PREZIDENTE AUTORIDADE MUNISIPAL HALA’O KONSULTASAUN PLANU ESTRATEJIKU DEZENVOLVIMENTU MUNISIPAL (PEDM) 2025-2030 BA LORON DARUAK IHA POSTU ADMINISTRATIVU LAUTEM

𝗟𝗮𝘂𝘁é𝗺, 𝗦𝗲𝘅𝘁𝗮-𝗳𝗲𝗶𝗿𝗮, 𝟭𝟮 𝗦𝗲𝘁𝗲𝗺𝗯𝗿𝘂 𝟮𝟬𝟮𝟱

𝗦𝘂𝗮.𝗘𝘀𝗲𝗹é𝗻𝘀𝗶𝗮, Prezidente Autoridade Munisipál Lautém, 𝗦𝗿. 𝗠é𝗹𝗶𝗼 𝗱𝗲 𝗝𝗲𝘀𝘂𝘀, 𝗦𝗛, hamutuk Sekretáriu Munisipál Planeamentu Investimentu no Dezenvolvimentu Integradu ho Diretor/a Servisu Munisipál no Diretor/a Servisu Delegasaun Teritorial sira, hahú hala’o Konsultasaun Públiku ba Planu Estratejiku Munisípiu Lautém tinan 2025-2030 ba Komunidade sira iha Postu Administrativu Lautém, ne’ebé hala’o iha Salaun Parókia Cristo Rei Lautém, Postu Administrativu Lautém, Munisípiu Lautém.

Objetivu husi Konsultasaun ne’e, oinsá Autoridade Munisipál Lautém bele rona hanoin no ideia hotu husi sosiedade no Komunidade sira, atu nune’e ekipa elaborador sira no Prezidente Autoridade Munisipál Lautém bele rejistu no konsidera prioridade bele tau iha Planu Munisípiu nian antes hetan elaborasaun finál ba dokumentus ofisiál ba PDIM nian, tanba planu ne’e Autoridade Munisípiu trasa ba iha tinan 5 nia laran.

Iha intervensaun, 𝗦𝘂𝗮.𝗘𝘀𝗲𝗹é𝗻𝘀𝗶𝗮, Prezidente Autoridade Munisipál Lautém, 𝗦𝗿. 𝗠é𝗹𝗶𝗼 𝗱𝗲 𝗝𝗲𝘀𝘂𝘀, 𝗦𝗛, hateten, Autoridade Munisípiu Lautém hahú hala’o Konsultasaun Públiku ba Planu Estratejiku Munisípiu Lautém tinan 2025-2030 ba Komunidade sira, tanba planu ne’e Autoridade Munisípiu trasa ba iha tinan 5 nia laran.

Nune’e lider másimu iha Munisípiu Lautém afirma, bainhira remata Konsultasaun, Autoridade Munisipál Lautém sei hala’o semináriu ida iha Munisípiu Lautém, nune’e sei konvida intelektuál Munisípiu Lautém oan sira hotu atu partisipa semináriu ida ne’e, atu nune’e bele diskute no fó hanoin ba malu kona-ba ezbosu Planu Estratéjiku Dezenvolvimentu Munisípiu Lautém nian, antes sai nu’udar dokumentus ofisiál ida ba iha Livru PDIM Munisípiu Lautém nian.

Hafoin abertura husi, Prezidente Autoridade Munisipál Lautém, Diretor Servisu Ajensia Planeamentu aprezenta uluk Master Plan ba komunidade sira no aprezenta mós kapítulu ba introdusaun hanesan Planu Estratéjiku Dezenvolvimentu Nasionál 2011-2030, Planu Estratejiku dezenvolvimentu Munisipal 2015-2019.

Nune’e mós Asesor PARTISIPA aprezenta kona-ba Dezenvolvimentu Sosial ho Sub Pilar hanesan Sub Pilar Edukasaun, Sub Pilar Juventude no Desportu, Sub Pilar Saude, Sub Pilar Inkluzaun sosiál no igualdade jéneru, Sub Pilar Ambiente no Sub Pilar Kultura no Eransa.

Asesór PARTISIPA kontinua aprezenta Pilar IV kona-ba Enkuadramentu Instituisionál, hanesan Sub Pilar Padraun Instituisional Governu Lokál, Sub Pilar Jestaun Rekursus Humanu Governu Lokal no Sub Pilar Sistema no Prosedimentu Administrativus Governu Lokal.

Aleinde ne’e mós Diretór Ajensia Planeamentu, aprezenta mós Pilar II kona-ba Dezenvolvimentu Infra-Estrutura Bzáiku Hanesan Sub Pilar Estrada, Pontes no Kontrolu de Xeias, Pilar Bee Mos no Saneamentu, Pilar de Eletrisidade, Pilar Transporte Terrestre no Pilar Telkomunikasaun.

Sekretáriu Munisipal Planeamentu aprezenta Pilar III kona-ba Dezenvolvimentu Ekonómia, Sub Pilar Dezenvolvimentu Rural, Sub Pilar Dezenvolvimentu Agrikultura, Peska, Pekuaria no Floresta, Sub Pilar Turismu, Sub Pilar Rekursu Renovavel (Komersiu no Industria), Sub Pilar Investimentu Setor Privadu no Sub Pilar Setor Kooperativa.

Iha biban ne’e Autoridade Munisipál Lautém aproveita Konsultasaun Planu Estratejiku Dezenvolvimentu Munisipiu Lautém iha Postu Administrativu Lautém, fahe Fos 25Kg no Supermie apoiu Umanitaria ba Suku 10 iha Postu Lautém, enkuantu kada Suku rejistu benefisiáriu hamutuk 14 ne’ebé identifika husi Xefe Suku sira.

Apoiu sira ne’e, Autoridade Munisípiu Lautém halo proposta ba iha Autoridade Protesaun Sivil (APC) hodi oferese Fos 25Kg hamutuk 500 saka mai iha Munisípiu Lautém hodi fahe ba Komunidade Vulneravel sira ne’ebé identifika husi Xefe Suku sira.