𝗟𝗼𝘀𝗽𝗮𝗹𝗼𝘀, 𝗦𝗲𝘅𝘁𝗮-𝗳𝗲𝗶𝗿𝗮, 𝟭𝟵 𝗦𝗲𝘁𝗲𝗺𝗯𝗿𝘂 𝟮𝟬𝟮𝟱

𝗦𝘂𝗮.𝗘𝘀𝗲𝗹é𝗻𝘀𝗶𝗮, Prezidente Autoridade Munisípiu Lautém, 𝗦𝗿. 𝗠é𝗹𝗶𝗼 𝗱𝗲 𝗝𝗲𝘀𝘂𝘀, 𝗦𝗛, hamutuk ho Sekretáriu Munisipál Planeamentu Investimentu no Dezenvolvimentu Integradu ho Diretor/a Servisu Munisipál no Diretor/a Servisu Delegasaun Teritorial sira, kontinua hala’o Konsultasaun Públiku ba Planu Estratejiku Munisípiu Lautém tinan 2025-2030 ba Komunidade sira iha Postu Administrativu Lospalos Vila, ne’ebé abertura husi Prezidente Autoridade Munisipál Lautém, atividade Konsultasaun ne’e hala’o iha Sentru Kultural Postu Administrativu Lospalos Vila, Munisípiu Lautém.

Objetivu husi Konsultasaun ne’e, oinsá Autoridade Munisipál Lautém bele rona hanoin no ideia hotu husi Sosiedade no Komunidade sira, atu nune’e ekipa elaborador sira no Prezidente Autoridade Munisipál Lautém bele rejistu no konsidera prioridade bele tau iha Planu Munisípiu nian antes hetan elaborasaun finál ba dokumentus ofisiál ba PDIM nian, tanba planu ne’e Autoridade Munisípiu trasa ba iha tinan 5 nia laran. Aleinde ne’e mós Planu Mestre ida ne’e sai hanesan planu ba tinan 5 nian, nune’e mós planu sira ne’e iha futuru bele prienxe kritéria ida, Munisípiu Lautém bele tama ba iha Poder Lokal no Eleisaun Kamara Munisipál nian.

Iha intervensaun, 𝗦𝘂𝗮.𝗘𝘀𝗲𝗹é𝗻𝘀𝗶𝗮, Prezidente Autoridade Munisípiu Lautém, 𝗦𝗿. 𝗠é𝗹𝗶𝗼 𝗱𝗲 𝗝𝗲𝘀𝘂𝘀, 𝗦𝗛, hateten, dadersan ida ne’e, Autoridade Munisípiu Lautém kontinua hala’o Konsultasaun Públiku ba Planu Estratéjiju Dezenvolvimentu Munisípiu Lautém ba tinan 2025-2030 hodi rona ideia no hanoin husi Sosiedade no Komunidade sira, atu nune’e ekipa elaborador sira bele rejistu no konsidera prioridade bele tau iha Planu Munisípiu nian antes hetan elaborasaun finál ba dokumentus ofisiál ba PDIM nian.

Lider másimu iha Munisípiu Lautém esplika, konsultasaun ida ne’e atu ko’alia kona-ba médiu prazu iha Munisípiu Lautém, saida mak ita trasa uluk iha tinan 2015-2019 ita-nia ukun na’in sira iha tempu ne’ebá mós kria livru ida sai mós mestre ida atu servisu tuir ba iha prosesu dezenvolvimentu, maibé agora Autoridade Munisípiu Lautém hala’o konsultasaun mudansa tenke halo konsultasaun públiku ba komunidade sira no entidade sira hotu iha kada Postu Administrativu sira hodi rona ideia no hanoin hotu hodi bele ajusta ba livru mestre ida ne’e.

Tanba ida ne’e mak mudansa iha tinan 2025, ho mudansa hirak ne’e mak komesa iha hanoin halo revizaun ba Livru Planu Estratejiku Dezenvolvimentu Munisipál 2025-2030, nune’e iha oportunidade ida ne’e husu ba partisipante sira husi sosiedade sivíl, Veteranu, Família Martir sira, lider komunitária no korpu relijiozu sira iha Konsultasaun Públiku ida ne’e ekipa tékniku Elaborasaun sira sei aprezenta kona-ba pilár 4 nune’e partisipante sira bele atentu didi’ak, iha konsultasaun ne’e karik partisipante sira nia hanoin ruma bele hato’o hodi enkaiza ba iha ezbosu draft kona-ba Planu Estratejiku ida ne’e.

Responsavel Munisípiu Lautém mensiona, depois Konsultasaun Públiku hale’u hotu kada Postu Administrativu sira, Autoridade Munisípiu Lautém sei hala’o konvokasaun ba Konsultasaun Públiku iha nivel Munisipál ne’ebé sei konvida intelektuál Munisípiu Lautém oan sira hotu, hodi rona hanoin no ideia, hafoin bele prodús ba Livru Mestre ida.

Tanba ida ne’e mak konvida Veteranu/a sira nafatin hamriik iha oin hodi fó motivasaun ba intelektuál sira, tanba tempu to’o ona atu hamutuk hodi dezenvolve Munisípiu Lautém, maski iha diferensiá hanoin no Polítiku, maibé di’ak ba Povu Munisípiu Lautém nian mai ita hamutuk atu dezenvolve Munisípiu Lautém hodi hasai kiak no mukit, hodi tuir luta na’in sira nia objetivu luta mak liberta pátria, agora liberta Povu iha Munisípiu Lautém.

Hafoin abertura husi Prezidente Autoridade Munisipál Lautém, Diretor Servisu Ajensia Planeamentu aprezenta uluk Master Plan ba komunidade sira no aprezenta mós kapítulu ba introdusaun hanesan Planu Estratéjiku Dezenvolvimentu Nasionál 2011-2030, Planu Estratejiku dezenvolvimentu Munisipal 2015-2019.

Nune’e mós Asesor PARTISIPA aprezenta kona-ba Dezenvolvimentu Sosial ho Sub Pilar hanesan Sub Pilar Edukasaun, Sub Pilar Juventude no Desportu, Sub Pilar Saude, Sub Pilar Inkluzaun sosiál no igualdade jéneru, Sub Pilar Ambiente no Sub Pilar Kultura no Eransa.

Asesór PARTISIPA kontinua aprezenta Pilar IV kona-ba Enkuadramentu Instituisionál, hanesan Sub Pilar Padraun Instituisional Governu Lokal, Sub Pilar Jestaun Rekursus Humanu Governu Lokal no Sub Pilar Sistema no Prosedimentu Administrativus Governu Lokal.

Aleinde ne’e mós Diretór Ajensia Planeamentu, aprezenta mós Pilar II kona-ba Dezenvolvimentu Infra-Estrutura BazikuHanesan Sub Pilar Estrada, Pontes no Kontrolu de Xeias, Pilar Bee Mos no Saneamentu, Pilar de Eletrisidade, Pilar Transporte Terrestre no Pilar Telkomunikasaun.

Sekretáriu Munisipal Planeamentu aprezenta Pilar III kona-ba Dezenvolvimentu Ekonómia, Sub Pilar Dezenvolvimentu Rural, Sub Pilar Dezenvolvimentu Agrikultura, Peska, Pekuaria no Floresta, Sub Pilar Turismu, Sub Pilar Rekursu Renovavel (Komersiu no Industria), Sub Pilar Investimentu Setor Privadu no Sub Pilar Setor Kooperativa.

𝙍𝙚𝙢𝙖𝙩𝙖

(𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢)