𝗟𝗼𝘀𝗽𝗮𝗹𝗼𝘀, 𝗞𝗶𝗻𝘁𝗮-𝗳𝗲𝗶𝗿𝗮, 𝟮𝟵 𝗝𝗮𝗻𝗲𝗶𝗿𝘂 𝟮𝟬𝟮𝟲

Comisaun Nasional Eleições (CNE) liu husi Komisáriu CNE 𝗦𝗿. 𝗢𝗹𝗮𝘃𝗶𝗼 𝗱𝗮 𝗖𝗼𝘀𝘁𝗮 𝗠𝗼𝗻𝘁𝗲𝗶𝗿𝗼 𝗱𝗲 𝗔𝗹𝗺𝗲𝗶𝗱𝗮 akompana ho Diretor CNE Munisípiu Lautém ho ekipa hala’o audiensia ho 𝗦𝘂𝗮.𝗘𝘀𝗲𝗹𝗲𝗻𝘀𝗶𝗮, Prezidente Autoridade Munisipál Lautém hodi atualiza atividade CNE nian, ne’ebé sei hala’o iha Munisípiu Lautém mak hanesan CNE sei vizita kortezia ba Sede Partidu Polítiku sira iha Munisípiu Lautém, Enkontru ho Lideransa Partidu Polítiku sira iha Munisípiu Lautém kontinua Debate Públiku hodi halo avaliasaun prelimináriu no Edukasaun Sívika, audiensia ne’e hala’o iha Sala Gabinete Prezidente Autoridade Munisipál Lautém.

Iha intervensaun, 𝗦𝘂𝗮.𝗘𝘀𝗲𝗹é𝗻𝘀𝗶𝗮, Prezidente Autoridade Munisipál Lautém 𝗦𝗿. 𝗠é𝗹𝗶𝗼 𝗱𝗲 𝗝𝗲𝘀𝘂𝘀 𝗦𝗛 hateten, Autoridade Munisipál Lautém simu ona despaixu husi 𝗦𝘂𝗮.𝗘𝘀𝗲𝗹é𝗻𝘀𝗶𝗮, Ministru Administrasaun Estatal (MAE) bazeia ba karta ne’ebé Prezidente CNE manda ba iha MAE kona-ba CNE nia vizita ofisial ba Sede Partidu Polítiku sira no lideransa partidu polítiku ba kada Munisípiu, espesial mai iha Munisípiu Lautém.

Tamba ida ne’e, primeiru lider másimu iha Munisípiu Lautém afirma, Governu lokál sempre iha komitmentu hakarak nafatin kolabora no servisu hamutuk ba preparasaun desentralizasaun Governu lokál nian.

Nune’e Autoridade Munisipál Lautém agradese no apoiu nafatin ba programa ne’ebé CNE iha, hodi kontinua ba debate públiku ba partidu polítiku sira, ne’ebé hanesan Edukasaun Sívika ida ba partidu polítiku sira hodi komesa harii, nune’e futuru lideransa ne’ebé kualidade atu lidera nasaun liuliu Munisípiu Lautém.

Iha fatin hanesan Komisáriu CNE 𝗦𝗿. 𝗢𝗹𝗮𝘃𝗶𝗼 𝗱𝗮 𝗖𝗼𝘀𝘁𝗮 𝗠𝗼𝗻𝘁𝗲𝗶𝗿𝗼 𝗱𝗲 𝗔𝗹𝗺𝗲𝗶𝗱𝗮 haktuir tan, atividade importante tolu ne’ebé sei halo iha Munisípiu Lautém, primeiru CNE sei vizita kortezia ba Sede Partidu Polítiku sira, enkontru lideransa partidu polítiku sira iha nivel Munisipál hodi partilla informasaun kona-ba atividade ne’ebé hala’o no atualiza atividade balun ne’ebé halo ona no halo avaliasaun kona-ba durante debate, CNE mos sei realiza dala ida tan debate públiku relasiona preparativu ba Eleisaun Munisipál.

Nia esplika tinan ida ne’e, tinan preparasaun ba Eleisaun Prezidensial no Eleisaun Kamara Munisipál, nune’e prepara uluk kondisaun másimu iha terenu liuliu ba eleitores sira no baze de dadus, atu nune’e bele define futuru hodi avansa ba Eleisaun Kamara Munisipál.

𝙍𝙚𝙢𝙖𝙩𝙖

(𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢)