𝐋𝐨𝐬𝐩𝐚𝐥𝐨𝐬, 𝐒𝐞𝐱𝐭𝐚-𝐟𝐞𝐢𝐫𝐚, 𝟐𝟎 𝐅𝐞𝐯𝐞𝐫𝐞𝐢𝐫𝐮 𝟐𝟎𝟐𝟔

𝐒𝐮𝐚 𝐄𝐬𝐞𝐥𝐞𝐧𝐬𝐢𝐚 Prezidente Autoridade Munisipál Lautém, 𝐒𝐫. 𝐌é𝐥𝐢𝐨 𝐝𝐞 𝐉𝐞𝐬𝐮𝐬 𝐒𝐇, fó Auto Tomada de Posse ba emposadu sira hamutuk na’in Ualu, mak hanesan Sekretáriu Munisipál Administrasaun no Finansas, Sekretáriu Munisipál Asuntu Sosiais no Organizasaun Komunitáriu, Diretor Servisu Munisipál Finansas, Diretor Servisu Munisipál Aprovizionamentu, Diretor Servisu Munisipál Planeamentu Integradu no Dezenvolvimentu, Diretor Ajensia Planeamentu, Diretora Servisu Munisipál Rejistu Notariadu no Servisu Kadastrais no Diretora Servisu Munisipál Asaun Sosial, ne’ebé hala’o iha Salaun Administrasaun Autoridade Munisipál Lautém.

Iha diskursu, 𝐒𝐮𝐚 𝐄𝐬𝐞𝐥𝐞𝐧𝐬𝐢𝐚, Prezidente Autoridade Munisipál Lautém, 𝐒𝐫. 𝐌é𝐥𝐢𝐨 𝐝𝐞 𝐉𝐞𝐬𝐮𝐬 𝐒𝐇,hateten, nu’udar Prezidente Autoridade Munisipál Lautém ne’ebé reprezenta Governu sentrál, liu husi Sua Eselensia Ministru Administrasaun Estatal (MAE), hodi prezide momentu solene Auto de Tomada de Posse ba Sekretáriu Munisipál no Diretores Servisu Munisipál iha Estrutura Autoridade Munisipál Lautém.

Nia dehan, Serimónia solene ida ne’e, la’os de’it serimónia formál ba emposadu sira, maibé Tomada de pose ne’e nu’udar aktu administrativu ida atu fó validade legál no institusionál, tanba liu husi aktu tomada de pose mak bele konfirma investidór obriga dirijenti nomeiadu sira atu respeita lei no regularmente, iha transparénsia públika ba mudansa lideransa no garante lejitimidade institusionál ho baze legál no morál.

Lider másimu iha Munisipál Lautém, hakarak kongratula ba emposadu sira Sekretáriu Munisipál na’in 2 no Diretores Servisu Munisipál na’in 6, mak nomeiadu hosi Sua Eselensia MAE no ohin simu ona Auto de Tomada de Posse perante husi Prezidente Autoridade Munisipál Lautém.

Nu’udar dirijente másimu iha Munisípiu Lautém nafatin husu ba okupante kargu dirijenti sira, mak hanesan Sekretáriu Munisipál no Diretor Servisu Munisipál, atu assume knaar ida ne’e ho responsabilidade no integridade, nafatin atu hala’o servisu hirak ne’ebé atribui ho vizaun estratéjiku, ho kompeténsia téknika no respeitu profundu ba lei no regulamentu sira ne’ebé vigora iha enkuadramentu jurídika.

Autoridade Munisipál Lautém mós rekoñese Munisípiu Lautém iha obstákulu no dezafiu barak, maibé iha potensialidade boot iha setór oioin, tanba ne’e papél hanesan dirijenti atu buka oinsá bele transforma planu sira sai rezultadu konkretu, metas sira bele konkista, no kompromisu sira hotu sai asaun vizivel bele haree ho matan, buat hirak ne’e hotu bele alkansa bainhira ita servisu ho loos, disiplina, dedikasaun tomak no iha espíritu servisu hamutuk ne’ebé forte.

Tanba ida ne’e lori Autoridade Munisipál Lautém nia naran hakarak fó votus parabéns ba dirijenti sira ne’ebé simu knaar, nune’e husu atu servisu ho korajen no sabedoria, tanba juramentu ne’ebé hala’o liu husi Auto de Tomada de Posse sai giaun tenke halo ho responsabilidade, baze ba prinsípiu respeitu mutua no orienta ba bens estar komún.

𝙍𝙚𝙢𝙖𝙩𝙖

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢