𝐋𝐨𝐬𝐩𝐚𝐥𝐨𝐬, 𝐊𝐢𝐧𝐭𝐚-𝐟𝐞𝐢𝐫𝐚, 𝟑𝟏 𝐉𝐮𝐥𝐥𝐮 𝟐𝟎𝟐𝟓

𝐒𝐮𝐚.𝐄𝐱𝐞𝐥é𝐧𝐬𝐢𝐚, Prezidente Autoridade Munisipál Lautém, 𝐒𝐫. 𝐌é𝐥𝐢𝐨 𝐝𝐞 𝐉𝐞𝐬𝐮𝐬, 𝐒𝐇, partisipa Serimónia tomada de Posse ba Estrutura Federasaun Multi-Cooperativas (FMC) hamutuk na’in 8, objetivu atu halibur Kooperativa primária sira ne’ebé agora eziste iha Munisípiu Lautém, bele kontribui ba dezenvolvimentu Ekonomia iha Munisípiu Lautém.

Iha diskursu, 𝐒𝐮𝐚.𝐄𝐱𝐞𝐥é𝐧𝐬𝐢𝐚, Prezidente Autoridade Munisipál Lautém, 𝐒𝐫. 𝐌é𝐥𝐢𝐨 𝐝𝐞 𝐉𝐞𝐬𝐮𝐬, 𝐒𝐇, hateten, hamutuk iha okaziaun ida importante ida ne’e, atu partisipa tomada de pose ba estrutura Federasaun Multi-Kooperativa WACU-MISA, ne’ebé sei reprezenta kooperativa sira husi Postu no Suku iha Munisípiu Lautém.

Responsavel másimu iha Munisípiu Lautém sei fó prioridade ba fortalesimentu ekonomia komunitária, espesialmente liu husi abordajen kooperativa, tanba ida ne’e kooperativa la’os de’it mekanizmu ekonomia, maibé ba plataforma inkluzaun, partisipasaun no soberania komunidade ba prosesu dezenvolvimentu.

Nia dehan, iha dezafiu ne’ebé infrenta mak atu asesu ba merkadu, kapitál, teknolojia no merkadoria produtu lokál, maibé estabelesimentu estrutura federasaun WACU-MISA, ita bele hadi’a koordenasaun, partilla esperiénsia, no bele servisu hamutuk ho Autoridade Munisipál, Ministeriu relevante no parseiru dezenvolvimentu sira atu bele hetan solusaun koletiva hodi ultra pasa obstaklu no dezafiu sira iha ohin no tempu sira oin mai.

Funsaun lideransa iha federasaun presiza mai ho vizaun ne’ebé bele mobiliza membru sira, halo advokasia ba diretu kooperativa, no bele halo jestaun transparente no lideransa ne’ebé di’ak hodi organiza kooperativa sira atu halo sentidu pretense, atu fó konfiansa ba membru sira. Tanba ida ne’e Autoridade Munisipál Lautém prontu atu kontinua fó akompañamentu no fasilitasaun ho konformidade atribuisaun ne’ebé Lei fó, tanba daudaun ne’e Autoridade Munisipál Lautém iha prosesu elaborasaun ba revizaun planu estratéjiku Munisípiu Lautém.

𝙍𝙚𝙢𝙖𝙩𝙖

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢