𝗟𝗼𝘀𝗽𝗮𝗹𝗼𝘀, 𝗦𝗲𝗴𝘂𝗻𝗱𝗮-𝗳𝗲𝗶𝗿𝗮, 𝟴 𝗦𝗲𝘁𝗲𝗺𝗯𝗿𝘂 𝟮𝟬𝟮𝟱

𝗦𝘂𝗮.𝗘𝘀𝗲𝗹é𝗻𝘀𝗶𝗮, Prezidente Autoridade Munisipál Lautém, nu’udar Prezidente Konsellu Koordenasaun Munisipál (KKM) 𝗦𝗿. 𝗠é𝗹𝗶𝗼 𝗱𝗲 𝗝𝗲𝘀𝘂𝘀, 𝗦𝗛, konvoka reuniaun KKM ho membru ne’ebé envolve husi Diretor/a Servisu Munisipál, Diretor/a Servisu Delegasaun Teritorial, Administrador Postu Administrativu, Lospalos, Lautém, Iliomar, Luro, Tutuala no Lore no reprezentante Xefe Suku kada Postu, diskute ajenda hamutuk 4 hanesan Ordem Traballu ba Preparasaun Autoridade Munisipál no Lider Komunitaria iha Prosesu Rehabilitasaun Estrada Nasionál no Estrada Munisipál, Prienximentu Formatu Relatoriu Dezempeñu iha Dalan Ba Futuru Timor-Leste (DBFTL), Lista Planu Investimentu Munisipál (PIM) no Lista Adisional ba Redusaun Kapital Dezenvolvimentu no hili Kompañia hodi atende ba Merenda Eskolar nian iha fulan Janeiru to’o Marsu, enkontru ne’e akompaña mós husi ekipa MAE liu husi Diresaun Nasionál Apoiu Dezenvolvimentu Munisipál enkontru ne’e hala’o iha Salaun Administrasaun Autoridade Munisipál Lautém.

Iha intervensaun abertura reuniaun KKM, 𝗦𝘂𝗮.𝗘𝘀𝗲𝗹é𝗻𝘀𝗶𝗮, Prezidente Autoridade Munisipál Lautém, nu’udar Prezidente Konsellu Koordenasaun Munisipál (KKM), 𝗦𝗿. 𝗠é𝗹𝗶𝗼 𝗱𝗲 𝗝𝗲𝘀𝘂𝘀, 𝗦𝗛, husu membru KKM atu ativu nafatin iha reuniaun KKM, tanba reuniaun ida ne’e importante tebes hodi deside destinu Povu no Munisípiu Lautém nian ba prosesu dezenvolvimentu.

Depois abertura husi Prezidente KKM, Sekretáriu Munisipál Planeamentu aprezenta proposta kona-ba lista PIM no Lista Adisional ba Redusaun Orsamentu Kapital Dezenvolvimentu nian iha Autoridade Munisipál Lautém ba ano letivu 2026, ne’ebé aprova husi membru KKM ho Votus A-Favor 41 Abstensaun 0 no Kontra 0, nune’e Proposta refere hetan aprovasaun ba iha seksaun Ordem Traballu hodi halo diskusaun nune’e bele hetan apresiasaun.

Nune’e mós Diretor Servisu Munisipál Edukasaun Munisípiu Lautém fó rekomendasaun no sujere ba membru KKM atu fó hanoin kona-ba Merenda Eskolar nian, tanba Programa Merenda Eskolar nia ezekusaun tarde tanba komplikadu ho Lei balun fó dalan no parte balun la fó dalan, nune’e sei hadi’a fali ba enkontru tuir mai.

Enkuantu votasaun ba ajenda orden traballu no proposta preparasaun Autoridade Munisipál no lider komunitária iha prosesu reabilitasaun Estrada Nasional no Munisipál, Prienximentu Formatu Relatoriu Dezempeñu iha Dalan Ba Futuru Timor-Leste (DBFTL), aprezentasaun ajustamentu lista PIM 2026 ba redusaun Orsamentu kapitál dezenvolvimentu iha Autoridade Munisipál Lautém nian, rekomenda ba membru KKM kona-ba programa Orsamentu Merenda Eskolar ne’ebé nia ezekusaun, ne’ebé ho votus A-favor 41, Kontra 0 no Abstensaun 0.

Antes tama aprezentasaun, Prezidente KKM fó tempu ba membru KKM hodi hato’o ninia sujestaun no rekomendasaun preparasaun fatin serimónia lansamentu fatuk dahuluk ba Projetu Estrada Nasional no Munisipál nian, durante halo diskusaun membru KKM deside Kampu 28 Novembru, maibé akontese udan sei muda ba iha GOR Lospalos Vila.

Ajenda Prienximentu Formatu Relatoriu Dezempeñu iha Dalan Ba Futuru Timor-Leste (DBFTL), aprezentasaun husi Xefe Departamentu Ajensia Planeamentu ne’ebé akompaña ho Diretor Servisu Munisipál Ajensia Planeamentu, Aprezentasaun ajenda kona-ba Formatu Dezempeñu Dalan Ba Futuru Timor-Leste (DBFTL) no Asesor PARTISIPA aprezenta mós planu no orsamentu tinan fiskál 2026 nian.

𝙍𝙚𝙢𝙖𝙩𝙖

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢