𝐋𝐨𝐬𝐩𝐚𝐥𝐨𝐬, 𝐓𝐞𝐫𝐬𝐚-𝐟𝐞𝐢𝐫𝐚, 𝟏𝟐 𝐀𝐠𝐨𝐬𝐭𝐨 𝟐𝟎𝟐𝟓

Komisáriu Adjunto Comissão Anti Corrupção (CAC) ba Prevensaun no Sensibilizasaun, Sr. Rosario Araújo hamutuk ho ekipa Especialista Anti Corrupção (EAC) hala’o sensibilizasaun Lei Nu. 7/2020 ba funsionáriu sira liuliu Kargu Xefia, Seitor Privadu no Sosiedade Sivil, tanba sensibilizasaun ida ne’e nu’udar formas ida ba mekanizmu, oinsá bele hasa’e koñesimentu kona-ba Lei Medidas Prevensaun no Kombate Korrupsaun (MPCC) ba ajente públiku no setór privadu sira, sensibilizasaun ne’e abertura husi reprezentante, Prezidente Autoridade Munisipál Lautém, Sekretariu Munisipal ba Asuntu Sosiais no Organizasaun Komunitária (ASOK), ne’ebé hala’o iha Salaun Administrasaun Autoridade Munisipál Lautém.

Iha intervista, reprezentante, Prezidente Autoridade Munisipál Lautém, Sekretariu Munisipal ba Asuntu Sosiais no Organizasaun Komunitária (ASOK), 𝐒𝐫. 𝐙𝐞𝐟𝐞𝐫𝐢𝐧𝐨 𝐝𝐨𝐬 𝐒𝐚𝐧𝐭𝐨𝐬 Sequeira, hateten, Kualker Lei ne’ebé prodús ne’e importante no nia objetivu, espesiál ba CAC, tanba ne’e ohin iha oportunidade tebes ba funsionáriu sira liuliu ba kargu Xefia sira, inklui ba funsionáriu sira ne’ebé servisu iha aprovizionamentu no finansas bele hatene Lei no.7/2020 ko’alia kona-ba medidas prevensaun hodi kombate korrupsaun.

Tanba ida ne’e CAC mai halo sensibilizasaun Lei, oinsá atu halo prevensaun, nune’e hahalok no atividade ne’ebé halo tenke ses husi korrupsaun, tanba sensibilizasaun ida ne’e envolve mós sosiedade sivíl no setór privadu, tanba setór privadu sira maka sai hanesan parseiru estadu no Governu atu halo dezenvolvimentu iha nasaun liuliu iha Munisípiu Lautém.

Tanba ida ne’e reprezentante, Prezidente Autoridade Munisipál Lautém, orienta ona funsionáriu sira ne’ebé partisipa sensibilizasaun ida ne’e, atu akompaña sensibilizasaun ida ne’e to’o remata, bainhira iha sensibilizasaun maka parte balun ladún intende no dúvida ruma tenke husu atu nune’e ekipa CAC bele esplika detallu, nune’e bele komprende lala’ok CAC nian, tanba kada tinan ba kargu Xefia sira liuliu funsionáriu aprovizionamentu no Finansas tenke halo deklarasaun rikusoin iha CAC.

𝙍𝙚𝙢𝙖𝙩𝙖

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢