𝗟𝗼𝘀𝗽𝗮𝗹𝗼𝘀, 𝗞𝘂𝗮𝗿𝘁𝗮-𝗳𝗲𝗶𝗿𝗮, 𝟭𝟳 𝗗𝗲𝘇𝗲𝗺𝗯𝗿𝘂 𝟮𝟬𝟮𝟱

Ministériu Administrasaun Estatal (MAE) liu husi Koordenador ekipa Avaliasaun Kondisaun Minímu, atual Diretor Jerál STAE 𝗦𝗿. 𝗘𝗹𝗯𝗶𝗿𝗼 𝗠𝗼𝗻𝗶𝘇 ho ekipa hala’o Avaliasaun Kondisaun Minímu ba Servisu Munisipál sira hodi hare servisu ne’ebé kada Diresaun hala’o iha sira nia atendimentu, alende aktividade avaliasaun kondisaun mínimu ekipa mós halo formasaun ba ajustamentu ba baze dadus, atividade ne’e abertura husi Sua.Eselénsia Prezidente Autoridade Munisipál Lautém ne’ebé hala’o iha Administrasaun Autoridade Munisipál Lautém.

Iha intervensaun, 𝗦𝘂𝗮.𝗘𝘀𝗲𝗹é𝗻𝘀𝗶𝗮, Prezidente Autoridade Munisipál Lautém, 𝗠é𝗹𝗶𝗼 𝗱𝗲 𝗝𝗲𝘀𝘂𝘀 𝗦𝗛 hateten, ohin iha atividade rua mak hanesan atualizasaun dadus ne’ebé tuir Despacho husi Ministru Administrasaun Estatal nian durante loron 3 hahu iha loron 17 too 19, nune’e mós Despacho husi Ministeriu Administrasaun Estatal kona-ba Avaliasaun Kondisaun Minímu ne’ebé lideradu husi Diretor Jeral STAE.

Lider másimu iha Munisípiu Lautém afirma, kona-ba atividade atualizasaun dadus Diresaun Servisu Munisipál sira bele servisu hamutuk ho ekipa sira liuliu Diretor Servisu Munisipál Apoiu NGO no Organizasaun Komunitaria ba parte tékniku IT sira ne’ebé kaer Portal Munisipál no Profile Munisipál, hodi bele fornese dadus ho lolos tuir livru 18 ne’ebé ligadu ba Monografia, Demografia no Profile Munisipál nian, kona-ba avaliasaun Kondisaun Mínimu, husu Diretur servisu Munisipál sira ne’ebé sistema liuliu husi Planeamentu, Finansas, Administrasaun, Rekursu Umanu no Aprovizionamentu no Diresaun Sira Seluk atu bele fornese dadus ida ne’ebé kredivel hodi bele priense requzitu husi ekipa avalisaun nian.

Tuir Artigu 7 too artigu 19 dekretu Lei no. 84 ne’ebé altera ba danen DL. 34/2025 15 de Maio ne’ebé atribui kompeténsia kada servisu munisipál sira hodi ezerse nia funsaun tuir Lei haruka, tamba DL sei ida ne’e mak sai sasukat ida Munisípiu Lautém prontu atu avansa hodi simu Desentralizasaun Poder Lokál.

Aleinde ne’e Diretor Jerál STAE nu’udar Koordenador Ekipa Avaliasaun Kondisaun Minímu 𝗦𝗿. 𝗘𝗹𝘃𝗶𝗿𝗼 𝗙𝗲𝗿𝗻𝗮𝗻𝗱𝗲𝘀 𝗠𝗼𝗻𝗶𝘇, atual hatutan, ekipa avaliador sira mai iha Autoridade Munisipál Lautém ne’ebé kumpri despacho husi Ministru Administrasaun Estatal nian, Despacho No°48/MAE/12/2025 iha loron 5 Dezembru 2025, ba iha Munisípiu atu halo Avaliasaun Kodisaun Minímu nune’e bele hatene kondisaun Minímu iha kada Munisípiu atu hein desizaun husi Ministériu katak Munisípiu sira ne’ebé bele avansa ba iha elisaun Poder Lokal iha tinan 2027.

Diretor Jerál Dezenvolvimentu Lokál 𝗦𝗿. 𝗩𝗶𝗿𝗷𝗶𝗹𝗶𝗼 𝗱𝗮 𝗖𝗼𝘀𝘁𝗮 haktuir, ekipa sira husi MAE mai marka prezensa iha Autoridade Munisipál Lautém ne’ebé tuir ordem husi Ministériu Administrasaun Estatal relasiona ho atualizasaun baze de dadus, Sigsa, Balkaun Uniku, Portal Munisipál no Profile Munisipál, tamba tuir dadus ne’ebé entri iha nasionál diferensia boot entre Resensiamento Biométrico no dadus iha Portal Munisípiu.

Objetivu prinsipál ba atividade ida ne’e hodi garantia ba oin, oinsa bele haromiza sinkroniza dadus sira iha Portal Munisipál no dadus sira ne’e sai hanesan instrumentu ba atividade hotu-hotu iha sustentabilidade dezenvolvimentu lokal iha Munisípiu Lautém.

𝙍𝙚𝙢𝙖𝙩𝙖

(𝙈𝙚𝙙𝙞𝙖 𝙋𝘼𝙈-𝙇𝙖𝙪𝙩𝙚𝙢)