𝟓

Autoridade Munisipál Lautém, liu husi Sekretáriu Munisipál Planeamentu Investimentu no Dezenvolvimentu Integradu (PIDI), 𝐒𝐫. 𝐓𝐢𝐛𝐮𝐫𝐬𝐢𝐨 𝐝𝐨𝐬 𝐒𝐚𝐧𝐭𝐨𝐬, reprezenta Prezidente Autoridade Munisipál Lautém hamutuk ho Chefe Casa Civil, Prezidénsia da Repúblika, 𝐒𝐫𝐚. 𝐉𝐞𝐬𝐮í𝐧𝐚 𝐌𝐚𝐫𝐢𝐚 𝐅𝐞𝐫𝐫𝐞𝐢𝐫𝐚 𝐆𝐨𝐦𝐞𝐬, entrega uma dignu ba oan kiak na’in neen ne’ebe lakon Inan ho Aman iha tinan ida nia laran hodi husik labarik nain neen, moris iha situasaun ne’ebe defisil tebes, entrega uma ne’e iha Suku Serelau, Postu Administrativu Lautém, Munisípiu Lautém.

Alende entrega Uma Dignu, Casa civil Presidente da Republik Timor Leste entrega mós apoiu nesesidade báziku hanesa foos, mina, mantolun no manta, hodi fó tulun ba komunidade ne’ebé Voneravel iha Suku Serelau, programa ne’e organiza hosi Casa Sivil Unidade Servisu Sosiedade Sivíl ba Asuntu Sosiál, ne’ebé hetan proposta Xefe Suku Serelau no hetan resposta hosi Xefe Estadu, José Ramos-Horta kona-ba situasaun oan kiak na’in neen nian, tanba situasaun ne’ebé oan kiak na’in neen hasoru ne’e grave tebes.

Iha intervensaun, reprezentante Prezidente Autoridade Munisipál Lautém, Sekretáriu Munisipál Planeamentu Investimentu no Dezenvolvimentu Integradu (PIDI), 𝐒𝐫. 𝐓𝐢𝐛𝐮𝐫𝐬𝐢𝐨 𝐝𝐨𝐬 𝐒𝐚𝐧𝐭𝐨𝐬, Agradese tebes ba Prezidente da Republika hamutuk ho nia ekipa ne’ebé bele oferese uma dingu ida ba oan kiak na’in neen iha Suku Serelau, Postu Lautem, Munisípiu Lautém. Sente triste tebes, tanba hare kondisaun oan kiak na’in hasoru moris ne’ebe nakonu ho sofremento, tanba sira nia Inan Aman lakon hotu iha mundu, tanba ida ne’e husu ba lider Komunitaria sira iha Suku Serelau kontinua tau matan nafatin oan kiak neen ne’e hodi fó informasaun di’ak ba Autoridade Postu no Munisipal atu kontinua fo assistensia ba Difikuldade ne’ebe mak sira infrenta.

Iha fatin ne’ebé hanesan, Chefe Casa Civil, Prezidénsia da Repúblika, 𝐒𝐫𝐚. 𝐉𝐞𝐬𝐮í𝐧𝐚 𝐌𝐚𝐫𝐢𝐚 𝐅𝐞𝐫𝐫𝐞𝐢𝐫𝐚 𝐆𝐨𝐦𝐞𝐬, hateten, oan kiak sira ne’ebé lakon sira-nia inan-aman tu-tuir malu no husik hela iha kondisaun moris ne’ebé prekáriu tebes, tanba iha mensajen emosionál husi bin boot hodi espresa agradesimentu kle’an ba Prezidente Ramos-Horta, katak nia tenke abandona ninia edukasaun iha nivel superiór hodi tau matan ba ninia alin sira ne’ebe sei ki’ik, entre husi sira nain neen nia alin ida ho defisiénsia Fijiko. “Ami moris iha situasaun ida ne’ebé susar tebes, uma ida-ne’e hanesan esperansa foun ida,” nia hatete, hodi agradese ba Prezidente ho matan wen, tanba fornese ba sira uma ida ne’ebé seguru no loloos.

Husi medida metru 8×7, kuartu 3, sala vizita 1, dapur ida, no hariis fatin ida, ajudu ida ne’e hanesan kompromisu estadu nian hodi proteje nia povu. Iha komprimisiu husi S.E. Presidente da Republika laos deit fo ajuda Uma dignu ba Benefisiario sira maibe sei fo mos Fundus Kiik hodi Loke kios kiik iha Uma Sorin maibé tanba distánsia dook oituan hosi komunidade sira, nune’e Fasilita hodi Sosa Karau Rua hodi fo ba sira hodi bele tau matan no hakiak. Totál orsamentu ba uma ne’e $14,511.00 inklui ona mobiliárius ho sasán dapur nian. Halo hosi funsionáriu badaen Prezidénsia na’in 4 iha tempu fulan 3 nia laran.

Oan kiak na’in 6 ida ne’e lakon sira nia inan no aman la dook malu, sira nia inan hahú lakon iha fulan Junu 2022 no kontinua sira mós lakon sira nia aman iha fulan Dezembru 2023, entre sira na’in ne’e oan primeiru feto mak iha idade boot ho idade 20, ne’ebé durante ne’e sira inan no aman lakon iha sira nia leet hanesan sai tau matan no inan ba oan kiak na’in 5, entre sira na’in 5 ne’e mós oan kiak feto ida mak moras defisiénsia.

Xefe Suku Serelau ho matan wen, hodi konta historia oan kiak na’in neen nia situasaun bainhira Inan Aman husik, bainhira sira nia inan no aman mate hotu, oan kiak na’in 6 ne’e hela nafatin iha uma talin ne’ebé ho kondisaun dodok, maibé oan kiak na’in 6 ne’e pasiénsia hela nafatin maski uma refere la dignu ba sira iha tempu kalan no tempu loron, maibé iha tempu kalan maka ba toba nia maun nia uma no balun ba toba iha tian nia uma no inan ki’ik sira nia uma.

Bainhira sai husi eskola mai uma, alin mane sira hamutuk ho nia maun naran Rozilo ne’ebe organiza nia alin sira ne’e ba tasi ibun hodi halibur fatuk depois tula mai iha Estrada ninin hodi baku ba Kerikil hodi fan hodi hetan osan nune’e sustenta sira moris. Uma ida ne’e la’os de’it fó mahon ba sira, maibé sei sai fatin esperansa nian ba oan kiak na’in 6 sai fatin hakmatek ba sira hodi estuda, fatin atu hateke ba loron aban ne’ebé sei di’ak liu ba loron ohin.

𝙍𝙚𝙢𝙖𝙩𝙖

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢