𝗟𝗼𝘀𝗽𝗮𝗹𝗼𝘀, 𝗧𝗲𝗿𝘀𝗮-𝗳𝗲𝗶𝗿𝗮, 𝟵 𝗦𝗲𝘁𝗲𝗺𝗯𝗿𝘂 𝟮𝟬𝟮𝟱

𝗦𝘂𝗮.𝗘𝘀𝗲𝗹é𝗻𝘀𝗶𝗮, Prezidente Autoridade Munisipál Lautém nu’udar Prezidente Konsellu Konsultivu Munisipál (KKM) 𝗦𝗿. 𝗠é𝗹𝗶𝗼 𝗱𝗲 𝗝𝗲𝘀𝘂𝘀, 𝗦𝗛, konvoka sorumutu estraordináriu ba Konsellu Konsultivu Munisipál ho membru Konsellu Konsultivu Munisipál, hodi diskute ajenda iha ambitu reuniaun KKM, iha reuniaun ne’e akompaña direta husi Ekipa MAE liu husi Diresaun Nasionál Apoiu Dezenvolvimentu Munisípiu, ne’ebé hala’o iha Salaun Administrasaun Autoridade Munisipál Lautém.

Depois tama ba iha reuniaun KKM, ajenda rua tama iha Orden Traballu ne’ebé indika ona iha reuniaun KKM mak hanesan, Preparasaun Autoridade Munisipál Lautém ba iha Konstrusaun Estrada Nasional no Munisipál no Planu Estratéjiku Munisipál, Konsultasaun Ezbosu Planu Estratejiku Dezenvolvimentu Munisipál 2025-2030 Munisípiu Lautém, enkuantu ajenda rua seluk hanesan Lista PIM foun ne’ebé aprezenta husi Sekretáriu Munisipál Planeamentu Investimentu no Dezenvolvimentu Integradu (PIDI) no Espozisaun 20 de Agostu no 30 de Agostu 2025 ne’ebé prezensa husi reprezentante CMCLN Fini Ponta-Leste, nune’e proposta re-ajenda sesaun Orden Traballu atu hetan diskusaun no apresiasaun ba membru KKM sira.

Iha intervensaun, 𝗦𝘂𝗮.𝗘𝘀𝗲𝗹é𝗻𝘀𝗶𝗮, Prezidente Autoridade Munisipál Lautém nu’udar Prezidente Konsellu Konsultivu Munisipál (KKM) 𝗦𝗿. 𝗠é𝗹𝗶𝗼 𝗱𝗲 𝗝𝗲𝘀𝘂𝘀, 𝗦𝗛, hateten, ohin hahú reuniaun fali Konsellu Konsultivu Munisipál (KKM) atu fó apresiasaun ba ajenda rua ne’ebé tama ba iha Orden Traballu mak preparasaun Autoridade Munisipál Lautém ba iha konstrusaun Estrada Nasional no Munisipál no Planu Estratéjiku Munisipál ne’ebé sei hala’o konsultasaun ba iha nivel Postu Administrativu sira iha Munisípiu Lautém.

Tanba ida ne’e, Prezidente Konsellu Konsultivu Munisipál husu ba Xefe Suku sira nu’udar membru Konsellu Konsultivu Munisipál partisipa reuniaun sira ne’e hodi fahe hanoin no hato’o preokupasaun Komunidade sira nian hodi deside, tanba Xefe Suku sira maka hela hamutuk direta ho Komunidade sira iha terenu. Aleinde Votasaun ba ajenda Orden Traballu hamutuk 4, hanesan Preparasaun Autoridade Munisipál Lautém no lider Komunitaria iha prosesu reabilitasaun Estrada Nasional no Munisipál, Konsultasaun Ezbosu Planu Estratejiku Dezenvolvimentu Munisipál 2025-2030 Munisípiu Lautém, Lista PIM foun no Espozisaun 20 de Agostu no 30 de Agostu 2025 nian, nune’e membru KKM fó apresiasaun liu husi votasaun finál globál ba ajenda Orden Traballu ho Votus A-favor 32 Abstensaun 0 no Kontra 0, nune’e ajenda Orden Traballu 4 pasa atu hetan diskusaun no fó apresiasaun ba membru KKM.

Aleinde ne’e mós Diretor Ajensia Planeamentu Munisípiu Lautém aprezenta Konsultasaun ezbosu Planu Estratejiku Dezenvolvimentu Munisipál 2025-2030, ne’ebé ho pontu prinsipál maka introdusaun kultura no organizasaun potensiál rekursu lokál, pilár dezenvolvimentu no konsiderasaun ikus konkluzaun referénsia no matrix ba membru Konsellu Konsultivu Munisipál sira durante iha ámbitu partisipa KKM.

Ajenda pasa ba diskusaun lista projetu hamutuk 19 ho nia valór orsamentu hamutuk millaun 4 resin aumenta projetu mak hanesan Mini Merkadu tolu hanesan Postu Lautém, Tutuala no Lore, fatin toilet Publiku no fatin deskansa iha Postu Laivai batas Lautém no Laga konstrusaun uma tipika iha Valu-Sere kompleta ho liña internét be mós.

Iha sorumutu Extraordinaria KKM ne’e hetan partisipasaun maximu husi membru Konsellu konsultivu Munisipál, ne’ebé kompostu husi Xefe Suku hamutuk 34, reprezentante Organizasaun sira, reprezentante Veteranu no Rede Feto, Reprezentante Juventude no Setor Privadu-CCI, reprezentante Partidu Polítiku asentu iha Parlamentu Nasionál no reprezentante Intelktuais Lautém Oan.

𝙍𝙚𝙢𝙖𝙩𝙖

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢